Verohallinnon nimissä on lähetetty huijausviestejä. Lue lisää huijauksista.

Irâttâsâi šleđgâhámásâš viärupostâ já šleđgâpostâčujottâs almottem OmaVerost

Esimerkki alkaa

Taat raavâ kuáská siärváduvváid – tego uásusfinnoduvváid, almossiärváduvváid, olgoeennâmlijd siärváduvváid, ovtâstussáid já siätusáid – ohtsâšovdâdâssáid já ovtâstuumijd sehe ärbipeesijd, main lii Y-tubdâldâh já moi äššitipšost lii Suomi.fi-váldásmittem Viäruaašij tipšom.

Raavâ priivaat ulmuid, iäláttâs hárjutteijeid, eennâmtuálu hárjutteijeid já meccituálu hárjutteijeid

Esimerkki päättyy

Maid šleđgâhámásâš viärupostâ uáivild?

Šleđgâhámásâš viärupostâ uáivild tom, et Viäruhaldâttuv vuolgâttem reeivah, miärádâsah já eres äššikirjeh láá tuše OmaVerost. Toh iä puáđi innig pááppárreivân. Jis tust lii irâttâs noomâčäällimvuoigâdvuotâ tâi Viäruaašij tipšom -váldásmittem, te almoot OmaVerost jieijâd šleđgâpostâčujottâs, te tun finniih viestâ, ko OmaVeron lii puáttám irâttâsân uđđâ reivâ tâi eres äššikirje.

Kuás viärupostâ puáđiškuátá tuše OmaVeron?

Ko siärvus, ohtsâšovdâdâs, ovtâstume tâi ärbipeesi, mast lii Y-tubdâldâh, viäruääših tipšojeh OmaVerost 1.6.2026 ovdâskulij, te meid viärupostâ puátá tuše šleđgâhäämist OmaVeron. Viäruhaldâttâh puáhtá kuittâg tiätu tilálâšvuođâin vuolgâttiđ pááppárreeivâid.

Jis viärupostâ lii ovdeláá puáttám pááppárreivân, te tot muttoo šleđgâhámásâžžân čuávuvávt:

  1. Tust kalga leđe noomâčäällimvuoigâdvuotâ tâi Viäruaašij tipšom -váldásmittem.
  2. Čáládât OmaVeron já valjii liiŋkâ Asioi yrityksen puolesta (Ášástâl irâttâs peeleest).  
  3. Jis tust lii váldásmittem maaŋgâ irâttâsân, te irâttâs viärupostâ muttoo šleđgâhámásâžžân ton muddoost, ko tun valjiih tom irâttâs listoost já tipšoh ton aašijd OmaVerost. Tun finniih OmaVerost viestâ, mii muštâl šleđgâhámásii viärupoostâ anon väldimist.
  4. Vâi tun finniih irâttâs tábáhtusâin almottâs jieijâd šleđgâpoostân, te visásmit, et tuu šleđgâpostâčujottâs Veroasioita hoitavien henkilöiden sähköpostiosoitteet (Viäruaašijd tipšoo ulmui šleđgâpostâčujottâsah) -listoost (Asiakastiedot (Äššigâstiäđuh) -koskâlostâ). Šleđgâpostâčujottâs kalga leđe siämmáá häämist meid irâttâs Omat tiedot (Jieijâs tiäđuh) -uásist. Jis tust lii räijejum váldásmittem, te tun jieh pyevti finniđ tiäđuid tábáhtusâin. 
    • Ko tun almottah jieijâd ohtâvuotâtiäđuid, te finniih almottâs puoh irâttâs tábáhtusâin OmaVerost.
    • Jis tun jieh haalijd irâttâsâst maiden šleđgâpostâalmottâsâid, te meddâlist jieijâd šleđgâpostâčujottâs Viäruaašijd tipšoo ulmui šleđgâpostâčujottâsah -listoost.
    • Jis tun halijdah finniđ almottâsâid tuše mainnii irâttâsân lohtâseijee fáádáin, te olášut fáddávaljiimijd jieijâd šleđgâpostâheiviittâsâst.
  5. Nubástus šadda vuáimán tállân: irâttâs viärupostâ puátá tuše OmaVeron iäge miärádâsah já reeivah vuolgâttuu poostâ peht. Tun uáináh poostâ toimâttemvyevi Äššigâstiäđuh-koskâloostâ saajeest Veroposti / Päätösten ja kirjeiden toimitustapa (Viärupostâ / Miärádâsâi já reeivâi toimâttemvyehi). 

Jis irâttâs poostâ šleđgâhámásâš toimâttemvyehi lii lamaš jo ovdeláá kiävtust, te toos iä šoodâ nubástusah. Huámmáš kuittâg, te ovdeláá Poostâ toimâttemvyehi -saajeest lamaš šleđgâpostâčujottâs kávnoo puátteevuođâst Viäruaašijd tipšoo ulmui šleđgâpostâčujottâsâsah -listoost.

Tun tipšoh reekkigtuállee tooimâst uásusfinnoduv viäruaašijd. Tun čáládâđah OmaVeron adeliđ uásusfinnoduv álv-almottâs 1.6.2026 tâi tast maŋa. Ko tun valjiih čáládâttâm maŋa liiŋkâ Asioi yrityksen puolesta (ášástâl irâttâs peeleest) já valjiih listoost uásusfinnoduv, te tun finniih almottâs, et uásusfinnoduv viärupostâ puátá puátteevuođâst tuše OmaVeron. OmaVero stivree tuu almottiđ jieijâd šleđgâpostâčujottâs, vâi finniih viestâ, ko uásusfinnodâh lii finnim uđđâ viärupoostâ OmaVeron.

Ko irâttâs toimâttâshovdâ čáládât maŋeláá OmaVeron já ášástâl irâttâs peeleest, te sun ij finnii innig almottâs viärupoostâ nubástusâst. Sun puáhtá kuittâg eelliđ lasseetmin irâttâs tiäđoid jieijâd šleđgâpostâčujottâs, vâi sun meiddei finnee viestâ, ko uásusfinnodâh lii finnim uđđâ viärupoostâ OmaVeron. Šleđgâpostâčujottâs almottuvvoo Asiakastiedot (Äššigâstiäđuh)  koskâloostâst saajeest Veroasioita hoitavien henkilöiden sähköpostiosoitteet (Viäruaašijd tipšoo ulmui šleđgâpostâčujottâsah).

Huámmáš: Jis tust iä lah vala aanoost persovnliih Suomi.fi-viestah, te tun finniih taid anon tubdâttâttâm ohtâvuođâst. Luuvâ lase: Suomi.fi-viestah já šleđgâhámásâš viärupostâ olmoošäššigâssáid.

Mecciovtâstuumeest láá kulmâ uásálii já tuše tust lii Viäruaašij tipšom -váldásmittem. Čáládât OmaVeron já valjii liiŋkâ Asioi yrityksen puolesta (Ášástâl irâttâs peeleest). Tun sirduuh mecciovtâstume tiäđoid OmaVerost. Siämmást mecciovtâstume viärupostâ muttoo šleđgâhámásâžžân.

OmaVero stivree tuu almottiđ šleđgâpostâčujottâs, moos Viäruhaldâttâh vuolgât viestâ, ko OmaVerost lii mecciovtâstumán uđđâ viärupostâ. Tun puávtáh almottiđ OmaVerost jyehi uásálii šleđgâpostâčujottâs, vâi juáháš finnee Viäruhaldâttuvâst tiäđu, ko OmaVerost lii mecciovtâstumán uđđâ viärupostâ. Kuittâg tuše tun peesah luuhâđ viärupoostâ, tondiet ko tuše tust lii Viäruaašij tipšom -váldásmittem.

Nubástus šadda vuáimán tállân. Viäruhaldâttâh vuolgât viestâ, ko OmaVerost lii mecciovtâstumán uđđâ viärupostâ, já siämmáš postâ ij puáđi innig pááppárhäämist.

Huámmáš: Jis tust iä lah vala aanoost persovnliih Suomi.fi-viestah, te tun finniih taid anon tubdâttâttâm ohtâvuođâst. Luuvâ lase: Suomi.fi-viestah já šleđgâhámásâš viärupostâ olmoošäššigâssáid.

Toolâ šleđgâpostâčujottâsâid OmaVerost ääigi tääsist

Ko tust lii noomâčäällimvuoigâdvuotâ tâi Viäruaašij tipšom -váldásmittem, te tun puávtáh lasettiđ já sikkođ šleđgâpostâčujottâsâid irâttâs OmaVerost Asiakastiedot (Äššigâstiäđuh) -koskâloostâst.

Lii tehálâš lasettiđ šleđgâpostâčujottâs OmaVeron, tondiet ko Viäruhaldâttâh vuolgât šleđgâpoostân tiäđu, ko OmaVerost láá uđđâ reeivah, miärádâsah tâi tábáhtusah. Jis tun jieh almoot šleđgâpostâčujottâs, te finniih tiäđu uđđâ reeivâin tuše čáládâtmáin OmaVeron.

Irâttâs ovdâsvástádâsâst lii anneeđ huolâ tast, et šleđgâpostâčujottâsah láá ääigi tääsist. Visásmit, et listoost láá tuše tagareh šleđgâpostâčujottâsah, moid kalgeh-uv vyelgiđ almottâsah viärupoostâst. Siho puárásmâm tâi taarbâšmettumis čujottâsâid jieš. Ane huolâ šleđgâpostâčujottâsâi peividmist eromâšávt talle, ko irâttâs, ovtâstus tâi siättus ovdâsvástádâsulmuuh tâi váldáliih mulsâšuveh.

Návt tun peividah šleđgâpostâčujottâsâid

  1. Čáládât OmaVeron.
  2. Ko tun lah irâttâs tiäđuin OmaVerost, te valjii koskâloostâ Asiakastiedot (Äššigâstiäđuh).
  3. Valjii saajeest Veroasioita hoitavien henkilöiden sähköpostiosoitteet (Viäruaašijd tipšoo ulmui šleđgâpostâčujottâsah) puálu Päivitä sähköpostiosoitteita (peivid šleđgâpostâčujottâsâid).
  4. Lasseet tâi mute šleđgâpostâčujottâsâid, moid Viäruhaldâttâh vuolgât almottâs, ko irâttâsân láá OmaVerost uđđâ reeivah, miärádâsah tâi pargoh.
    • Mušte sikkođ šleđgâpostâčujottâs listoost, ovdil ko váldásmittem tâi vuoigâdvuotâ tipšođ irâttâsâi aašijd nohá tâi ko jieh haalijd innig vuástáväldiđ jieijâd šleđgâpoostân almottâsâid irâttâs viäruaašijn.
    • Jis lasettah tâi sihoh šleđgâpostâčujottâs, te tun finniih toos Viäruhaldâttuvâst nanodem nubástusâst.
  5. Ko lah lasettâm šleđgâpostâčujottâs, te tun finniih jieijâd šleđgâpoostân almottâs puoh irâttâs viäruaašijn.

Ášástâllâm irâttâs peeleest váldásmitmáin

Ko tust lii Viäruaašij tipšom -váldásmittem já ášástâlah OmaVerost irâttâs, ovtâstus, siättus, ovtâstume, ohtsâšovdâdâs tâi taggaar ärbipeesi peeleest, mast lii Y-tubdâldâh, te ton tááhu viärupostâ puátá puátteevuođâst tuše OmaVeron.

Ko tust lii Viäruaašij tipšom -váldásmittem já ášástâlah iäláttâshárjutteijee, eennâmtuáluhárjutteijee tâi meccituáluhárjutteijee peeleest OmaVerost, te tun puávtáh tiiláđ jieijâd šleđgâpoostân tiäđu, ko nubbe olmooš lii finnim reeivâ OmaVeron. Veikkâ tun tiilááččih almottâsâid jieijâd šleđgâpoostân, te tot ij mute ton ulmuu viärupoostâ toimâttemvyevi, mon viäruaašijn tun vááldáh vuástá šleđgâpostâalmottâsâid. Luuvâ täärhib ravvuid: Suomi.fi-viestah já šleđgâhámásâš viärupostâ olmoošäššigâssáid.

Jis irâttâsâst lii tárbu finniđ viärupoostâ pááppárhäämist, te tun puávtáh almottiđ pááppárhámásii viärupoostâ valjiimist. Almottiđ puáhtá OmaVerost Asiakastiedot (Äššigâstiäđuh) -koskâloostâst.

Iäláttâs-, eennâmtuálu- tâi meccituáluhárjutteijee: Tipšo puoh viäruašijdâd OmaVerost Hoida omia veroasioita (Tipšo jieijâd viäruaašijd) -liiŋkâ peht. Taat tuálá tiäivás meid talle, jis tun lah adelâm olssâd Y-tubdâlduvváin Viäruaašij tipšom -váldásmittem. Jis tust lii váldásmittem tipšođ ovdâmerkkân uásusfinnoduv aašijd, te keevti talle OmaVerost Asioi yrityksen puolesta  (Ášástâl irâttâs peeleest) -liiŋkâ.

Jis tust lii miinii eres váldásmitmijd ko Viäruaašij tipšom -váldásmittem, mon vuáđuld tun ášástâlah OmaVerost, te tun jieh pyevti mutteđ viärupoostâ toimâttemvyevi ige ášástâllâm mute irâttâs viärupoostâ tuše šleđgâhámásâžžân.

Ko tust lii räijejum váldásmittem, te tun jieh pyevti uáiniđ tâi hammiđ šleđgâpostâčujottâsâid irâttâs äššigâstiäđuin. Kiinii eres puáhtá kuittâg lasettiđ tuu šleđgâpostâčujottâs irâttâs tiäđoid, jis tot lii taarbâšlâš. Talle tun finniih jieijâd šleđgâpoostân puoh almottâsâid irâttâs viäruaašijn, mut jieh kuittâg peesâ uáiniđ puoh toid lohtâseijee aašijd OmaVerost.

Jis irâttâsâst lii Viäruhaldâttuv äššigâsregisterân merkkejum äššitipšoo, te sun finnee ain pááppárpoostâ.

Jis irâttâsâst lii tárbu finniđ viärupoostâ pááppárhäämist, veikkâ váldálâš tipšo viäruaašijd OmaVerost, te váldálâš puáhtá almotitđ pááppárhámásii viärupoostâ valjiimist, jis sust lii Viäruaašij tipšom -váldásmittem.

Ko tuu váldásmittem tâi vuoigâdvuotâ irâttâsân lii nuhâmin

Váldásmitmij nuuhâm ij looppât šleđgâpostâalmottâsâid. Olmooš já irâttâs kalgeh jiejah anneeđ huolâ tast, et listo šleđgâpostâčujottâsâin irâttâs äššigâstiäđuin OmaVerost lii ääigi tääsist.

Jis tust láá váldásmitmeh, main ohtâ tâi täävjib noheh, te tooimâ návt:

  1.  Čáládât OmaVeron já siho jieijâd šleđgâpostâčujottâs irâttâs Asiakastiedot (Äššigâstiäđuh) -koskâloostâst Veroasioita hoitavien henkilöiden sähköpostiosoitteet (Viäruaašijd tipšoo ulmui šleđgâpostâčujottâsah) -listoost.
  2. Tun finniih jieijâd šleđgâpoostân vala tiäđu, et tuu šleđgâpostâčujottâs lii sikkum irâttâs tiäđuin.
  3. Tast maŋa tun jieh innig finnii šleđgâpostâalmottâsâid tain irâttâsâin, moi aašij tipšomân tust ij lah innig váldásmittem.

Ko tuu váldásmittem tâi vuoigâdvuotâ irâttâsân lii nuuhâm 

Ko tust iä lah innig váldásmitmeh ášástâllâđ irâttâs peeleest, te tun jieh pyevti mutteđ šleđgâpostâalmottâsâi asâttâsâid OmaVerost.

Šleđgâpostâčujottâsâid pyehtih peividiđ OmaVerost tuše toh, kiäin lii irâttâs noomâčäällimvuoigâdvuotâ tâi Viäruaašij tipšom -váldásmittem. Sij pyehtih sikkođ tuu šleđgâpostâčujottâs irâttâs äššigâstiäđuin.

Sirdum maasâd pááppárhámásii viärupoostân

Jis irâttâs haalijd sirduđ maasâd väldiđ vuástá pááppárreeivâid Viäruhaldâttuvâst, te olmooš, kiäst lii noomâčäällimvuoigâdvuotâ tâi Viäruaašij tipšom -váldásmittem, puáhtá almottiđ pááppárhámásii viärupoostâ valjiimist. Almottiđ puáhtá OmaVerost Asiakastiedot (Äššigâstiäđuh) -koskâloostâst.

Pááppárpoostâ valjim lii vyeimist 60 peivid. Ton ääigi siste tun puávtáh kevttiđ OmaVero já irâttâs finnee viärupoostâ pááppárhäämist. Ko 60 peivid lii kuullâm, te viärupostâ puáđiškuátá tuše OmaVeron, jis irâttâs viäruääših tipšojeh OmaVerost.

Sivu on viimeksi päivitetty 1.6.2026