Ná gávnnat dáláš vearrokoartta dahje diŋgot ođđa vearrokoartta OmaVero-bálvalusas

Go leat čálihan iežat sisa OmaVero-bálvalussii, oainnát dáláš vearroproseantta ja boahtorájá oasis Verokortti ja ennakkovero 2024 (Vearrokoarta ja ovdavearru 2024).

Juos hálidat printet dahje vurket dáláš vearrokoartta dahje diŋgot ođđa vearrokoartta, vállje liŋkka Verokortit ja ennakkovero (Vearrokoarttat ja ovdavearru).

Oaččut ođđasamos vearrokoartta oidnosii, go válljet Avaa verokortti (Raba vearrokoartta).

Juos hálidat dahkat iežat vearrokortii nuppástusaid, vállje Tilaa uusi verokortti (Diŋgo ođđa vearrokoartta).

Vállje Valitse lyhyt hakemus (Vállje oanehis ohcamuša).

Oanehis ohcamušain sáhtát

• diŋgot vearrokortta bálkká, lunddolaš ovdduid, ovdduid ja oahpporuđa várás.
• almmuhit ruovttu ja bargosaji gaskasaš mátkegoluid ja bargomárkanservviid lahttomávssuid.

Juos fuobmát, ahte don fertet almmuhit vearrokoartta várás maiddái eará boađuid dahje geahpádusaid, sáhtát sirdásit oanehis ohcamušas oppa ohcamuššii goas beare.

Vearrokoartaohcamušas leat guhtta čuoggá. Oainnát čuoggáid iežat nama vulobealde.

Čoakkis Perustiedot (Vuođđodieđut): Dárkkis, ahte du dieđut leat riekta.

Čoakkis Esitäytetyt tulot ja vähennykset (Ovdadevdojuvvon boađut ja geahpádusat):

Oainnát dieđuid boađuin ja geahpádusain, maid vuođul du dáláš vearrokoarta lea rehkenaston. Sáhtát nuppástuhttit dieđuid dán čuoggás.

Dárkkis dieđuid boađuin. Oainnát boahtoregistarii almmuhuvvon dieđuid liŋkkas Tulorekisterin tiedot (Boahtoregistara dieđut).

Vállje, almmuhatgo dán rádjái mákson bálkkáid ja ovdavearrogeassimiid ieš, vai geavahatgo boahtoregistarii almmuhuvvon dieđuid. Juos almmuhat dieđuid ieš, merke jagi álggu rájes mákson bálkká ja das mákson ovdavearrogeassin.

Fuom! Juos hálidat nuppástuhttit dušše vearrokoartta fápmoáiggi (ovdamearkka dihte 1.1. rájes), don fertet nuppástuhttit maiddái boađuid - ovdamearkka dihte ovttain euroin.

Almmut čuovvovaččat olugo sullii oaččut bálkáboađuid: sáhtát válljet almmuhatgo árvvoštallama:

• olles jagi bálkkás (12 mánu)
• bálkkás, mii mákso loahppajagi áigge (ođđa vearrokoartta fápmuiboahtimis jagi lohppii).

Rehkenastte oktii buot bálkábargguin čoggon bálkkáid, bálkkášumiid, luopmoruđaid ja lunddolaš ovdduid. Ále rehkenastte fárrui ovdduid, ealáhagaid, oahpporuđaid dahje olgoriikka bálkáboađuid. Almmut sierra daid boađuid daidda gullevaš čuoggáin.

Čoakkis Muut tulot (Eará boađut):

Juos dus leat eará boađut, almmut daid čuovvovaččat.
Ovdamearkka dihte: Juos oažžugoađát ovddu, vállje molssaevttu Kyllä (Juo) oasis Etuudet, dan maŋŋá vállje Lisää uusi etuus (Lasit ođđa ovddu).

Almmut vuos, mákságo ovddu Kela/ÁEL vai eará suopmelaš máksi.

Vállje dan maŋŋá listtus maksajan nimi (máksi namma), ovdamearkka dihte Yleinen työttömyyskassa YTK. Juos namma ii leat listtus, vállje Muu suomalainen maksaja (Eará suopmelaš máksi). Čále dan maŋŋá guoros teakstagieddái máksi nama, ovdamearkka dihte Työllisyysrahasto. Fuomáš, ahte F-dovddaldat ii leat dán dáhpáhusas bákkolaš diehtu. Juos máksi gávdno listtus, don it dárbbaš lasihit máksi čujuhusa dan čuoggás, mas doaimmahanvuohki válljejuvvo.

Almmut etuuden laji (ovddu šládja) ja etuuden määrä (ovddu mearri). Fuomáš, ahte sáhtát almmuhit ovddu šlája dušše oktii iešguđetge máksái.

Juos it leat ožžon mearrádusa ovddus, sáhtát árvvoštallat ovddu mearri ieš. Ovdamearkka dihte dietnasii čatnasan bargguhisvuođabeaiveruđa mearri lea 60 % bálkká mearis.

Vállje loahpas OK.

Čoakkis Muut vähennykset (Eará geahpádusat):

Juos almmuhat dahje nuppástuhtat ruovttu ja bargosaji gaskasaš mátkegoluid, vállje Kyllä (Juo) oasis Matkakulut (Mátkegolut). Vállje dan maŋŋá Lisää uusi matkakulu (Lasit ođđa mátkegolu).

Čoakkis Toimitustapa (Doaimmahanvuohki).

Almmut, man beaivvi rájes ođđa vearrokoarta lea fámus.

Palkan verokortti (Bálkká vearrokoarta):
Vállje, hálidatgo vearrokoartta:

• dušše elektrovnnalaččat OmaVero-bálvalussii
• OmaVero-bálvalussii ja bábirhámis poastta mielde ruoktot
• OmaVero-bálvalussii ja njuolgga máksái

Juos válljet maŋimuš čuoggá, beasat dan maŋŋá deavdit ovdamearkka dihte bálkámáksi čujuhusdieđuid.

Etuuden verokortti (Ovddu vearrokoarta):
Juos leat ovddit čuoggás válljen ovddu máksi listtus, Vearrohálddahus doaimmaha vearrokoartta njuolgga máksái. Ovdamearkka dihte Kela/ÁEL oažžu du vearrokoartta dieđuid njuolgga Vearrohálddahusas.

Juos leat válljen listtus Muu suomalainen maksaja (Eará suopmelaš máksi) ja čállán máksi nama (omd. Työllisyysrahasto), sáhtát válljet hálidatgo vearrokoartta du ruoktočujuhussii dahje njuolgga máksái. Dalle don fertet lasihit máksi čujuhusa dákko buohta.

Juos leat nuppástuhttán maiddái iežat bálkádieđuid, oaččut vearrokoartta maiddái bálkái.

Čoakkis Esikatsele ja lähetä (Ovdageahča ja sádde).

Dárkkis, ahte dieđut leat riekta. Beasat divvut dieđuid, go válljet liŋkka Muokkaa (Divo) dahje Edellinen (Ovddit).

Juos hálidat joatkit deavdima maŋŋá, vállje Tallenna keskeneräisenä (Vurke gaskandaga). Dieđut seilot vurkejuvvon hámis ovtta mánotbáji. Vearrohálddahus ii gieđahala dieđuid ovdal, go leat sádden daid.

Go buot dieđut leat riekta, vállje Lähetä (Sádde). Dan maŋŋá oaččut nannema, ahte du ohcamuš lea vuostáiváldon.

Go leat sádden dieđuid, ođđa vearrokoarta doaimmahuvvo dan vuostáiváldái, man leat válljen. Vearrokoartta dieđut oidnojit álo maiddái OmaVero-bálvalusas čuoggás Verokortit ja ennakkovero (Vearrokoarttat ja ovdavearru).