Giddodatvearru– dárkkis vearuhanmearrádusa ja mávsse vearu
Dát rávvagat gusket persovdnaáššehasaid, ealáhusbargiid, rabas- ja kommandihtafitnodatservviid sihke jápminbesiid. Geahča sierra rávvagiid searvvušáššehasaide (dušše suoma- ja ruoŧagillii).
Go oaččut giddodatvearromearrádusa, doibme ná:
1. Oaččut giddodatvearromearrádusa njukčamánus
2. Dárkkis mearrádusa dieđuid ja njulge jos lea dárbu
Dárkkis mearrádusa dieđuid. Jos dat leat riekta, don it dárbbaš dahkat maidige.
Giddodatvearromearrádusa dieđut, maid leat ožžon giđđat 2023, vuođđuduvvet jagi álggu (1.1.2024) dillái.
Jos dieđuin leat feaillat dahje váilivuođat, njulge dieđuid maŋimustá 7.5.2024 OmaVeros dahje báberskoviin (giddodatvearroalmmuhus).
Njulgemiid ii sáhte dahkat telefovnna bokte.
Čálit iežas sisa OmaVero-bálvalussii
Ná almmuhat ja njulget giddodatdieđuid OmaVero-bálvalusas (dušše suoma- ja ruoŧagillii)
3. Mávsse vearu
Vearu máksá dat, gii oamasta giddodaga 1.1.2024. Máksinrávvagat (dušše suoma- ja ruoŧagillii).
Eanáš oasis giddodaga oamasteaddjiin giddodatvearu earrebeaivvit leat 6.8.2024 ja 7.10.2024. Jos giđđat sáddejuvvon giddodatvearromearrádussii bohtet nuppástusat, earrebeaivvit sirdašuvvet.
Giddodaga oamasteaddji vástida giddodatvearus
Giddodatvearu máksá ja giddodatvearromearrádus sáddejuvvo dasa, gii oamasta giddodaga 1.1.2024.
Guoimmit addet oktasaš almmuhusa
Jos oamastat giddodaga ovttas guimmiinat, reahkká, ahte dievasmahttibeahtti ja máhcaheahppi juoppágoappá guoimmi almmuhusoasi.
Ožžotgo čilgehusa giddodatvearuhusa vuođđun geavahuvvon giddodatdieđuin?
Jos ožžot čilgehusa giddodatvearuhusa vuođđun geavahuvvon giddodatdieđuin, giddodatvearuhusat lea gaskandaga ja oaččut giddodatvearuhusmearrádusa maŋŋá.
Dárkkis dieđuid. Almmut ja njulge giddodatdieđuidat OmaVeros.
Čilgehus giddodatvearuhusa vuođđun geavahuvvon giddodatdieđuin ii sisttisdoala dieđu giddodatvearu mearis dahje earrebeaivvis.