Avainsanat:

Sämikielâlâš ášástâllâm iärásijn ko sämikuávlu Viäruhaldâttuv ohtâduvâin - Saamenkielinen asiointi muissa kuin saamelaisten kotiseutualueella sijaitsevissa Verohallinnon yksiköissä

Antopäivä
26.11.2009
Diaarinumero
1162/09/2009
Voimassaolo
tuáistáážân
Valtuutussäännös
Viäruhaldâttâhlaahâ 2 § (237/2008)
Korvaa ohjeen
12.9.2008, dnro 1126/09/2008

Viäruhaldâttuv raavâ Diaarinummeer 1162/09/2009, 26.11.2009

1. Almolâš

Viäruhaldâttuvâst šoodâi ohtâ virgeomâhâš 1.5.2008 vuáimán puáttám lavváin Viäruhaldâttuvâst. Säämi kielâlaavâ 2 § 7-saje nubástittui siämmást nuuvt, et virgeomâhâžân, moos säämi kielâlaahâ heiviittuvvoo, tuálloo meiddei Viäruhaldâttâh. 

Lahânubástusah merhâšeh tom, et sämmiliist lii Säämi kielâlaavâ 4 § mield vuoigâdvuotâ kevttiđ puohâin Viäruhaldâttuv ohtâduvâin jo-uv suomâkielâ tâi sämikielâ jieijâs viäruttâs kysekee ääšist tâi ääšist, mast sun lii kuullâmnáál. Sämmilâš lii säämi kielâlaavâ 3 § mield olmooš, kote tuálá jieijâs sämmilâžžân, toin iävttoin, 1) et sun jieš tâi aainâs-uv ohtâ suu vanhimijn tâi ááhust / äijihist lii oppâm sämikielâ vuosmužžân kiellân, tâi 2) et sun lii taggaar ulmuu maajeeldpuáttee, kote lee merkkejum tuodâr-, mecci- tâi kyelipivdeesämmilâžžân eennâm-, viärukyeddim- tâi jieggâkirjeest, teikkâ 3) et aainâs-uv ohtâ suu vanhimijn lii merkkejum tâi ličij puáhtám merkkejuđ jienâstemvuoigâdvuođâlâžžân säämi parlament tâi sämitige vaaljâin. Vuoigâdvuotâulmuin, kiäi pevdikirjekielâ lii sämikielâ, lii säämi kielâlaavâ 5 § mield siämmáálágán vuoigâdvuotâ ášástâldijn virgeomâháin kevttiđ pevdikirjekielâ nuávditmáin heivejeijee oosijn, maht 4 §:st asâttuvvoo sämmilij vuoigâdvuođâst kevttiđ sämikielâ.

Lahânubástusah iä vaikut sämmilij kielâlâš vuoigâdvuođáid sämikuávlu (Tave-Lappi) Viäruhaldâttuv toimâpaaihijn. Nuuvtpa täin oosijn tilálâšvuotâ siäilu siämmáálágánin.

Taat raavâ tuálá siste kuvvim tom monâttâlmist, mii nuávdittuvvoo, ko sämmilâš eres saajeest ko säämi kielâlaavâ uáivildem sämikuávlust kiävttá sämikielâ ášástâldijn Viäruhaldâttuvâst jieijâs viäruttâs kyeskee aašist. Monâttâllâmvyehi kuáská puohâid Viäruhaldâttuv ohtâduvâid já toimâsoojijd.

2. Vuoigâdvuotâ tulkkuumân, ko sämmilâš ášástâl Viäruhaldâttuv toimâsaajeest

Jis sämmilâš kiävttá säämi kielâlaavâ 4 § miäldásávt sämikielâ ášástâldijn sämikuávlu ulguupiäláá Viäruhaldâttuv toimâsaajeest (ovdâmerkkân viärukorttâääšist tâi viärui perâmân kullee ääšist), lii sust säämi kielâlaavâ 19 § miäldásâš vuoigâdvuotâ tulkkuumân sämikielân, jis sämikieltáiđusâš olmooš tobbeen váilu. Viärutoimâttâh tâi eres toimâohtâdâh uárnee ääši kieđâvuššâm várás njálmálâš puhelimáin tábáhtuvvee tulkkum. Tulkkum hoittájuvvoo ovdâmerkkân nuuvt, et ääši kieđâvuššâm tábáhtuvá ääšimiäldásii visteest, mast lii škaajânpuhelin já virgeolmooš váldá puhelimáin ohtâvuođâ sämikielâ tuulkân.

Táárbu mield ääši kieđâvuššâm sirdoo já kieđâvuššâmsajan puáhtá tiiláđ sämikielâ tuulhâ. Tuulhâ tiiláámist kalga ain sooppâđ hovdáin.

Tulkkumkuástádâsâid máksá Viäruhaldâttâh.

Tave-Laapi viärutoimâttuv Avveel toimâsaajeest porgâv kyehti tavesämikielâ mättee virgeulmuu viäruvalmâštellee Minna Hartikainen-Portti. Tavesämikielâ kyeskee tulkkumaašijn kalga väldiđ vuosâsajasávt ohtâvuođâ Minna Hartikainen-Poortin. Lasseen Viäruhaldâttuv / Tave-Suomâ viäruvirgádâh lii toohâm tooimânadelemsopâmuš vyelni mainâšum eres ko Tave-Laapi viärutoimâttuv Avveel toimâsaajeest pargee sämikielâ tulhâiguin ovdeláá uáivildum palvâlusâi pyevtitmist. Sopâmuš tovâdijn áášánkullee tuulhah láá adelâm syeligâsâsttoollâmlopádâs.

Vyelni láá täi tuulhâi ohtâvuođâtiäđuh: 

Tavesämikielâ:

Minna Hartikainen-Portti
šleđgâpostâ: minna.hartikainen@vero.fi
puh. 020 6134290

Aanaarsämikielâ:

Ilmari Mattus
Saarineitamontie 29
99800 IVALO


šleđgâpostâ: ilmari.mattus@pp.inet.fi
puh. 040 5209249

Nuorttâsämikielâ:

Erkki Lumisalmi
Nellimintie 304
99800 IVALO
šleđgâpostâ: erkki.lumisalmi@ort.fi
puh. 0400 917614

3. Sämikielâlâš viäruäššikirjij kieđâvuššâm já viäruäššikirjij jurgâlem

Jis sämmilâš ääšiuásálâš eres saajeest ko sämikuávlust pivdá säämi kielâlaavâ 20 § miäldásávt finniđ viäruääši kieđâvušmân kullee äššikiirjijd sämikielân tâi säämi kielâlaavâ 4 § miäldásávt kuáđá jieijâs viäruääši kyeskee äššikiirjijd sämikielân, puáhtá ääši išedeijee valmâštâllâm sirdeđ Tave-Laapi viärutoimâttuv Avveel toimâsajan porgâmnáál. Táárbu mield puáhtá meiddei toohâđ ovtâskâstábáhtus viäruttâs toimâttemsaje sirdem kyeskee miärádâs Viäruhaldâttuvâst adelum laavâ 25 § vuáđuld.

Jis sämmilii ääšiuásálii viäruääši kyeskee ääši kieđâvuššâm váátá säämi kielâlaavâ 20 §:st asâttem suomâkielâlâš äššikirje jurgâlem sämikielân tâi táárbu mield jurgâlus sämikielâst suomâkielân, váldá viärutoimâttâh tâi eres Viäruhaldâttuv ohtâdâh ohtâvuođâ Tave-Laapi viärutoimâttuv Avveel toimâsajan, mii ana huolâ äššikirjij jurgâlmist kevttimáin táárbu mield iššeen säämi kielâtoimâttuv kielâjurgâleijeid.

Jurgâlmist šoddâm koloid máksá Viäruhaldâttâh.

4. Tave-Laapi viärutoimâttuv ohtâvuođâtiäđuh

Tave-Laapi viärutoimâttâh tuáimá ubâ eennâm uásild sämikielâlâš palvâlem toorjâohtâduvân. Viärutoimâttuv Avveel toimâsaje ohtâvuođâtiäđuh kávnojeh täst. Išetoimâttâhhovdâ Maarit Ollila já Minna Hartikainen-Portti toimâv vuosâsajasâš ohtâvuođâolmožin.

Válduhovdâ Mirjami Laitinen

Pajetärhisteijee Markku Mertala