Verohallinnon nimissä on lähetetty huijausviestejä. Lue lisää huijauksista.

Põrggsi liâđǥlaž piiđpååʹšt da neʹttpååʹštaddrõõzz iʹlmmtummuš OmaVero kääzzkõõzzâst

Huomio osio alkaa

Tät vuäʹppõs kuâskk õhttõõzzid – mâʹt-a vuässõsõhttõõzzid, õõlmâsõhttõõzzid, ålggjânnam õhttõõzzid, õutstõõzzid da foondid – õhttsažouddõõzzid da õhttmid de preeddnid, koin lij Y-tobdldõk da koi äʹššhåiddjest lij Suomi.fi-välddõs Piiđaaʹššid håiddam diõtt.

Huomio osio päättyy

Mâiʹd liâđǥlaž piiđpååʹšt miârkkšââvv? 

Liâđǥlaž piiđpååʹšt miârkkšââvv tõn, što Piiđvaaldâšm vuõltteem ǩeeʹrj, tuʹmmstõõǥǥ da jeeʹres äʹššǩeeʹrj liâ pâi OmaVero kääzzkõõzzâst. Tõk jiâ teänab puäʹđ põʹmmaiǩeʹrjjen. Jõs tuʹst lij põrggâz nõmmǩeeʹrjtemvuõiggâdvuõtt leʹbe Veroasioiden hoito -valtuus (säämas: Piiđaaʹšši håidd -välddõs), iʹlmmet OmaVero kääzzkõõzzâst neʹttpååʹštaddrõõzz, nääiʹt vuäǯǯak saaǥǥ, ǥu OmaVero kääzzkõʹsse lij puättam põrggsa ođđ ǩeʹrjj leʹbe jeeʹres äʹššǩeʹrjj. 

Kuäʹss piiđpååʹšt älgg pueʹtted pâi OmaVero kääzzkõʹsse?

Tâʹl ǥu õhttõõzz, õhttsažouddõõzz, õhttâm leʹbe preeddan, koin lij Y-tobdldõk, piiđaaʹššid håidda OmaVero kääzzkõõzzâst 1.6.2026 ääʹljeen, piiđpååʹšt puätt še pâi liâđǥlõʹžžen OmaVero kääzzkõʹsse, Piiđvaaldâšm vuäitt kuuitâǥ tiõttum vueʹjjin vuõltteed põʹmmaiǩeeʹrjid.

Jõs piiđpååʹšt lij ääiʹjben puättam põʹmmaiǩeʹrjjen, tõt mottai liâđǥlõʹžžen puõʹttinalla:

  1. Tuʹst âlgg leeʹd nõmmǩeeʹrjtemvuõiggâdvuõtt leʹbe Veroasioiden hoito -valtuus (säämas: Piiđaaʹššid håidd -välddõs). 
  2. Ǩeʹrjjõõđ OmaVero kääzzkõʹsse da vaʹlljed liiŋk Asioi yrityksen puolesta (säämas: “Äʹššõõđ põrggâz peäʹlest”).  
  3. Jõs tuʹst lij välddõs tääuʹjab põrggsa, põrggâz piiđpååʹšt mottai liâđǥlõʹžžen tõn šiâtt, ǥu vaʹlljääk kõõččmõõžžâst åårrai põrggâz liistâst da hååidak tõn aaʹššid OmaVero kääzzkõõzzâst. Vuäǯǯak OmaVero kääzzkõõzzâst saaǥǥ, koʹst peäggte liâdǥlaž piiđpååʹšt ââʹnnemnalla välddmõõžžâst.
  4. Što vuäǯǯak põrggâz aaʹššin iʹlmmtõõzz jiijjad neʹttpååšta, ainsmââʹtt, što neʹttpååʹštaddrõs lij Veroasioita hoitavien henkilöiden sähköpostiosoitteet – (säämas: Piiđaaʹššid håiddai oummi neʹttpååʹštaddrõõzz) – liistâst (Asiakastiedot- (säämas: Ääʹššlažteâđ) -kõskkseidd). Neʹttpååʹštaddrõs âlgg leeʹd seämmanalla še põrggâz Omat tiedot (säämas: Jiijjad teâđ) -pääiʹǩest. Jõs tuʹst lij rääʹjtum välddõs, jiõk vueiʹt vuäǯǯad teâđaid piiđaaʹššin. 
    • Tâʹl ǥu vuõlttääk õhttvuõtt-teâđaid, vuäǯǯak iʹlmmtõõzz pukin põrggâz aaʹššin OmaVero kääzzkõõzzâst. 
    • Jõs jiõk haaʹled põrggsest ni mâiʹd neʹttpååʹšt -iʹlmmtõõzzid, jaukkad neʹttpååʹštaddrõõzz Veroasioita hoitavien henkilöiden sähköpostiosoitteet (säämas: Piiđaaʹššid håiddai oummi neʹttpååʹštaddrõõzz) -liistâst.
    • Jõs haaʹlääk vuäǯǯad iʹlmmtõõzzid pâi koin-ne põrggsa kuulli aaʹššin, raaj äʹššvâʹlljõõzzid jiijjad neʹttpååʹštsuåvldõõzzâst.  
  5. Muuttâs puätt viõʹǩǩe tâʹllsǩâni: põrggâz piiđpååʹšt puätt pâi OmaVero kääzzkõʹsse jiâ-ga tuʹmmstõõǥǥid da ǩeeʹrjid vuõlttâd teänab pääʹštest. Vuäinak pååʹšt tååimtemnääʹll Asiakastiedot  (säämas: Ääʹššlažteâđ) -kõskkseeidast pääiʹǩest Veroposti / Päätösten ja kirjeiden toimitustapa (säämas: Piiđpååʹšt / Tuʹmmstõõǥǥi da ǩeeʹrji tååimtemnääʹll). 

Jõs põrggâz pååʹšt liâđǥlaž tååimtemnääʹll lij leämmaš ääiʹjben âânnmõõžžâst, tõõzz jiâ puäʹđ muttâz. Vuâmmaš kuuitâǥ, što ääiʹjben Pååʹšt tååimtemnääʹll -pääiʹǩest leämmaš neʹttpååʹštaddrõs käunnai še juätkast Piiđaaʹššid håiddai oummi neʹttpååʹštaddrõõzz -liistâst.

Hååidak ǩeʹrjjõõʹnnʼjen vuässõsõhttõõzz piiđaaʹššid. Ǩeʹrjjõõđak OmaVero kääzzkõʹsse uʹvdded vuässõsõhttõõzz Alv-iʹlmmtõõzz 1.6.2026 leʹbe tõn mâŋŋa. Tâʹl ǥu vaʹlljääk ǩeʹrjjõõttâm mâŋŋa liiŋk Asioi yrityksen puolesta (säämas: Äʹššõõđ põrggâz peäʹlest) da vaʹlljääk liistâst vuõssõsõhttõs, vuäǯǯak iʹlmmtõõzz, što vuässõsõhttõõzz piiđpååʹšt puätt juätkast pâi OmaVero kääzzkõʹsse.
OmaVero kääzzkõs ohjjad tuu iʹlmmted neʹttpååʹštaddrõõzz, što vuäǯǯak saaǥǥ, ǥu vuässõsõhttõs lij vuäǯǯam ođđ piiđpååʹšt OmaVero kääzzkõʹsse. 

Tâʹl ǥu tåimmamjååʹđteei ǩeʹrjjââtt mâʹŋŋlubust OmaVero kääzzkõʹsse da äʹššââtt põrggâz peäʹlest, son ij vuäǯǯ teänab iʹlmmtõõzz piiđpååʹšt muttsest. Son vuäitt kuuitâǥ jieʹlled lââʹzzteʹmmen põrggâz teâđaid jiijjâs neʹttpååʹštaddrõõzz, što son še vuäǯǯ saaǥǥ, ǥu vuässõsõhttõs lij vuäǯǯam ođđ piiđpååʹšt OmaVero kääzzkõʹsse. Neʹttpååʹštaddrõs âlgg iʹlmmted Asiakastiedot (säämas: Ääʹššlažteâđ) -kõskkseeidast pääiʹǩest Veroasioita hoitavien henkilöiden sähköpostiosoitteet (säämas: Piiđaaʹššid håiddai oummi neʹttpååʹštaddrõõzz).

Vuâmmaš: Jõs tuʹst jiâ leäkku veâl âânnmõõžžâst personpuõttlaž Suomi.fi-saaǥǥ, vuäǯǯak tõid ââʹnnemnalla tobddõõttâm õhttvuõđâst.

Meäʹccõhttmest liâ kolmm vueʹssbeäʹl da pâi tuʹst lij Veroasioiden hoito -valtuus (säämas: Piiđaaʹšši håidd -välddõs). Ǩeʹrjjõõđ OmaVero kääzzkõʹsse da vaʹlljad liiŋk Asioi yrityksen puolesta (Äʹššõõđ põrggâz peäʹlest). Mõõnak meäʹccõhttâm teâđaid OmaVero kääzzkõõzzâst. Seämma ääiʹj meäʹccõhttâm piiđpååʹšt mottai liâđǥlõʹžžen.      

OmaVero ohjjad tuu iʹlmmted neʹttpååʹštaddrõõzz, koozz Piiđvaaldâšm vuõlttâd saaǥǥ, ǥu OmaVero kääzzkõõzzâst lij meäʹccõhttma ođđ piiđpååʹšt. Vuäitak iʹlmmted OmaVero kääzzkõõzzâst juõʹǩǩka vueʹssbeäʹl neʹttpååʹštaddrõõzz, što juõʹǩǩkaž vuäǯǯ Piiđvaaldšmest teâđ, ǥu OmaVero kääzzkõõzzâst meäʹccõhttma ođđ piiđpååʹšt. Kuuitâǥ pâi ton piâzzak lookkâd piiđpååʹšt, ǥu pâi tuʹst lij Piiđaaʹšši håidd -valddõs.

Muuttâs puätt viõʹǩǩe tâʹllesǩâni. Piiđvaaldâšm vuõlttâd saaǥǥ, ǥu OmaVero kääzzkõõzzâst lij meäʹccõhttma ođđ piiđpååʹšt ij-ga seämma pååʹšt puäʹđ teänab põʹmmaipååʹšten.

Vuâmmaš: Jõs tuʹst jiâ leäkku veâl âânnmõõžžâst personpuõttlaž Suomi.fi-saaǥǥ, vuäǯǯak tõid ââʹnnemnalla tobddõõttâm õhttvuõđâst.

Ââʹn neʹttpååʹštaddrõõzzid OmaVero kääzzkõõzzâst ääiʹj tääʹzzest

Tâʹl ǥu tuʹst lij nõmmǩeeʹrjtemvuõiggâdvuõtt leʹbe Veroasioiden hoito -valtuus, (säämas: Piiđaaʹšši håidd -välddõs) vuäitak lââʹzzted da jaukkeed neʹttpååʹštaddrõõzzid põrggâz OmaVero kääzzkõõzzâst Asiakastiedot (säämas: Ääʹššlažteâđ) -kõskkseeidast. 

Lij vääžnai lââʹzzted neʹttpååʹštaddrõs OmaVero kääzzkõʹsse, ǥu Piiđvaaldâšm vuõlttâd neʹttpååšta teâđ, tâʹl ǥu OmaVero kääzzkõõzzâst liâ ođđ ǩeeʹrj, tuʹmmstõõǥǥ leʹbe jeeʹres ääʹšš. Jõs jiõk iʹlmmet neʹttpååʹštaddrõõzz, vuäǯǯak teâđ ođđ ǩeeʹrjin pâi ǩeʹrjjõõđeeʹl OmaVero kääzzkõʹsse.

Põrggâz vaʹstteemvuõđâst åårrai âlgg ââʹnned huõl tõʹst, što neʹttpååʹštaddrõõzz liâ ääiʹj tääʹzzest. Ainsmââʹtt, što liistâst liâ pâi nåkam neʹttpååʹštaddrõõzz, koid âʹlǧǧe vueʹlǧǧed iʹlmmtõõzz piiđpååʹštest. Jaukkad vuämmnam leʹbe taarbteʹmes addrõõzzid jiõčč. Ââʹn huõl neʹttpååʹštaddrõõzzi peeiʹvtummšest õuddlest tâʹl, ǥu põrggâz, õutstõõzz leʹbe foond vaʹstteemvuõttoummu leʹbe välddjum vaajtâʹvve.   

Nääiʹt peeiʹvtak neʹttpååʹštaddrõõzzid  

  1. Ǩeʹrjjõõđ OmaVero kääzzkõʹsse.
  2. Ǥu leäk põrggâz teâđain OmaVero kääzzkõõzzâst, vaʹlljed kõskkseidd Asiakastiedot (säämas: Ääʹššlateâđ).
  3. Vaʹlljed pääiʹǩest Veroasioita hoitavien henkilöiden sähköpostiosoitteet (säämas: Piiđaaʹššid håiddai oummi neʹttpååʹštaddrõõzz) teäddõk Päivitä sähköpostiosoitteita (säämas: Peeiʹvet neʹttpååʹštaddrõõzzid).
  4. Lââʹzzet leʹbe muuʹtt  neʹttpååʹštaddrõõzzid, koid Piiđvaaldâšm vuõlttâd iʹlmmtõõzzid, ǥu põrggsa liâ OmaVero kääzzkõõzzâst ođđ ǩeeʹrj, tuʹmmstõõǥǥ, teâđ leʹbe tuâj.
    • Muuʹšt jaukkeed neʹttpååʹštaddrõõzz liistâst, ouddâl ǥu välddõs leʹbe vuõiggâdvuõtt håiddad põrggâz aaʹššid lij puuttmen leʹbe ǥu jiõk haaʹled teänab vuâsttaväʹldded neʹttpååšta iʹlmmtõõzzid põrggâz piiđaaʹššin. 
    • Jõs lââʹzztak leʹbe jaukkääk neʹttpååʹštaddrõõzz, vuäǯǯak tõõzz Piiđvaaldšmest ravvõõzz muttsest.       
  5. Ǥu leäk lââʹzztam neʹttpååʹštaddrõõzz, vuäǯǯak neʹttpååšta iʹlmmtõõzz pukin põrggâz piiđaaʹššin.   

Äʹššõõttmõš põrggâz peäʹlest välddõõzzin

Tâʹl ǥu tuʹst liâ Veroasioiden hoito -valtuus (säämas: Piiđaaʹššihåidd -valddõs) da äʹššõõđak OmaVero kääzzkõõzzâst põrggâz, õutstõõzz, foond, õhttâm, õhttsažouddõõzz leʹbe nåkam preeddan peäʹlest, koin lij y-tobdldõk, kõõččmest åårrai õhttõõzz piiđpååʹšt puätt juätkast pâi OmaVero kääzzkõʹsse.  

Tâʹl ǥu tuʹst lij Piiđaaʹšši håidd -välddõs da äʹššõõđak jieʹllemvueʹǩǩharjjteei, mäddtäällharjjteei leʹbe meäʹcctäällharjjteei peäʹlest OmaVero kääzzkõõzzâst, vuäitak tiʹllʼjed jiijjad neʹttpååšta teâđ, ǥu nuʹbb ooumaž lij vuäǯǯam ǩeeʹrj OmaVero kääzzkõʹsse. Håʹt-i tiʹllʼjeʹčiǩ iʹlmmtõõzzid jiijjad neʹttpååšta, tõt ij muuʹtt tõn oummu piiđpååʹšt tååimtemnääʹll, koon piiđaaʹššin vuâsttavääldak neʹttpååʹštiʹlmmtõõzzid.

Jõs põrggsest lij tarbb vuäǯǯad piiđpååʹšt põʹmmaipååʹšten, vuäitak tuejjeed iʹlmmtõõzz põʹmmai piiđpååʹšt vaʹlljummšest. Iʹlmmtõs âlgg tuejjeed OmaVero kääzzkõõzzâst Asiakastiedot (säämas: Ääʹššlažteâđ) -kõskkseeidast. 

Jieʹllemvueʹǩǩ-, mäddtääll- leʹbe meäʹcctäällharjjteei: Hååid puk piiđaaʹššid OmaVero kääzzkõõzzâst Hoida omia veroasioita (säämas: Hååid jiijjad piiđaaʹššid) -liiŋk pääiʹǩ. Tät tåimmai še tâʹl, jõs leäk ouddam jiõccad Y-tobdldõõǥǥin Piiđaaʹšši håidd -välddõõzz. Jõs tuʹst lij välddõs håiddad ouddmiârkkân vuässõsõhttõõzz aaʹššid, ââʹn tâʹl OmaVero kääzzkõõzzâst Asioi yrityksen puolesta (Äʹššõõđ põrggâz peäʹlest) -liiŋk.

Jõs tuʹst lij mii-ne jeeʹres välddõs ǥu Veroasioiden hoito -valtuus (säämas: Piiđaaʹšši håidd -välddõs), koon määiʹnest äʹššõõđak OmaVero kääzzkõõzzâst, jiõk vueiʹt muʹtted piiđpååʹšt tååimtemnääʹll ij-ga äʹššõõttmõš muuʹtt põrggâz piiđpääʹšt pâi liâđǥlõʹžžen.

Tâʹl ǥu tuʹst lij rääʹjtum välddõs, jiõk vueiʹt vueiʹnned leʹbe muʹtted neʹttpååʹštaddrõõzzid põrggâz ääʹššlažteâđain. Ǩii-ne jeeʹres vuäitt kuuitâǥ lââʹzzted tuu neʹttpååʹštaddrõõzz põrggâz teâđaid, jõs tõt lij taarblaž. Tâʹl vuäǯǯak neʹttpååšta puk iʹlmmtõõzzid põrggâz piiđaaʹššin, leša jiõk kuuitâǥ piâzz vueiʹnned pukid tõid kuulli aaʹššid OmaVero kääzzkõõzzâst.

Jõs põrggsest lij Piiđvaaldâšm ääʹššlažrekisteera mieʹrǩǩuum äʹššhåiddai, son vuäǯǯ pâi põʹmmaipååʹšt.

Jõs põrggsest lij tarbb vuäǯǯad piiđpååʹšt põʹmmaipååʹšten, håʹt välddjum håidd piiđaaʹššid OmaVero kääzzkõõzzâst, välddjum vuäitt tuejjeed iʹlmmtõõzz põʹmmai piiđpååʹšt vaʹlljummšest, jõs suʹst lij Veroasioiden hoito -valtuus (säämas: Piiđaaʹšši håidd -välddõs).

Tâʹl ǥu jiijjad välddõs leʹbe vuõiggâdvuõtt lij puuttmen

Välddõõzzi puuttmõš ij looppât neʹttpååʹšt iʹlmmtõõzzid. Oummu da põrggâz âʹlǧǧe jiõjj ââʹnned huõl tõʹst, što listt neʹttpååʹštaddrõõzzin põrggâz ääʹššlažteâđain OmaVero kääzzkõõzzâst lij ääiʹj tääʹzzest. 

Jõs tuʹst liâ välddõõzz, koin õhtt leʹbe tääuʹjab lij puuttmen, tåimmai nääiʹt:

  1. Ǩeʹrjjõõđ OmaVero kääzzkõʹsse da jaukkad neʹttpååʹštaddrõõzz põrggâz  Asiakastiedot (säämas: Ääʹššlažteâđ) -kõskkseeidast Veroasioita hoitavien henkilöiden sähköpostiosoitteet (säämas: Piiđaaʹššid håiddai oummi neʹttpååʹštaddrõõzz) -liistâst.
  2. Vuäǯǯak neʹttpååšta veâl teâđ, što neʹttpååʹštaddrõs lij jaukkuum põrggâz teâđain.
  3. Tän mâŋŋa jiõk vuäǯǯ teänab neʹttpååʹšt-iʹlmmtõõzzid tõin põrggsin, koi aaʹšši håiddmõʹšše tuʹst ij leäkku teänab välddõs.  

Tâʹl ǥu välddõs leʹbe vuõiggâdvuõtt lij puuttâm

Tâʹl ǥu tuʹst jiâ leäkku teänab välddõõzz äʹššõõttâd põrggâz peäʹlest, jiõk vueiʹt muʹtted neʹttpååʹšt -iʹlmmtõõzzi šiõttõõzzid OmaVero kääzzkõõzzâst.

Neʹttpååʹštaddrõõzzid vuäitt peiʹvveed OmaVero kääzzkõõzzâst pâi tõt, ǩeäʹst lij põrggâz nõmmǩeeʹrjtemvuõiggâdvuõtt leʹbe Veroasioiden hoito -valtuus (säämas: Piiđaaʹšši håidd -välddõs). Son vuäitt jaukkeed neʹttpååʹštaddrõõzzad põrggâz ääʹššlažteâđain.   

Serddmõš mååusat põʹmmai piiđpååšta

Jõs põõrǥâs haaʹlad seʹrdded mååusat vuâsttaväʹldded põʹmmaiǩeeʹrjid Piiđvaaldšmest, ooumaž, ǩeäʹst lij nõmmǩeeʹrjtemvuõiggâdvuõtt leʹbe Veroasioiden hoito -valtuus (säämas: Piiđaaʹšši håidd -välddõs), vuäitt tuejjeed iʹlmmtõõzz põʹmmai piiđpååʹšt vaʹlljummšest. Iʹlmmtõõzz vuäitt tuejjeed OmaVero kääzzkõõzzâst Asiakastiedot (Ääʹššlažteâđ) -kõskkseeidast. 

Põʹmmaipååʹšt vaʹlljummuš lij viõǥǥâst 60 peiʹvved. Tän poodd vuäitt ââʹnned OmaVero kääzzkõõzz da põõrǥâs vuäǯǯ piiđpååʹšt põʹmmaipååʹšten. Mâŋŋa ǥu 60 peiʹvved lij mõõnnâm, piiđpååʹšt älgg pueʹtted pâi OmaVero kääzzkõʹsse, jõs põrggâz piiđaaʹššid håidda OmaVero kääzzkõõzzâst.

Sivu on viimeksi päivitetty 1.6.2026