Láigobargi álggahanalmmuhus (TULOR 6106) -Deavdinráva 2021

Dábálaš áššit láigobargi álggahanalmmuhusa addimis

Almmut bálkkáid boahtoregistarii 1.1.2019 rájes

Bargoaddit ja eará mávssuid máksit galget almmuhit iežaset máksin bálkkáid ja eará mávssuid boahtoregistarii jagi 2019 rájes. Boahtoregistara almmuhusaid galgá addit elektrovnnalaččat. Jos elektrovnnalaš almmuheapmi ii leat vejolaš, sáhtát erenoamáš sivas addit almmuhusa báberskoviin.

Skovi buot siidduid galgá máhcahit, vaikko buot siidduide eai livččege addin láhkai dieđut. Deavdde juohke boađuoažžus iežas almmuhusa, ja deavdde juohke almmuhussii visot dárbbašlaš dieđuid maid máksi birra, vaikko máksi livččiige juohke almmuhusas seamma.

Jos almmuhus lea devdojuvvon boastut dahje dieđut váilot, almmuhus hilgojuvvo. Hilgojuvvon almmuhus ii vurkejuvvo boahtoregistarii.

Láigobargi álggahanalmmuhus (TULOR 6106) addojuvvo olgoriikkalaš láigobargis, gean olgoriikkalaš fitnodat lea láigohan barggu barggaheaddjái, mii lea Suomas. Almmuhusa galgá addit das fuolakeahttá, man guhkes áigge bargu bistá. Dárkkis Vearrohálddahusas dárkilut dieđuid das, makkár diliin almmuhusa lea baggu addit.

Geavat rivttes jagi skovi

Vállje rivttes jagi skovi máksinbeaivvi mielde. Jos mávssu máksinbeaivi lea jagi 2021 áigge, geavat jagi 2021 skovi. Jos máksinbeaivi lea goit jagi 2020 dahje 2019 bealde dahje divut dákkár almmuhusa, geavat gažaldatvuloš jagi skovi.

Almmuheami mearreáigi

Jos láigobargi álggahanalmmuhus addojuvvo báberskoviin, dan galgá addit maŋimustá gávccát kaleandarbeaivve vuosttas bálkámáksinbeaivve maŋŋá.

Lunddolaš persovnnat ja jápminbeasit, mat eai leat merkejuvvon Vearrohálddahusa fásta bargoaddiid registarii, sáhttet goit addit almmuhusa báberskoviin maŋimustá bálkámáksinbeaivve čuovvovaš mánotbaji 8. beaivve.

Jos maŋimuš almmuhusa addinbeaivi lea lávvardat, sotnabeaivi dahje bassebeaivi, sirdása mearreáigi čuovvovaš árgabeaivái. Jos almmuhusa addá maŋŋit, Vearrohálddahus sáhttá mearridit maŋŋonanmávssu.

Máhcahusčujuhus

Sádde skovi čuovvovaš čujuhussii:

Tulorekisteri
PL 1
00055 TULOREKISTERI

Dárkilut rávvagat

Jos dárbbašat dárkilut dieđuid sierra almmuhandiliin, oahpásmuva dáidda rávvagiidda:

Almmuhusa identifiserendieđut

Jos attát almmuhusa báberskoviin, deavdde skovi juohke siiddu badjeoassái almmuhusa identifiserendieđuid. Identifiserendieđut leat:

  • doaibmabiju tiipa
  • bálkámáksinbadji
  • almmuhanbeaivi
  • mávssu máksi almmuhančujuhus.

Doaibmabiju tiipa

Merke ruossain leago gažaldagas ođđa almmuhus, buhttedeaddji almmuhus vai almmuhusa fámuhuhttin. Sáhtát válljet dušše ovtta doaibmabiju tiippa. Diehtu lea bákkolaš.

  • Ođđa almmuhus lea gažaldagas dalle, go attát dieđu láigobargi bargama álggaheamis vuosttas geardde.
  • Buhttejeaddji almmuhus addojuvvo, go ovddit almmuhusa galgá divvut. Buhttedeaddji almmuhusas galgá addit buot dieđuid ođđasis, dahje nuppiin sániiguin ođđa ja rievdan dieđuid lassin galgá addit maid ovddit almmuhusas leamašan rivttes dieđuid. Buhttedeaddji almmuhusas galgá addit ovddit almmuhusa almmuhančujuhusa.
  • Almmuhusa fámuhuhttin válljejuvvo, go fámuhuhttojuvvo ovddit addojuvvon almmuhus ollásit. Fámuhuhttima oktavuođas reahkká, ahte almmuha doaibmabiju tiippa lassin mávssu máksi dovddaldaga ja ovddit almmuhusa almmuhančujuhus, man vuođul fámuhuhttin čuohcá rivttes almmuhussii. Almmuhusa gánneha fámuhuhttit easka dalle, go ođđa almmuhus lea addojuvvon.
    • Vaikko dieđuid divvun boahtoregistaris dahkkojuvvo dábálaččat buhttejeaddji almmuhusain, leat dihto dáhpáhusat, main dieđuid ii sáhte divvut buhttedeaddji almmuhusain. Dan sadjái ovdal addojuvvon almmuhusa galgá fámuhuhttit ja dan maŋŋá galgá addit ođđa almmuhusa rivttes dieđuiguin. Dákkáraš dáhpáhusat leat ovdamearkka dihte:
      • almmuhanbeaivvi divvun
      • bálkámáksinbaji divvun
      • mávssu máksi ja bálkáváldi áššehasdovddaldagaid divvun
      • boađuoažžu riegádanáiggi divvun.

Bálkámáksinbadji

Almmut bálkámáksinbaji álgo- ja loahppabeaivvi. Almmut álgo- ja loahppabeaivve hámis bbmmjjjj, ovdamearkka dihte 01052021–31052021. Bálkámáksinbadji lea áigodat, mas bálká máksojuvvo.Diehtu lea bákkolaš.

Almmuhanbeaivi

Merke almmuhanbeaivvi hámis bbmmjjjj. Ovdamearkka dihte 15.5.2021 addojuvvon almmuhusa beaivemearri almmuhuvvo hámis 15052021. Diehtu lea bákkolaš.

Mávssu máksi almmuhančujuhus

Mávssu máksi almmuhančujuhus spesifisere máksi addin bálkádiehtoalmmuhusaid. Almmuhančujuhus galgá leat oktagaslaš buot máksi addin ođđa almmuhusain. Jos hábmet čujuhusa ieš, dat galgá leat earálágan juohkehaš ođđa almmuhusas. Čuoggá sáhttá guođđit maid guorusin, dalle boahtoregisttar hábme máksi almmuhančujuhusa du beales. Dalle almmuhančujuhus sáddejuvvo reiven dan čujuhussii, mii máksái lea merkejuvvon álbmot- dahje fitnodatdiehtovuogádahkii.

Jos attát ođđa almmuhusa iige máksis leat dovddaldat, ale atte almmuhančujuhusa muhto guođe čuoggá álo guorusin.

Almmuhančujuhus lea dehalaš, daningo seamma čujuhusa ferte geavahit dalle, jos almmuhusas leat leamaš feaillat ja dan galgá divvut. Almmá almmuhančujuhusa haga almmuhusa buhtten dahje fámuhuhttin ii boahtoregistaris nagoduvvo čuozihit dan almmuhussii, mii háliiduvvo divvut. Dan dihte mávssu máksi almmuhančujuhus lea bákkolaš diehtu, jos divut ovddit almmuhusa dahje fámuhuhtát dan.

Almmuhančujuhusa sáhttá leat eanemustá 40 mearkka guhkkosaš. Dat sáhttá sisttisdoallat sihke bustávaid ja nummiriid muhto ii gaskamearkkaid. Dohkálaš mearkkat leat nummirat 0–9, bustávat a–z ja A–Z sihke sierramearkkat”_” ja ”-”. Fuomáš, ahte bustávat å, ä ja ö eai leat dohkálaš mearkkat.

Ovdamearkkat mávssu máksi almmuhančujuhusa hábmemis: 

  • Bargoaddi lea addán láigobargi álggahanalmmuhusa golmma sierra bargái seamma almmuhanbeaivve 4.2021. Son sáhttá hábmet almmuhančujuhusaid ovdamearkka dihte lasihemiin beaivemeari maŋŋái johtti nummira:
    • 300420211
    • 300420212
    • 300420213
  • Bargoaddi lea addán láigobargi álggahanalmmuhusa guovtti sierra bargái (Virtanen ja Nieminen) seamma almmuhanbeaivve 15.7.2021. Son sáhttá hábmet almmuhančujuhusaid ovdamearkka dihte lasihemiin beaivemeari maŋŋái bálkáváldi nama:
    • 15072021Virtanen
    • 15072021Nieminen

1. Máksi

Almmut máksi F-nummira ja fitnodaga nama. Jos máksi lea lunddolaš persovdna, almmut ovda- ja sohkanama ja suopmelaš persovdnadovddaldaga. Merke persovdnadovddaldaga dahje F-nummira almmuhussii ollislažžan. Ale čále diehtogieddái dovddaldaga lassin eará dieđuid. Diehtu lea bákkolaš.

Ovdamearka:

  • persovdnadovddaldat 101010-101A
  • F-nummir 0123456-2

Jos suopmelaš F-nummir dahje persovdnadovddaldat ii leat, almmut máksi nama, čujuhusa ja olgoriikkalaš dovddaldaga dieđuid. Almmut juogo lagasčujuhusa dahje boastabovssa. Jos máksi lea lunddolaš persovdna, almmut maid riegádanáiggi. Almmut lassin olgoriikkalaš dovddaldaga guovtti bustáva riikakoda.

Ovdamearkkat riikakodain: Suopma= FI, Ruoŧŧa= SE, Norga = NO, Estteeana= EE, Ruošša= RU

Dábálamosit geavahuvvon riikakodat gávdnojit tabeallas dán rávvaga loahpas. Jos riikakoda ii gávdno tabeallas, almmut riikka nama.

Merke almmuhussii maid lassedieđuid addi oktavuohtaolbmo nama ja telefonnummira.

2. Ovddasteaddji

Ovddasteaddjin dárkkuhuvvo bargiid vuolggaheamis addojuvvon lágas (447/2016) oaivvilduvvon ovddasteaddji. Jos attát dieđuid olgoriikkalaš bargoaddi ovddasteaddjin, merke ruossa skovi lohppii čuoggái Dieđuid addá ovddasteaddji (Tiedot antaa edustaja).

Almmut ovddasteaddji nama, čujuhusa, suopmelaš persovdnadovddaldaga dahje F-nummira dahje, jos suopmelaš dovddaldat ii leat, olgoriikalaš dovddaldaga dieđuid.

3. Boađuoažžu

Almmut boađuoažžu ovda- ja sohkanama sihke suopmelaš persovdnadovddaldaga.

Jos boađuoažžus ii leat suopmelaš persovdnadovddaldat, almmut ovda- ja sohkanama, olgoriikka dovddaldaga, riegádanáiggi (hámis bbmmjjjj) ja sohkabeali. Almmut olgoriikka dovddaldaga tiippa ja dovddaldaga riikakoda.

Almmut boađuoažžu čujuhusdieđuid sihke ruovtturiikkas ja barganriikkas. Almmut olgoriikalaš čujuhusa riikakoda.

4. Árvvoštallan bálkkás ja barganáigi suomas

Almmut árvvoštallama bálkkás, mii mákso boađuoažžui Suomas bargojuvvon barggus oppa vearrojagi áigge. Lasit árvvoštallamii vejolaš lunddolašovdduid (omd. visteovdu, telefonovdu dahje biebmoovdu) ja vearuvuloš goluid buhtadusaid (omd. vearuvuloš kilomehterbuhtadusat). Almmut árvvoštallama bálkkás euroid mielde.

Almmut Suomas bargama álgo- ja loahppabeaivvi. Jos dárkilis loahppabeaivi ii leat dieđus, adde árvvoštallojuvvon loahppabeaivvi. Loahppabeaivi sáhttá leat ovdamearkan čuovvovaš kaleandarjagi.

5. Suopmelaš barggu barggaheaddji

Suopmelaš barggu barggaheaddji lea dat bealli, guhte lea láigohan olgoriikalaš láigobargofámu Suomas bargojuvvon bargui.

Almmut suopmelaš barggu barggaheaddji suopmelaš F-nummira dahje persovdnadovddaldaga ja nama. Jos suopmelaš dovddaldat iii leat, almmut olgoriikalaš dovddaldaga dieđuid ja riikakoda.

6. Beaivemearri ja vuolláičálus

 Jos attát almmuhusa olgoriikkalaš bargoaddi ovddasteaddjin, merke ruossa čuoggái Dieđuid addá olgoriikka bargoaddi ovddasteaddji (Tiedot antaa ulkomaisen työnantajan edustaja). Ovddasteaddjin dárkkuhuvvo bargiid vuolggaheamis addojuvvon lágas (447/2016) oaivvilduvvon ovddasteaddji. Jos merket ruossa dán čuoggái, deavdde maid ovddasteaddji dieđuid čuoggás 2. Ovddasteaddji (Edustaja).

Vuolláičále skovi ovdal go sáddet dan. Merke maiddái beaivemeari ja telefonnummirat.

Riikakodat

Dábálamosit geavahuvvon riikakodat
AE Arábaemiráhtat AM Armenia AR Argentina
AT Nuortariika AU Austrália AZ Azerbaidzan
BA Bosnia ja Hercegovina BB Barbados BE Belgia
BG Bulgaria BM Bermuda BR Brasilia
BY Vilges-Ruošša CA Kanada CH Sveica
CN Kiinná CY Kypros CZ Tseahkka
DE Duiska DK Dánmárku EE Estteeana
EG Egypta ES Spania FI Suopma
FR Frankriika GB Stuorra-Británnia GE Georgia
GG Guernsey GR Greika HK Hongkong
HR Kroatia HU Ungár ID Indonesia
IE Irlánda IL Israel IM Mansuolu
IN India IS Islánda IT Itália
JE Jersey JP Jáhpan KG Kirkisa
KR Korean dásseváldi KY Caymansullot KZ Kazakstan
LK Sri Lanka LT Lietuva LU Luxemburg
LV Latvia MA Marokko MD Moldova
ME Montenegro MK Makedonia MT Malta
MX Meksiko MY Malesia NL Vuolleeatnamat
NO Norga NZ Ođđa-Selánda PH Filippiinnat
PK Pakistan PL Polska RO Romania
RS Serbia RU Ruošša SE Ruoŧŧa
SG Singapore SI Slovenia SK Slovakia
TH Thaieana TJ Tažikistan TM Turkmenistan
TR Durka TZ Tansania UA Ukraina
US Amerihká ovttastuvvan UY Uruguay UZ Uzbekistan
VG Brihttalaš Nieiddašsullot VN Vietnam ZA Lulli-Afrihká
ZM Sambia