Giddodatvearu vuigengáibádus (skovvi 3353s), deavdinráva
Dáinna skoviin sáhtat ohcat rievdadusa giddodatvearuhusssii. Sáhtat geavahit skovi maiddái dalle, jos ozat rievdadusa Vearrohálddahusa álgagis dahkkojuvvon vuigemii.
Sáhtat dahkat vuigengáibádusa maiddái OmaVero-bálvalusas. Jos it hálit geavahit OmaVero -bálvalusa, daga vuigengáibádusa dáinna skoviin dahje friijahápmásaččat. Jos dagat friijahápmásaš vuigengáibádusa, čálit dán skovi bearbmasiidun. Bija mielddusin vuigengáibádussii maiddái eará áššebáhpáriid, maidda doarjalat, jos it leat jo ovdal doaimmahan daid Vearrohálddahussii. Doaimmat vuigengáibádusa skovis máinnašuvvon čujuhussii.
Skovi ja lassedieđuid oaččut skovvesiiddus.
Bija mielddusin vuigengáibádussii, jos darbu maiddái giddodatvearroalmmuhusa (skovvi 3743). Dán deavdinrávvaga sierra čuoggáin lea muitaluvvon dárkilabbot, goas giddodatvearroalmmuhus dárbbašuvvo. Dárkkis giddodatvearroalmmuhusa deavdinrávvagis, maid dieđuid giddodatvearroalmmuhussii galgá deavdit. Giddodatvearroalmmuhusskovvái ja dan deavdinrávvaga oaččut skovvesiiddus.
Jos ozat rievdadusa eanet go ovtta giddodaga, eanavuođu dahje vistti dieđuide, deavdde juohkehaččas iežas vuigengáibádusa. Bija mielddusin vuigengáibádussii giddodatvearroalmmuhusskovi (skovvi 3743) juohke gáibádusas máinnašuvvon giddodagas, eanavuođus dahje visttis sierra.
Vearuhusa vuigenlávdegoddi gieđahallá vuigengáibádusa. Muhtun dáhpáhusain vuigengáibádusa sáhttá gieđahallat maiddái dievasmahtti vearuhusmearrádussan.
Goas njulgengáibádusa galgá dahkat?
Sáhtát dahkat vuigengáibádusa dan maŋŋá, go du giddodatvearuhus lea nohkan. Dárkkis giddodatvearuhusa nohkanbeaivvi ja nuppástusohcanáiggi du ožžon giddodatvearuhusmearrádusas.
Sáhtát dahkat vuigengáibádusa maŋimustá 3 jagi siste vearrojagi nohkama maŋŋá čuovvovaš jagi álggu rájes. Loga lasi mearreáiggiin: Giddodatvearu vuigengáibádusa mearreáiggit (suomagillii).
Vuigengáibádusa sáhtat goit dahkat 60 beaivvi siste das, go leat ožžon vearuhusmearrádusa diehtun.
Njulgengáibádus galgá leat joavdan Vearrohálddahussii maŋimustá nuppástusohcanáiggi maŋimuš beaivve diibmu 16.15. Fuom! dárkkis álo vearrodoaimmahaga rabasáiggiid. Juos njulgengáibádusa mearreáiggi maŋimuš beaivi lea bassebeaivi dahje lávvardat, sáhtát guođđit njulgengáibádusa Vearrohálddahussii vel čuovvovaš beaivve.
Vearu galgá máksit, vaikko rievdadusa livčče ohcan
Vaikko livččet ohcan vearuhusssii rievdadusa, giddodatvearu galgá máksit maŋimustá dan earrebeaivve. Vuigengáibádusa oktavuođas sáhtat goitotge dahkat ohcamuša das, ahte Vearrohálddahus gieldá vearu bággočađaheami dahje mearrida ahte dan galgá gaskkaduhttit nuppástusohcama áigái.
Bággočađaheami gildosa dahje gaskkalduhttima áigge verrui čoggo dábálaččat maŋŋonanreantu ja vejolaš vearrolásáhus.
1 Vearrogeatnegas
Merke iežat nama, persovdnadovddaldaga dahje F-nummira, lagasčujuhusa sihke telefonnummira. Vuigengáibádusas galgá álo almmuhit nuppástusohcci nama ja persovdna- dahje F-nummira.
Jos leat fápmudan áššeolbmá addit vuigengáibádusa dievasmahtti dieđuid dahje hálidat, ahte mii doaimmahat mearrádusa áššeolbmái, almmut dás áššeolbmá nama, čujuhusa ja telefonnummira.
Bija mielddusin vuigengáibádussii, jos dárbu, váldegirjji vearroáššiid dikšuma várás. Sáhtat addit váldegirjji Vearrohálddahusa skoviin 3818 (Valtakirja veroasioiden hoitamista varten, suomagillii) dahje friijahápmásaččat. Ášševuoddjái dahje álmmolaš vuoigatvuođaveahkkái ii dárbbaš addit váldegirjji.
2 Giddodat
Giddodatdovddaldat
Almmut dás dan giddodaga giddodatdovddaldaga, man giddodatvearuhussii ozat rievdadusa. Giddodatdovddaldat lea njealljeoasat nummirráidu, ovdamearkan 092-416-0011-0123. giddodatdovddaldaga oainnat ovdamearkan giddodatvearuhusmearrádusas , lágačuorvvaduođaštusas dahje gávpegirjjis.
Mearreviidodatdovddaldat
Jos ozat rievdadusa earukeahtes mearreviidodaga dieđuide, almmut dás dan lassin mearreviidodat dovddaldaga (hápmi M0601), mii lea giddodatdovddaldaga loahpas. Earukeahtes mearreviidodaga giddodatdovddaldat lea viđaoasat nummirráidu, ovdamearkan 092-416-0011-0123-M0601.
3 Gáibádus
Vearrojahki dahje vearrojagit, maidda gáibádus čuohcá
Merke dán čuoggái jagi, man vearuhussii ozat rievdadusa. Jos ozat rievdadusa máŋgga jagi vearuhussii, merke dása buot jagiid, maid gáibádusat guoská. Jos ozat rievdadusa eanet go ovtta giddodaga, eanavuođu dahje vistti dieđuide, deavdde juohkehaččas iežas vuigengáibádusa.
Vuigengáibádusa sivva
Merke ruossain, man ášši vuigengáibádusat guoská. Sáhtat válljet eanetge go ovtta čuoggá.
Eanavuođu iešvuođat
Vállje dán molssaeavttu, jos gáibádusat guoská eanavuođu iešvuođaid, ovdamearkan viidodaga dahje huksenvuoigatvuođa. Spesifere eanavuođu merkemiin dan nummira Eanavuođu nummir -čuoggái.
Bija mielddusin vuigengáibádussii giddodatvearroalmmuhusa (skovvi 3743) ja deavdde das unnimustá osiid 1 (Heaggadieđut ja vearrojahki), 2 (Giddodaga identifiserendieđut) ja 4 (Eanavuođđu).
Vistti iešvuođat
Vállje dán molssaeavttu, jos gáibádusat guoská vistti iešvuođaid, ovdamearkan olles viidodaga, huksenjagi dahje gárvvásmuvvandási. Spesifere vistti merkemiin dan nummira Vistti nummir -čuoggái.
Bija mielddusin vuigengáibádussii giddodatvearroalmmuhusa (skovvi 3743) ja deavdde das unnimustá osiid 1 (Heaggadieđut ja vearrojahki), 2 (Giddodaga identifiserendieđut ) ja 5 (Visti). Deavdde oasis 5 daid čuoggáid, main lea rievdadamoš.
Giddodaga, eanavuođu dahje vistti vearuhanárvu
Vállje dán molssaeavttu, jos gáibádusat guoská giddodaga, eanavuođu dahje vistti vearuhanárvvu.
Jos gáibádusat guoská eanavuođu dahje vistti vearuhanárvvu, spesifere eanavuođu dahje vistti merkemiin dan nummira čuoggái Eanavuođu nummir dahje čuoggái Vistti nummir.
Giddodaga, eanavuođu dahje vistti oamasteapmi dahje hálddašeapmi
Vállje dán molssaeavttu, jos gáibádusat guoská giddodaga, eanavuođu dahje vistti oamasteami dahje hálddašeami.
Jos gáibádusat guoská eanavuođu dahje vistti, spesifere eanavuođu dahje vistti merkemiin dan nummira čuoggái Eanavuođu nummir dahje čuoggái Vistti nummir.
Bija mielddusin vuigengáibádussii giddodatvearroalmmuhusa (skovvi 3743) ja deavdde das unnimustá osiid 1 (Heaggadieđut ja vearrojahki), 2 (Giddodaga identifiserendieđut) ja 3 (giddodaga oamasteapmi ja hálddašeapmi 1. ođđajagimánu dán jagi) dahje 5.3 (Vistti oamasteapmi ja hálddašeapmi 1. ođđajagimánu dán jagi).
Giddodatvearroproseanta
Vállje dán molssaeavttu, jos gáibádusat guoská giddodatvearroproseantta, mii eanavuđđui dahje vistái heivehuvvo.
Spesifere eanavuođu dahje vistti merkemiin dan nummira čuoggái Eanavuođu nummir dahje čuoggái Vistti nummir.
Bija mielddusin vuigengáibádussii giddodatvearroalmmuhusa (skovvi 3743) ja deavdde das unnimustá osiid 1 (Heaggadieđut ja vearrojahki), 2 (Giddodaga identifiserendieđut), 5.1 (Vistti identifiserendieđut) ja 5.6 (Vistti geavahanulbmil).
Giddodatvearuhusa dieđuin váilu giddodat dahje visti
Vállje dán molssaeavttu, jos gáibádusat guoská giddodaga, eanavuođu dahje vistti, mii váilu giddodatvearuhusa dieđuin.
Bija mielddusin vuigengáibádussii giddodatvearroalmmuhusa (skovvi 3743) ja deavdde das osiid 1 ja 2 sihke dan lassin buot váilu giddodaga, eanavuođu dahje vistti dieđuid.
Eará sivva
Vállje dán molssaeavttu, jos gáibádusat sivva lea eará go mii lea ovddabealde máinnašuvvon.
Eanavuođu nummir ja Vistti nummir
Jos gáibádusat guoská eanavuođu dahje vistti, spesifere eanavuođu dahje vistti dan numiriin. Nummira oainnat giddodatvearuhusmearrádusas.
Jos ozat rievdadusa eanet go ovtta vearrojagi vearuhussii, geahča nummira dan jagi giddodatvearuhusmearrádusas, mii dáin jagiin lea maŋimuš.
Mo gáibidat ahte vearuhusa galgá rievdadit
Merke dán čuoggái, makkár rievdadusa gáibidat vearuhussii. Jos gáibádusat leat eanetgo go okta, nummirastte dáid.
4 Gáibádusa ákkat
Muital, man vuođul gáibidat vearuhussii rievdadusa.
Jos gáibádusat leat eanetgo go okta, nummirastte maiddái ákkaid seamma láhkai go gáibádusaid.
Joatke ákkastallama, jos dárbu, sierra čuvvosis. Muitte merket čuvvosii iežat nama ja persovdnadovddaldaga.
Gáibádus vearu bearrama gieldimis dahje gaskkalduhttimis
Merke dán čuoggái ruossa, jos gáibidat, ahte vearu bearran gildojuvvo dahje gaskkalduhttojuvvo, dassážii go vuigengáibádus lea čovdojuvvon. Sáhtat gáibidit vearu bearrama gieldima dahje gaskkalduhttima, jos dus leat giddodatvearru mávssekeahttá dan jagis, man vearuhussii gáibidat vuigema.
Vearu bearrama gildosa dahje gaskkalduhttima áigge verrui čoggo dábálaččat maŋŋonanreantu ja vejolaš vearrolasáhus. Jos vuigengáibádusat hilgojuvvojit oppalohkái dahje muhtun oassái, máksinláhkai báhcci verrui rehkenastojuvvo maŋŋonanreantu.
Beaivemearri ja vuolláičálus
Muitte vuolláičállit vuigengáibádusa.