Kun kirjaudut 14.4. alkaen OmaVeroon, saat käyttöösi Suomi.fi-viestit. Veroposti tulee sen jälkeen vain sähköisesti OmaVeroon. Lue lisää muutoksesta.
Digitallâš vuosâsajasâšvuotâ: Virgeomâhái reeivah tuše šleđgâhäämist 2026
Viäruhaldâttuv já eres virgeomâhái reeivah toimâttuvvojeh tuše šleđgâhäämist puohháid tagaráid olesahasijd ulmuid, kiäh tubdâtteteh Suomi.fi-tubdâttâtmáin monnii virgeomâháá šleđgâhámásii ášástâllâmpalvâlusân, ovdâmerkkân OmaVeron.
Uđâdâs ij kuoskâ vyeliahasijd, hiäđukocceem vuálásijd ulmuid tâi tagaráid ulmuid, kiäh iä ášástâl šleđgâhámásávt. Sij finnejeh virgeomâháá vuolgâttem poostâ puátteevuođâst-uv pááppárhäämist. Jis tun jo kiävtáh Suomi.fi-viestâid, te tun finniih puátteevuođâst-uv reeivâid já miärádâsâid tohon šleđgâhäämist.
Maht já kuás reeivâi toimâttemvyehi muttoo?
Nubástus tábáhtuvá kyevti muddoost. Jis tust ij laavâ vuáimán šodâdijn lah vala aanoost Suomi.fi-viestah tâi šleđgâhámásâš viärupostâ, te nubástus tábáhtuvá čuávuvávt:
Persovnäššigâs tâi toimânommâirâtteijee:
- Ko tun tubdâttâđah Suomi.fi-tubdâttâtmáin OmaVeron tâi monnii eres virgeomâháá ášástâllâmpalvâlusân 14.4.2026 tâi tast maŋa, te tun finniih jieškote-uv virgeomâhái reeivâid, miärádâsâid já rekigijd puátteevuođâst tuše šleđgâhäämist Suomi.fi-viestáid. Almoot jieijâd šleđgâpostâčujottâs Suomi.fi-viestâi asâttâsâin, te finniih almottâs uđđâ reeivâin šleđgâpoostâ peht. Viäruhaldâttuv reeivâid já miärádâsâid tun finniih tuše OmaVeron.
- Ko tun čáládâđah OmaVeron 1.6.2026 tâi tast maŋa já valjiih tipšođ jieijâd viäruaašijd, te tun finniih viärupoostâ tuše OmaVeron. Tot ij vuolgâttuu innig pááppárhäämist, veikkâ tun liččih joskâm Suomi.fi-viestâi kevttim. Almoot OmaVerost jieijâd šleđgâpostâčujottâs tâi puhelinnummeer, te finniih Viäruhaldâttuvâst almottâs, ko tunjin lii uđđâ viärupostâ OmaVerost.
Siärvádâh, ovtâstus, ohtsâšovdâdâs, ovtâstume tâi ärbipeesi, mast lii Y-tubdâldâh:
- Ko siärváduv viäruaašijd tipšoo olmooš čáládât OmaVeron 1.6.2026 tâi tast maŋa, te siärvádâh finnee puátteevuođâst Viäruhaldâttuv reeivâid já miärádâsâid tuše šleđgâhäämist OmaVeron. Almottâs uđđâ reeivâin puátá šleđgâpostáin, jis tun lah almottâm šleđgâpostâčujottâs OmaVerost. Jis tun jieh almoot ohtâvuotâtiäđuid šleđgâpostâalmottâsâi várás, te tun ferttiih jieš čuávvuđ OmaVero, vâi finniih tiäđu uđđâ reeivâin.
- Jis irâttâsâst lii jo kiävtust šleđgâhámásâš viärupostâ, te tot finnee puátteevuođâst-uv reeivâid já miärádâsâid šleđgâhäämist OmaVeron.
Reekkigtuállee tâi kiinii eres nube peeleest ášástellee:
Ko tun tubdâttâđah Suomi.fi-tubdâttâtmáin monnii virgeomâháá ášástâllâmpalvâlusân 14.4.2026 tâi tast maŋa, te tun finniih persovnlii virgeomâhâšpoostâ puátteevuođâst tuše šleđgâhäämist Suomi.fi-viestáid, veikkâ ášástâlâččih mottoom nube ulmuu tâi siärváduv peeleest. Almoot jieijâd šleđgâpostâčujottâs Suomi.fi-viestâi asâttâsâin, te finniih almottâs uđđâ reeivâin šleđgâpoostâ peht. Viäruhaldâttuv reeivâid já miärádâsâid tun finniih tuše OmaVeron. Tuu tubdâttâttâm ij vaaigut ton ulmuu virgeomâhâšpoostân, kiän peeleest ášástâlah.
Jis tun jieh pyevti väldiđ reeivâid vuástá šleđgâhäämist
Tun finniih reeivâid Viäruhaldâttuvâst já eres virgeomâháin puátteevuođâst-uv pááppárpostân, jis tun jieh tubdâttât virgeomâháá šleđgâhámásijd ášástâllâmpalvâlussáid. Tun puávtáh meid sirduđ šleđgâhámásii virgeomâhâšpoostâst pááppárhámásii poostân meriááigán. Luuvâ lase ravvuin: Mii lii Suomi.fi-viestah? (Suomi.fi).
Lasetiäđuh
Nubástusah vuáđuduveh puoh virgeomâháid kyeskee almoslahâaasâtmân sehe tom tievâsmittee sierânâslahâaasâtmân, mii kuáská viäruttâsaašij tiättunaddelmáid. Ulmen lii iärrás lasseen pyerediđ virgeomâhái vuolgâttem reeivâi tiätutorvo, visásmittiđ reeivâi jotelis jotteem vuástáväldee sajaduvâst sorjohánnáá sehe čokkiđ tehálijd reeivâid siämmáá sajan.
Laavah šaddeh vuáimán 14.4.2026.
Mii lii Suomi.fi-viestah? (Suomi.fi)
Virgeomâhâšpostâ muttoo iänáážin šleđgâhámásâžžân digitallijd palvâlusâid kevtteid cuáŋuimáánu ääigi (suomâkielân, Staatâruttâministeriö)