Verohallinnon nimissä on lähetetty huijausviestejä. Lue lisää huijauksista.

Báŋkokontonummira almmuhus ja nuppástusat

Ráva guoská persovdnaáššehasaid sihke fitnodagaid ja servošiid. Juos leat almmuheamin jápminbeasi báŋkokonttu, loga sierra rávvaga (suomagillii).

Vearrohálddahus dárbbaša kontonummira vearromáhcahusa máksima várás. Almmut Vearrohálddahussii du kontonummira, juos it leat dan juo almmuhan ovdalis dahje juos du kontonummir lea nuppástuvvan.

Kontonummira ii sáhte almmuhit telfona bokte iige epoasttain.

Almmut kontonummira OmaVero-bálvalusas

Go almmuhat kontunummira OmaVero-bálvalusas, kontonummir beaiváduvvá dakkaviđe Vearrohálddahusa dieđuide.

Almmut kontonummira OmaVero-bálvalusas

Geahča rávvagiid: Ná almmuhat kontonummira OmaVero-bálvalusas

Ovdduidgohcinvuloš olbmo kontonummira ii sáhte almmuhit dahje nuppástuhttit OmaVero-bálvalusas. Ovdduidgohcci sáhttá almmuhit kontonummira bábirskoviin.

OmaVero-bálvalusas sáhtát almmuhit maiddái iežat agivuloš máná kontonummira

Juos leat máná fuolaheaddji, čálit sisa OmaVero-bálvalussii iežat neahttabáŋkodovddaldagaiguin dahje mobiilasihkkarastiin ja vállje Asiointi toisen puolesta (Áššedikšun nuppi bealis).

Ágivuloš mánná sáhttá almmuhis iežas kontonummira maiddái ieš, juos sus leat neahttabáŋkodovddaldagat dahje mobiilasihkkarasti.

Ná rádjet kontunummira almmuheami dušše OmaVero-bálvalussii

Juos hálidat, ahte kontonummira sáhttá nuppástuhttit dušše OmaVero-bálvalusas identifiserema bokte itge bábirskoviin, sáhtát ráddjet kontonummira almmuheami:

  • Vállje OmaVero-bálvalusas gaskasiiddu Asiakastiedot (Áššehasdieđut).
  • Vállje Oman asioinnin suojaaminen (Iežas áššedikšuma suddjen).
  • Vállje Muuta suojaamistapoja (Nuppástuhte suddjenvugiid).
  • Vállje bajilčállaga Tietojen ilmoittamistapa (Dieđuid almmuhanvuohki) maŋŋá čuoggá Asiointi sallittu vain OmaVerossa (Áššedikšun lobálaš dušše OmaVero-bálvalusas).
  • Vállje Seuraava (Čuovvovaš).
  • Dárkkis du dahkan nuppástusaid ja vállje loahpas Lähetä (Sádde).

Persovdnaáššehas sáhttá almmuhit kontonummira maiddái bábirskoviin

Geavat čuovvovaš skoviid:

Daga ná:

  • Almmut dieđuid ja vuolláičále skovi.
  • Máhcat skovi čujuhussii, mii oidno skovi badjeravddas. Sáhtát máhcahit skovi maiddái man beare vearrodoaimmahahkii.
  • Sáhtát diŋgot guoros skovi poastta mielde bálvalannummiris 029 497 030 (háladeami haddi bfm./mtm.).

Servošat ja árvvulassevearrogeatnegasat sáhttet almmuhit kontonummira dušše OmaVero-bálvalusas

Servošat ja árvvulassevearrogeatnegasat almmuhit iežaset kontonummiriid OmaVero-bálvalusas.

Fápmuduvvon áššedikšu ii goittotge sáhte nuppástuhttit oasussearvvi, almmolaš oasussearvvi dahje searvvi kontonummira OmaVero-bálvalusas. Nuppástusa sáhttá dahkat dušše

  • fitnodaga gávperegisttardieđuide merkejuvvon doaibmaorgánarollaiguin dahjege fitnodaga dahje oasusgotti iežas ovddasteaddji
  • searveregistarii merkejuvvon doaibmaorgánarollaiguin dahjege searvvi sátnejođiheaddji dahje nammačállinvuoigatvuođalaš ovddasteaddji

Kontonummira sáhttá almmuhit bábirskoviin dušše erenomáš siva geažil, dego teknihkalaš eastaga dihte. Loga lasi: Kontonummiralmmuhus – Fitnodatáššehas (7209, suomagillii).

Dát ráva eará gielaiguin

Ráva suomagillii: Tilinumeron ilmoitus ja muutokset

Ráva ruoŧagillii: Anmälan och ändring av kontonummer

Sivu on viimeksi päivitetty 15.1.2025