Verohallinnon nimissä on lähetetty huijausviestejä. Lue lisää huijauksista.

Fitnodagaid elektrovnnalaš vearroboasta ja šleađgaboastačujuhusa dieđiheapmi OmaVeros

Huomio osio alkaa

Dát ráva guoská servošiid – dego oasusservviid, almmosorganisašuvnnaid, olgoeatnanlaš servošiid, servviid ja vuođđudusaid – oktasašovdduid ja ovttastumiid sihke jápminbesiid, main lea F-dovddaldat ja maid áššiiddikšus lea Suomi.fi-fápmudus Vearroáššiid diksun.
 
Ráva priváhtaolbmuide, ealáhusbargiide, eanandoaluin bargiide ja vuovdedoaluin bargiide

Huomio osio päättyy

Maid elektrovnnalaš vearroboasta dárkkuha?  

Elektrovnnalaš vearroboasta dárkkuha dan, ahte Vearrohálddahusa sádden reivvet, mearrádusat ja eará áššegirjjit leat dušše OmaVeros. Dat eai boađe šat báberreiven. Juos dus lea fitnodaga nammačállinriekti dehe Veroasioiden hoito -valtuus (Vearroáššiid dikšun-fápmudus), dieđit OmaVeros iežat šleađgaboastačujuhusa, nu oaččut dieđu, go OmaVeroi lea boahtán fitnodahkii ođđa reive dehe eará áššegirji. 

Goas vearroboasta boahtigoahtá dušše OmaVeroi?  

Go servoša, oktasašovddu, ovttastumi dehe jápminbeasi, mas lea F-dovddaldat, vearroáššit dikšojuvvojit OmaVeros 1.6.2026 rájes, maid vearroboasta boahtá dušše elektrovnnalaččat OmaVeroi. Vearrohálddahus sáhttá dattetge dihto diliin sáddet báberreivviid. 

Juos vearroboasta lea ovdal boahtán báberreiven, dat rievdá elektrovnnalažžan čuovvovaččat:  

  1. Dus ferte leat nammačállinriekti dehe Veroasioiden hoito -valtuus (Vearroáššiid dikšun -fápmudus). 
  2. Čálihuva OmaVeroi ja vállje liŋkka Asioi yrityksen puolesta (Divššo áššiid fitnodaga beales).  
  3. Juos dus lea fápmudus eanet fitnodagaide, fitnodaga vearroboasta rievdá elektrovnnalažžan dalle, go válljet gažaldatvuloš fitnodaga listtus ja divššut dan áššiid OmaVeros. Oaččut OmaVeros dieđáhusa, mas muitaluvvo elektrovnnalaš vearroboastta atnuiváldimis. 
  4. Vai oaččut fitnodaga dáhpáhusain dieđáhusa iežat šleađgabostii, de sihkkarastte, šleađgaboastačujuhusat lea Veroasioita hoitavien henkilöiden sähköpostiosoitteet – (Vearroáššiid dikšu olbmuid šleađgaboastačujuhusat) listtus (Asiakastiedot- (Áššehasdieđut) gaskabláđđi). Šleađgaboastačujuhus galgá leat seamma hámis maid fitnodaga Omat tiedot- (Iežas dieđut) -oasis. Juos dus lea ráddjejuvvon fápmudus, it sáhte oažžut dieđu dáhpáhusain. 
    • Go dieđihat iežat oktavuohtadieđuid, de oaččut dieđáhusa visot fitnodaga dáhpáhusain OmaVeros.
    • Juos it háliit fitnodagas maidege šleađgaboastadieđáhusaid, sihko iežat šleađgaboastačujuhusa Veroasioita hoitavien henkilöiden sähköpostiosoitteet (Vearroáššiid dikšu olbmuid šleađgaboastačujuhusat) -listtus.
    • Juos háliidat oažžut dieđáhusaid dušše muhtin fáttáin, mat laktásit fitnodahkii, daga fáddáválljemiid iežat šleađgaboastaheivehusas. 
  5. Nuppástus boahtá vuoibmái dakkaviđe: fitnodaga vearroboasta boahtá dušše OmaVeroi, eaige mearrádusat ja reivvet sáddejuvvo boastta bakte. Oainnát boastta doaimmahanvuogi Asiakastiedot (Áššehasdieđut)-gaskabláđis báikkis Veroposti / Päätösten ja kirjeiden toimitustapa (Vearroboasta / Mearrádusaid ja reivviid doaimmahanvuohki).  

Juos fitnodaga boastta elektrovnnalaš doaimmahanvuohki lea leamaš juo ovdal anus, dasa eai boađe rievdadusat. Fuomáš goitge, ahte ovdal Boastta doaimmahanvuohki -báikkis leamaš šleađgaboastačujuhus gávdno dás duohko Vearroáššiid dikšu olbmuid šleađgaboastačujuhusat -listtus.

Divššut rehketdoallin oasussearvvi vearroáššiid. Čálihuvat OmaVeroi addit oasussearvvi álv-dieđáhusa 1.6.2026 dehe dan maŋŋel. Go válljet čálihuvvama maŋŋel liŋkka Divššo áššiid fitnodaga beales ja válljet listtus oasussearvvi, de oaččut dieđáhusa, ahte oasussearvvi vearroboasta boahtá dás duohko dušše OmaVeroi. OmaVero oahpista du dieđihit iežat šleađgaboastačujuhusa, vai oaččut dieđáhusa, go oasussearvi lea ožžon ođđa vearroboastta OmaVeroi.  

Go fitnodaga doaimmajođiheaddji čálihuvvá maŋŋel OmaVeroi ja dikšu áššiid fitnodaga beales, de son ii oaččo šat dieđáhusa vearroboastta nuppástusas. Son sáhttá goitge mannat lasiheame fitnodaga dieđuide iežas šleađgaboastačujuhusa, vai son maid oažžu dieđu, go oasussearvi lea ožžon ođđa vearroboastta OmaVeroi. Šleađgaboastačujuhus ilmmuhuvvo Áššehasdieđut-gaskabláđis báikkis Vearroáššiid dikšu olbmuid šleađgaboastačujuhusat.

Fuomáš: Juos dus eai leat vel anus persovnnalaš Suomi.fi-dieđáhusat, oaččut daid iežat atnui identiteahta duođašteami olis. Loga lasi: Suomi.fi-dieđáhusat ja elektrovnnalaš vearroboasta persovdnaáššehasaide.

Vuovdeovttastumis leat golbma oasuseaiggáda ja dušše dus lea Vearroáššiid dikšun -fápmudus. Čálihuva OmaVeroi ja vállje liŋkka Divššo áššiid fitnodaga beales. Sirdásat vuovdeovttastumi dieđuide OmaVeros. Oktanaga vuovdeovttastumi vearroboasta earáhuvvá elektrovnnalažžan. 

OmaVero oahpista du dieđihit šleađgaboastačujuhusa, masa Vearrohálddahus sádde dieđáhusa, go OmaVeros lea vuovdeovttastupmái ođđa vearroboasta. Sáhtát dieđihit OmaVeros juohke osolačča šleađgaboastačujuhusa, vai juohkehaš oažžu Vearrohálddahusas dieđu, go OmaVeros lea vuovdeovttastupmái ođđa vearroboasta. Goitge dušše don beasat lohkat vearroboastta, daningo dušše dus lea Vearroáššiid dikšun -fápmudus. 

Nuppástus boahtá vuoibmái dakkaviđe. Vearrohálddahus sádde dieđáhusa, go OmaVeros lea vuovdeovttastupmái ođđa vearroboasta iige seamma boasta boađe šat báberhámis.  

Fuomáš: Juos dus eai leat vel anus persovnnalaš Suomi.fi-dieđáhusat, oaččut daid iežat atnui identiteahta duođašteami olis. Loga lasi: Suomi.fi-dieđáhusat ja elektrovnnalaš vearroboasta persovdnaáššehasaide.

Doala šleađgaboastačujuhusaid OmaVeros áiggi dásis

Go dus lea nammačállinriekti dehe Vearroáššiid dikšun -fápmudus, de sáhtát lasihit ja sihkkut šleađgaboastačujuhusaid fitnodaga OmaVeros Áššehasdieđut-gaskabláđis. 

Lea dehálaš lasihit šleađgaboastačujuhusa OmaVeroi, daningo Vearrohálddahus sádde šleađgabostii dieđu, go OmaVeros leat ođđa reivvet, mearrádusat dehe dáhpáhusat. Juos it ilmmut šleađgaboastačujuhusa, oaččut dieđu ođđa reivviin dušše go čálihuvat OmaVeroi.  

Fitnodaga ovddasvástádus leat fuolahit das, ahte šleađgaboastačujuhusat leat áiggi dásis. Sihkkarastte, ahte listtus leat dušše dakkár šleađgaboastačujuhusat, maidda galgetnai vuolgit dieđáhusat vearroboasttas. Jávkat boarásnuvvan dehe dárbbatmeahttun čujuhusaid ieš. Fuolat šleađgaboastačujuhusaid beaivádeamis earenoamážit dalle, go fitnodaga, searvvi dehe vuođđudusa vásttolaš olbmot dehe váljaolbmot molsahuvvet.

Ná beaivádat šleađgaboastačujuhusaid 

  1. Čálihuva OmaVeroi.
  2. Go don leat fitnodaga dieđuin OmaVeros, de vállje gaskabláđi Asiakastiedot (Áššehasdieđut).
  3. Vállje báikkis Veroasioita hoitavien henkilöiden sähköpostiosoitteet (Vearroáššiid dikšu olbmuid šleađgaboastačujuhusat) deaddinboalu Päivitä sähköpostiosoitteita (Beaivát šleađgaboastačujuhusaid).
  4. Lasit dehe rievdat šleađgaboastačujuhusaid, maidda Vearrohálddahus sádde dieđáhusa, go fitnodahkii leat OmaVeros ođđa reivvet, mearrádusat, dieđut dehe barggut.
    • Muitte sihkkut šleađgaboastačujuhusa listtus, ovdal go fápmudus dehe riekti dikšut fitnodaga áššiid nohká dehe go it háliit šat váldit vuostá iežat šleađgabostii dieđáhusaid fitnodaga vearroáššiin.
    • Juos don lasihat dehe sihkut šleađgaboastačujuhusa, oaččut dasa Vearrohálddahusas váfisteami rievdadusas.
  5. Go leat lasihan šleađgaboastačujuhusa, oaččut iežat šleađgabostii dieđáhusa visot fitnodaga vearroáššiin.

Áššiid dikšun fitnodaga beales fápmudusain

Go dus lea Vearroáššiid dikšun -fápmudus ja divššut áššiid OmaVeros fitnodaga, searvvi, vuođđudusa, ovttastumi, oktasašovddu dehe dakkár jápminbeasi beales, mas lea F-dovddaldat, namuhuvvon beali vearroboasta boahtá dás duohko dušše OmaVeroi.  

Go dus lea Vearroáššiid dikšun -fápmudus ja divššut áššiid ealáhusbargi, eanandoaluin dehe vuovdedoaluin bargi beales OmaVeros, de sáhtát diŋgot iežat šleađgabostii dieđu, go nubbi olmmoš lea ožžon reivve OmaVeroi. Vaikko livččet diŋgot dieđáhusaid iežat šleađgabostii, dat ii earáhuhte dan olbmo vearroboastta doaimmahanvuogi, gean vearroáššiin válddát vuostá šleađgaboastadieđáhusaid. Loga dárkket rávvagiid: Suomi.fi-dieđáhusat ja elektrovnnalaš vearroboasta persovdnaáššehasaide.

Juos fitnodagas lea dárbu oažžut vearroboastta báberhámis, sáhtát dahkat dieđáhusa báberhápmásaš vearroboastta válljemis. Dieđáhus dahkkojuvvo OmaVeros Áššehasdieđut-gaskabláđis.

Ealáhus-, eanandoaluin dehe vuovdedoaluin bargi: Divššo visot iežat vearroáššiid Hoida omia veroasioita (Divššo iežat vearroáššiid) -liŋkka bakte. Dát gusto maid dalle, juos leat addán alccesat F-dovddaldagain vearroáššiid -dikšun -fápmudusa. Juos dus lea fápmudus dikšut ovdamearkka dihte oasussearvvi áššiid, geavat dalle OmaVeros Divššo fitnodaga beales -liŋkka.  

Juos dus lea juoga eará fápmudus go Vearroáššiid dikšun -fápmudus, man vuođul divššut áššiid OmaVeros, it sáhte rievdadit vearroboastta doaimmahanvuogi iige áššiid dikšun rievdat fitnodaga vearroboastta dušše elektrovnnalažžan.

Go dus lea ráddjejuvvon fápmudus, de don it sáhte oaidnit dehe hábmet šleađgaboastačujuhusaid fitnodaga áššehasdieđuin. Muhtin eará sáhttá dattetge lasihit du šleađgaboastačujuhusa fitnodaga dieđuide, juos dat lea dárbbatlaš. Dalle oaččut iežat šleađgabostii visot dieđáhusaid fitnodaga vearroáššiin, muhto it goitge beasa oaidnit visot daidda laktáseaddji áššiid OmaVeros.

Juos fitnodagas lea Vearrohálddahusa áššehasregistarii merkejuvvon áššiiddikšu, son oažžu álohii báberboastta.

Juos fitnodagas lea dárbu oažžut vearroboastta báberhámis, vaikko fápmuduvvon olmmoš dikšu vearroáššiid OmaVeros, fápmuduvvon olmmoš sáhttá dahkat dieđáhusa bábervearroboastta válljemis, juos sus lea Vearroáššiid dikšun -fápmudus.

Go du fápmudus dehe riekti fitnodahkii lea nohkame 

Fápmudusaid nohkan ii loahpat šleađgaboastadieđáhusaid. Olmmoš ja fitnodat galgába ieža atnit ávvira das, ahte listu šleađgaboastačujuhusain fitnodaga áššehasdieđuin OmaVeros lea áiggi dásis. 

Juos dus leat fápmudusat, main okta dehe eanet nohká/nohket, bargga ná: 

  1. Čálihuva OmaVeroi ja sihko iežat šleađgaboastačujuhusa fitnodaga Asiakastiedot (Áššehasdieđut)-gaskabláđis Veroasioita hoitavien henkilöiden sähköpostiosoitteet (Vearroáššiid dikšu olbmuid šleađgaboastačujuhusat) -listtus.
  2. Oaččut iežat šleađgabostii vel dieđu, ahte du šleađgaboastačujuhus lea sihkkojuvvon fitnodaga dieđuin. 
  3. Dán maŋŋel it oaččo šat šleađgaboastadieđáhusaid dain fitnodagain, maid áššiid dikšumii dus ii leat šat fápmudus.

Go du fápmudus dehe riekti fitnodahkii lea nohkan 

Go dus eai leat šat fápmudusat dikšut áššiid fitnodaga beales, de don it sáhte rievdadit šleađgaboastadieđáhusaid ásahusaid OmaVeros.

Šleađgaboastačujuhusaid sáhttá beaivádit OmaVeros dušše dat, geas lea fitnodaga nammačállinriekti dehe Vearroáššiid dikšun -fápmudus. Son sáhttá sihkkut du šleađgaboastačujuhusa fitnodaga áššehasdieđuin. 

Sirdáseapmi ruovttoluotta bábervearrobostii 

Juos fitnodat háliida sirdásit ruovttoluotta vuostáváldit báberreivviid Vearrohálddahusas, olmmoš, geas lea nammačállinriekti dehe Vearroáššiid dikšun -fápmudus, sáhttá dahkat dieđáhusa bábervearroboastta válljemis. Dieđáhusa sáhttá dahkat OmaVeros Áššehasdieđut-gaskabláđis. 

Báberboastta válljen lea vuoimmis 60 beaivvi. Dan áigge sáhtát geavahit OmaVero ja fitnodat oažžu vearroboastta báberhámis. Go 60 beaivvi leat gollan, vearroboasta boahtigoahtá dušše OmaVeroi, juos fitnodaga vearroáššit dikšojuvvojit OmaVeros.

Sivu on viimeksi päivitetty 1.6.2026