Suomi.fi-dieđáhusat ja elektrovnnalaš vearroboasta persovdnaáššehasaide

Dát ráva guoská priváhtaolbmuid, ealáhusbargiid, eanadoaluin bargiid ja vuovdedoaluin bargiid.

Eiseválddiid reivvet doaimmahuvvojit dušše elektrovnnalaččat buohkaide, geat geavahit elektrovnnalaš almmolaš áššiid dikšuma bálvalusaid. Dán siiddus gávnnat dieđu ja rávvagiid das, mot elektrovnnalaš áššiid dikšuma bálvalusaid geavaheapmi váikkuha dutnje sierra diliin.

Juos don leat dievas agis eaige dus leat vel Suomi.fi-dieđáhusat anus, oaččut bálvalusa iežat atnui seammas, go leat identifiseren iežat Suomi.fi-identifiseremiin ovdamearkka dihte OmaVero-bálvalussii (sámás MuVearru) dehe juoga nuppi eiseválddi áššiid dikšuma bálvalussii (ovdamearkka dihte MuKanta dehe MuKela).

Identifiserema olis dutnje ráhkaduvvo automáhtalaččat elektrovnnalaš boastagássa Suomi.fi-dieđáhusaide.
Suomi.fi-dieđáhusat lea Digi- ja álbmotdiehtovirgedoaimmahaga bálvalus, masa oaččut sierra eiseválddiid sádden reivviid, mearrádusaid ja rehkegiid. Seamma ášši ii sáddejuvvo báberboastan.
Don sáhtát lohkat Suomi.fi:ai boahtán reivviid Suomi.fi-mobiilaáppain dehe fierbmesiidduin suomi.fi/viestit. Ládde Suomi.fi-áppa iežat telefovdnii.
Suomi.fi-dieđáhusat sádde dutnje ilmmuhusa ođđa reivves, juos don leat lasihan iežat šleađgaboastačujuhusa bálvalussii dehe suovvan ilmmuhusaid Suomi.fi-áppas.

Vearrohálddahusa sádden reivvet, mearrádusat ja eará áššegirjjit leat álohii OmaVero-bálvalusas eaige dat sáddejuvvo Suomi.fi:ai. Oaččut Suomi.fi-dieđáhusain dušše dieđu, ahte don leat ožžon OmaVero-bálvalussii ođđa vearroboastta.

Fuomáš: Don sirdásat elektrovnnalaš eiseváldiboastta vuostáváldin automáhtalaččat, go identifiseret iežat man beare almmushálddahusa áššiid dikšuma bálvalussii Suomi.fi-identifiseremiin. Eanas eiseválddiid sádden reivviin boahtá dan maŋŋel dušše elektrovnnalažžan Suomi.fi-dieđáhusaide.

Go čálihuvat sisa iežat OmaVero-bálvalussii 1.6.2026 maŋŋel ja válljet liŋkka Hoida omia veroasioita (sámás Divššo iežat vearroáššiid), sirdásat automáhtalaččat elektrovnnalaš vearroboastta vuostáváldin. Oaččut Vearrohálddahusa sádden reivviid ja mearrádusaid dušše OmaVero-bálvalussii, eaige dat sáddejuvvo šat báberboastan. Vaikko livččet sihkkon Suomi.fi-dieđáhusaid anus, muhto divššut iežat vearroáššiid OmaVero-bálvalusas, de oaččut vearroboastta dušše OmaVero-bálvalussii.

Ilmmut OmaVero-bálvalusas iežat šleađgaboastačujuhusa dehe telefonnummára, nu oaččut Vearrohálddahusas ilmmuhusa iežat válljen vugiin, go leat ožžon OmaVero-bálvalussii ođđa reivve, mearrádusa dehe dáhpáhusa.

Ná attát OmaVero-bálvalusas iežat oktavuohtadieđuid ilmmuhusaid várás:

Čálihuva OmaVero-bálvalussii ja vállje liŋkka Hoida omia veroasioita (sámás: Divššo iežat vearroáššiid).
Oainnát Buresboahtin-siiddu. Coahkkal Ilmoita yhteystiedot veropostia varten - liŋkka (sámás: Ilmmut iežat oktavuohtadieđuid vearroboastta várás), nu beasat ilmmuhit iežat oktavuohtadieđuid.
Ilmmut šleađgaboastačujuhusa dehe telefonnummára. Sáhtát ilmmuhit maid goappašiid. Vearrohálddahus sádde dutnje dán oktavuohtadihtui dieđáhusa, go dutnje lea OmaVero-bálvalusas ođđa mearrádus dehe reive. Don sáhtát iežat hálu mielde válljet, ahte don it ilmmut iežat oktavuohtadieđuid. Dalle it oaččo OmaVero-bálvalusas ilmmuhusa ođđa vearroboasttas.
Juos ilmmuhat telefonnummára, dus jerrojuvvo, háliidatgo, ahte telefonnummár beaiváduvvo iežat dieđuide. Vállje Kyllä (sámás Juo) dehe Ei (sámás Ii). Juos válljet Juo, dutnje sáhttá váldojuvvot dárbbu mielde telefovnnain oktavuohta, juos du vearuhusa dihte dárbbahuvvojit lassidieđut. Iežas dieđuide furkejuvvon telefonnummár adnojuvvo čuovvovaš áššiide:
- Dat oidno válmmasin vearroilmmuhusain, ohcamušain ja njulgengáibádusain, maid dagat OmaVero-bálvalusas.
- Vearrohálddahusa virgeolbmot sáhttet dárbbu mielde čuojahit dasa.
- Vearrohálddahus sáhttá sáddet dasa deakstadieđáhusaid.
It oaččo šat báberreivviid Vearrohálddahusas. Oaččut iežat dieđihan oktavuohtadihtui dieđáhusa, go OmaVero-bálvalusas lea dutnje ođđa vearroboasta.
Iežat hálu mielde sáhtát ilmmuhit OmaVero-bálvalusas máŋga šleađgaboastačujuhusa. Ovdamearkka dihte, juos háliidat, ahte soames du lagamusain oažžu ilmmuhusaid dutnje boahtán vearroboasttas, sáhtát lasihit su oktavuohtadieđuid Asiakastiedot- (sámás Áššehasdieđut) -gaskabláđis báikkis Veroasioita hoitavien henkilöiden sähköpostiosoitteet (sámás: Vearroáššiid dikšu olbmuid šleađgaboastačujuhusat).

Nuppástus boahtá gustojeaddjin dakkaviđe.

Fuom! Juos dus leat Suomi.fi-dieđáhusat anus, oaččut ođđa reivves álohii Suomi.fi-dieđáhusa. Juos don leat ilmmuhan OmaVero-bálvalusas šleađgaboastačujuhusa ja/dehe telefonnummára, oaččut seamma reivves maid šleađgaboastta ja/dehe deakstadieđáhusa Vearrohálddahusas. Don sáhtát nappo oažžut seamma reivves máŋga ilmmuhusa.

Juos elektrovnnalaš áššiid dikšun orru eahpesihkar, sáhtát addit nuppi olbmui váldegirjji dikšut du vearroáššiid ja fuolahit du vearroboasttas. Váldegirjji addin dahkkojuvvo Suomi.fi-bálvalusas.

Ráva: Suomi.fi-váldegirji vearroáššiide – ná attát ja bivddát váldegirjji (suomagillii)

Ale luobat iežat báŋkodovddaldagaid nuppi olbmui muhto geavat váldegirjji addima. Váldegirjji addin lea diehtodorvvolaččat vuohki. Go du lagaš olbmos lea Veroasioiden hoito -valtuus (sámás Vearroáššiid dikšun -váldegirji), son čálihuvvá OmaVero-bálvalussii iežas dovddaldagaiguin. Son sáhttá dikšut du vearroáššiid OmaVero-bálvalusas ja son beassá maid lohkat reivviid ja mearrádusaid du beales.

Vearroáššiid dikšun -váldegirjji addin iežat lagaš olbmui ii doalvvo dus alddát maidege rivttiid eret iige dat váikkut dasa, oaččutgo iežat vearroboastta báberhámis vai elektrovnnalaččat. Váldegirji addá nuppi olbmui vejolašvuođa dikšut vearroáššiidat du beales dárbbu mielde.

Dasa lassin sáhtát addit nuppi olbmui maid dakkár Suomi.fi-váldegirjji, man bakte váldegirjji oažžu sáhttá geavahit du beales Suomi-fi-dieđáhusaid. Rávvagat Suomi.fi:s: Nuppi olbmo bealis áššiid dikšun ja earenoamášdilit (suomagillii).

Ale geavat iežat lagaš olbmo báŋkodovddaldagaid muhto bivdde sus váldegirjji vearroáššiid dikšuma várás. Váldegirjji addin lea diehtodorvvolaččat vuohki. Go iežat lagaš olmmoš addá dutnje Suomi.fi:s Veroasioiden hoito -valtuuden, (sámás: Vearroáššiid dikšun -váldegirjji), čálihuvat OmaVero-bálvalussii iežat dovddaldagaiguin. Sáhtát dikšut iežat lagaš olbmo vearroáššiid OmaVero-bálvalusas ja beasat maid lohkat reivviid ja mearrádusaid su bealis.

Go divššut áššiid nuppi olbmo bealis OmaVero-bálvalusas Vearroáššiid dikšun -váldegirjjiin, de sáhtát ilmmuhit iežat šleađgaboastačujuhusa Asiakastiedot (sámás: Áššehasdieđut)-gaskabláđis sajis Veroasioita hoitavien henkilöiden sähköpostiosoitteet (sámás: Vearroáššiid dikšu olbmuid šleađgaboastačujuhusat). Dán maŋŋel oaččut dieđu iežat šleađgabostii, go váldegirjji addái leat OmaVero-bálvalusas ođđa vearroboasta.

Vaikko livččet diŋgot dieđáhusaid iežat šleađgabostii, dat ii váikkut dasa, mainna lágiin váldegirjji addi ieš oažžu Vearrohálddahusa sádden reivviid. Persovnnalaš vearroboastta doaimmahanvuohki rievdá báberreivviin elektrovnnalažžan dušše dalle, go olmmoš ieš čálihuvvan OmaVero-bálvalussii persovnnalaš identifiserenreaidduiguin, ovdamearkka dihte mobiilasihkkarastimiin ja dikšu iežas vearroáššiid.

Fuomáš, ahte juos dus alddát eai leat vel Suomi.fi-dieđáhusat anus, oaččut daid automáhtalaččat OmaVero-bálvalussii iežat identifiserema olis. Dutnje duddjojuvvo šleađgaboastagássa Suomi.fi-dieđáhusaide ja oaččut das maŋás iežat eiseváldiboastta dohko.

Go dus lea Vearroáššiid dikšun -váldegirji, de sáhtát dárbbu mielde dahkat OmaVero-bálvalusas váldegirjji addi bealis ilmoituksen paperisen veropostin valitsemisesta (sámás: ilmmuhusa bábervearroboastta válljemis). Dalle vearroboasta boahtá váldegirjji addái álohii báberhámis.

Ná dagat ilmmuhusa bábervearroboastta válljemis

Čálihuva OmaVero-bálvalussii ja vállje dan olbmo, gean bealis háliidat dahkat dieđáhusa.
Asiakastiedto (sámás: Áššehasdieđut)-gaskabláđis vállje saji Ilmoitus paperisen veropostin valitsemisesta (sámás: Dieđáhus bábervearroboastta válljemis).
Gažaldahkii válljetgo bábervearroboastta? vállje: Vahvistan, että valitsen paperisen veropostin (sámás: Váfistan, ahte válljen bábervearroboastta).

Juos váldegirjji addi jápmá, boastta doaimmahanvuohki rievdá báberhápmásažžan. Seamma jávket visot dat šleađgaboastačujuhusat, mat leat lasihuvvon Vearroáššiid dikšu olbmuid šleađgaboastačujuhusat -listui. Váldegirjji oažžu ii nappo šat sáhte oažžut šleađgaboastadieđáhusaid jápmán olbmo vearroáššiin.

Juos don leat vuollel 18-jahkásaš, oaččut iežat vearroboastta báberhámis. Juos háliidat Vearrohálddahusa reivviid ja mearrádusaid elektrovnnalažžan, sáhtát váldit atnui Suomi.fi-dieđáhusaid, juos dus lea suopmelaš persovdnanummár ja mobiilasihkkarastin dehe báŋkodovddaldagat.

Go dus leat anus Suomi.fi-dieđáhusat, de don oaččut eiseválddiid sádden reivviid dušše elektrovnnalaččat. Vuolleahkásažžan it sáhte ilmmuhit oktavuohtadieđuid OmaVero-bálvalusas elektrovnnalaš vearroboastta várás.

Vuolleahkásaš máná fuolaheaddjin sáhtát ilmmuhit iežat šleađgaboastačujuhusa OmaVero-bálvalusas, juos háliidat oažžut Vearrohálddahusas dieđáhusaid máná vearroboasttas. Lasit šleađgaboastačujuhusa Asiakastiedot-(sámás: Áššehasdieđut)-gaskabláđis sajis Veroasioita hoitavien henkilöiden sähköpostiosoitteet (sámás: Vearroáššiid dikšu olbmuid šleađgaboastačujuhusat).

Vuolleahkásaš oažžu juohke dáhpáhusas Vearrohálddahusa reivviid báberboastan, juos sus eai leat Suomi.fi-dieđáhusat anus.

Fuolaheaddjin sáhtát maid váldit Suomi.fi-dieđáhusaid iežat atnui vuolleahkásaš máná bealis. Ráva Suomi.fi:s: Nuppi olbmo bealis áššiid dikšun ja earenoamášdilit. (suomagillii).

Fuomáš, ahte juos dus alddát eai vel leat Suomi.fi-dieđáhusat anus, oaččut daid automáhtalaččat OmaVero-bálvalussii identifiserema oktavuođas. Dutnje duddjojuvvo šleađgaboastagássa Suomi.fi-dieđáhusaide ja oaččut das maŋás iežat eiseváldiboastta dohko.

Priváhta ávkebearráigeahčči ja ávkebearráigeahču áittardeaddji ožžot vearroboastta álohii báberreiven. Dáin rollain sáhtát goitge ilmmuhit iežat šleađgaboastačujuhusa OmaVero-bálvalusas, vai oaččut dieđáhusa, go olmmoš, guhte ávkebearráigeahčus, lea ožžon OmaVero-bálvalussii reivve, mearrádusa dehe dáhpáhusa. Šleađgaboastačujuhusa lasiheapmi dahkkojuvvo Asiakastiedot- (sámás: Áššehasdieđut) gaskabláđis sajis Veroasioita hoitavien henkilöiden sähköpostiosoitteet (sámás: Vearroáššiid dikšu olbmuid šleađgaboastačujuhusat).

Juos olbmos, guhte ávkebearráigeahčus, leat Suomi.fi-dieđáhusat anus, son oažžu Suomi.fi-dieđáhusain dieđu reivves, mii lea sáddejuvvon ávkebearráigeahččái.

Priváhta ávkebearráigeahččis lea dihto diliin rollas vuođul riekti dikšut áššiid Suomi.fi-dieđáhusain olbmo bealis, guhte lea ávkebearráigeahčus. Ráva Suomi.fi:s: Ávkebearráigeahčču (suomagillii).

Juos dus leat anus Suomi.fi-dieđáhusat ja/dehe elektrovnnalaš vearroboasta, muhto hálliidatge máhccat ruovttoluotta báberreivviid Vearrohálddahusas ja eará eiseválddiin, don fertet dili mielde dahkat ovtta dehe guokte dieđáhusa.

Juos anus lea sihke Suomi.fi-dieđáhusat ja vearroboasta dušše OmaVero-bálvalussii

Daga OmaVero-bálvalusas Ilmoitus paperipostin valitsemisesta (sámás: Ilmmuhusa báberboastta válljemis). Ilmmuhus dahkkojuvvo Asiakastiedot- (sámás: Áššehasdieđut) gaskabláđis.
Ilmmut Suomi.fi-dieđáhusaid ásahusain, ahte heaittát Suomi.fi-dieđáhusaid anu. Ráva Suomi.fi:s: Dieđáhusaid anu heaitin (suomagillii).

Suomi.fi:s báberboastaválljen lea vuoimmis 365 beaivvi hávális. Dan áigge sáhtát geavahit elektrovnnalaš eiseváldibálvalusaid ja oaččut iežat boastta dattetge báberhámis. Go 365 beaivvi leat gollan, oaččut iežat eiseváldiboastta fas elektrovnnalaččat, juos čálihuvat juoga bálvalussii iežat dovddaldagaiguin.

Juos anus leat dušše Suomi.fi-dieđáhusat

Ilmmut Suomi.fi-dieđáhusaid ásahusain, ahte heaittát Suomi.fi-dieđáhusaid anu. Ráva Suomi.fi:s: Dieđáhusaid anu heaitin (suomagillii). Oaččut dán maŋŋel reivviid báberhámis Vearrohálddahusa lassin maid eará eiseválddiin.

Báberboastaválljen lea vuoimmis 365 beaivvi hávális. Dan áigge sáhtát geavahit elektrovnnalaš eiseváldibálvalusaid ja oaččut iežat boastta dattetge báberhámis. Go 365 beaivvi leat gollan, oaččut iežat eiseváldiboastta fas elektrovnnalaččat, juos čálihuvat juoga bálvalussii iežat dovddaldagaiguin.

Juos dus lea váddu, man dihte it sáhte obanassiige geavahit OmaVero-bálvalusa, sáhtát dieđihit dan birra Vearrohálddahusa áššehasbálvalusas.

Juos muotkkut eret Suomas, oaččut en elektrovnnalaš vearroboastta. Juos it sáhte muotkuma maŋŋel šat čálihuvvat OmaVero-bálvalussii, daga ovdal muotkuma sihke ilmmuhusa báberboastta vuostáváldimis OmaVero-bálvalusas sihke ilmmuhusa Suomi.fi-dieđáhusaid anu heaitimis. Dainna lágiin sihkkarasttát, ahte oaččut vearroboastta ja eará eiseváldiboastta dás maŋás báberreiven.

Dus lea ovddasvástádus doallat OmaVero-bálvalusas áigedásis šleađgaboastačujuhusaid dehe telefonnummiriid, maidda Vearrohálddahus sádde dieđáhusaid ođđa vearroboasttas. Furke OmaVero-bálvalussii dušše dakkár oktavuohtadieđuid, maidda oažžu sáddet dieđáhusaid vearroboasttas.

Ná ilmmuhat ođđa šleađgaboastačujuhusa ja/dehe telefonnummára OmaVero-bálvalusas

Čálihuva OmaVero-bálvalussii ja vállje Hoida omia veroasioita (sámás: Divššo iežat vearroáššiid).
Vállje gaskabláđi Áššehasdieđut (Asiakastiedot ) – Yhteystiedot veropostia varten (sámás: Oktavuohtadieđut vearroboastta várás).
Vállje deaddinboalu Päivitä yhteystietoja (sámás: Beaivát oktavuohtadieđuid).
Biepma šleađgaboastačujuhusa ja/dehe telefonnummára.

Fuomáš, ahte Suomi.fi:ai šleađgaboastačujuhusa ii sáhte rievdadit OmaVero-bálvalusa bakte. Juos háliidat ilmmuhit Suomi.fi:ai ođđa šleađgaboastačujuhusa, daga dan njuolga Suomi.fi-dieđáhusaid ásahusain.

Juos háliidat rievdadit šleađgaboastačujuhusa OmaVero-bálvalusas soames eará bealis, bargga ná

Dus galgá leat Vearroáššiid dikšun -váldegirji.
Čálihuva OmaVero-bálvalussii ja vállje dan olbmo, gean bealis háliidat dahkat ilmmuhusa.
Vállje gaskabláđi Áššehasdieđut (Asiakastiedot ) – Yhteystiedot veropostia varten (sámás: Oktavuohtadieđut vearroboastta várás).
Vállje deaddinboalu Päivitä yhteystietoja (sámás: Beaivát oktavuohtadieđuid).
Biepma šleađgaboastačujuhusa ja/dehe telefonnummára.

Suomi.fi-dieđáhusaid rávvagat

Mii lea Suomi.fi-dieđut? (Suomi.fi)

Mii ávkkiid Suomi.fi-dieđáhusain ja elektrovnnalaš vearroboasttas lea?

Gaskkusteapmi lea diehtodorvvolaš ja luohtehahtti.
Oaččut ođđa dieđu Vearrohálddahusas ja eará eiseválddiin jođánit.
Sáhtát dikšut áššiid áiggis ja báikkis sorjjakeahttá.
Dehálaš eiseválddiid sádden dieđáhusat leat ovtta báikkis.
Digitálalaš gaskkusteapmi lea birasustitlaččat go báberboasta.
Nuppástus buktá seasttuid almmolaš ekonomiijai.

Oainnát vearroboastta doaimmahanvuogi OmaVero-bálvalusas

Don sáhtát dárkkistit OmaVero-bálvalusas, doaimmahuvvogo du vearroboasta OmaVero-bálvalussii vai boastta bakte:

Čálihuva OmaVero-bálvalussii ja vállje Hoida omia veroasioita (sámás: Divššun iežan vearroáššiid).
Vállje gaskabláđi Asiakastiedot (sámás: Áššehasdieđut).
Oainnát dieđu sajis Postin toimitustapa (sámás: Boastta doaimmahanvuohki).

Ná gávnnat reivviid ja mearrádusaid OmaVero-bálvalusas

Oaččot iežat šleađgabostii, telefovdnii dehe Suomi.fi-áppii dieđáhusa, ahte OmaVero-bálvalusas leat dutnje vearroboasta. Dáin dieđáhusain ii leat goassige liŋka njuolga bálvalussii.
Čálihuva OmaVero-bálvalussii (rahpasa ođđa gaskabláđđái).
Vállje gaskabláđi Yhteydenpito (sámás: Oktavuohtadoallan).
Vállje sajis Päätökset ja kirjeet (sámás: Mearrádusat ja reivvet) liŋka Avaa päätökset ja kirjeet (sámás: Raba mearrádusaid ja reivviid).

Listtus leat visot mearrádusat ja reivvet, maid leat ožžon 12 mánu áigge. Badjel 12 mánu boarráseappot, rahppojuvvon dehe arkiverejuvvon mearrádusaid ja reivviid gávnnat dušše ohcandoaimmain.

Vearuhusmearrádusa gávnnat listtus, juos mearrádus lea válmmas.
Juos it gávnna mearrádusa iežat persovnnalaš boahtovearuhussii, du vearuhusdieđut leat vel gieđahallojuvvome ja dat sáhttet rievdat du vearuhusa nohkanbeaivvi rádjái. Sáddet vearuhusmearrádusaid golggotmánu loahpa rádjái.