Bargoaddi sierraalmmuhus (TULOR 6103) - Deavdinráva 2021

Dábálaš áššit bargoaddi sierraalmmuhusa addimis

Almmut bálkkáid boahtoregistarii 1.1.2019 rájes

Bargoaddit ja eará mávssuid máksit galget almmuhit iežaset máksin bálkkáid ja eará mávssuid boahtoregistarii bálkádiehtoalmmuhusain jagi 2019 rájes. Bargoaddi buohcooadjomáksu ja das dahkkojuvvon geahpádusat sihke Ii bálkámáksin -diehtu almmuhuvvo jagi 2019 rájes bargoaddi sierraalmmuhusain boahtoregistarii. Boahtoregistara almmuhusaid galgá addit elektrovnnalaččat. Jos elektrovnnalaš almmuheapmi ii leat vejolaš, sáhtát erenoamáš sivas addit almmuhusa báberskoviin.

Skovi buot siidduid galgá máhcahit, vaikko buot siidduide eai livččege addin láhkai dieđut. Jos almmuhus lea devdojuvvon boastut dahje dieđut váilot, almmuhus hilgojuvvo. Hilgojuvvon almmuhus ii vurkejuvvo boahtoregistarii.

Geavat rivttes jagi skovi

Vállje rivttes jagi skovi čuozáhatmánotbaji mielde. Jos mávssu čuozáhatbadji lea jagi 2021 áigge, geavat jagi 2021 skovi. Jos máksinbeaivi lea goit jagi 2020 dahje 2019 bealde dahje divut dákkár almmuhusa, geavat gažaldatvuloš jagi skovi.

Almmuheami mearreáigi

Jos bargoaddi sierraalmmuhus addojuvvo báberskoviin, dan galgá addit maŋimustá bálkámáksinbeaivvi čuovvovaš 8. beaivve. Jos maŋimuš almmuhusa addinbeaivi lea lávvardat, sotnabeaivi dahje bassebeaivi, sirdása mearreáigi čuovvovaš árgabeaivái. Jos almmuhusa addá maŋŋit, Vearrohálddahus sáhttá mearridit maŋŋonanmávssu.

Máhcahusčujuhus

Sádde skovi čuovvovaš čujuhussii:

Tulorekisteri
PL 1
00055 TULOREKISTERI

Juohke mánotbajis dušše okta bargoaddi sierraalmmuhus

Bargoaddi sáhttá addit dušše ovtta bargoaddi sierraalmmuhusa juohke mánotbajis, vaikko bálkkát dahje eará mávssut rehkenastošedje máŋgga beali doaimmas. Ovdamearkka dihte jos diibmobálkká oažžu olbmuid bálkárehkenastin dikšojuvvo rehketdoallodoaimmahagas A ja doaibmaolbmuid bálkárehkenastin bálkábálvalusfitnodagas B, bargoaddi addá ovtta bargoaddi sierraalmmuhusa, mas leat oktiirehkenastojuvvon buot mánotbajiid bálkkáid vuođul máksinvuloš buohcooadjomávssut ja dain vejolaččat dahkkon geahpádusat.

Dárkilut rávvagat

Jos dárbbašat dárkilut dieđuid sierra almmuhandiliin, oahpásmuva dáidda rávvagiidda:

Almmuhusa identifiserendieđut

Deavdde skovi juohke siiddu badjeoassái almmuhusa identifiserendieđuid. Identifiserendieđut galget leat ovttaláganat buot skovi siidduin. Identifiserendieđut leat:

  • doaibmabiju tiipa
  • almmuhanbeaivi
  • čuozáhatmánotbadji ja -jahki
  • mávssu máksi almmuhančujuhus.

Doaibmabiju tiipa

Merke ruossain leago gažaldagas ođđa almmuhus, buhttedeaddji almmuhus vai almmuhusa fámuhuhttin. Sáhtát válljet dušše ovtta doaibmabiju tiippa. Diehtu lea bákkolaš.

  • Ođđa almmuhus lea gažaldagas dalle, go attát čuozáhatbajis (nuppiin sániiguin dihto máksinmánotbaji ja -jagi áiggis) almmuhusa vuosttas geardde. Jos almmuhus hilgojuvvo ja gárttat addit dieđuid ođđasis, jearaldagas lea maid ođđa almmuhus.
  • Buhttejeaddji almmuhus addojuvvo, go ovddit almmuhusa galgá divvut. Buhttedeaddji almmuhusas galgá addit buot dieđuid ođđasis, dahje nuppiin sániiguin ođđa ja rievdan dieđuid lassin galgá addit maid ovddit almmuhusas leamašan rivttes dieđuid. Buhttedeaddji almmuhusas galgá addit ovddit almmuhusa almmuhančujuhusa.
  • Almmuhusa fámuhuhttin válljejuvvo, go fámuhuhttojuvvo ovddit addojuvvon almmuhus ollásit. Fámuhuhttima oktavuođas reahkká, ahte almmuha doaibmabiju tiippa lassin mávssu máksi dovddaldaga ja ovddit almmuhusa almmuhančujuhusa, man vuođul fámuhuhttin čuohcá rivttes almmuhussii. Almmuhusa gánneha fámuhuhttit easka dalle, go ođđa almmuhus lea addojuvvon.
    • Vaikko dieđuid divvun boahtoregistaris dahkkojuvvo dábálaččat buhttejeaddji almmuhusain, leat dihto dáhpáhusat, main dieđuid ii sáhte divvut buhttedeaddji almmuhusain. Dan sadjái ovdal addojuvvon almmuhusa galgá fámuhuhttit ja dan maŋŋá galgá addit ođđa almmuhusa rivttes dieđuiguin. Dákkáraš dáhpáhusat leat ovdamearkka dihte:
      • čuozáhatbaji (nuppiin sániiguin máksinmánotbaji dahje -jagi) divvun
      • mávssu máksi áššehasdovddaldaga divvun
      • ealáhatortnetnummira divvun
      • bárteoadjofitnodatsearvi dovddaldaga dahje oadjonummira divvun

Almmuhanbeaivi

Merke almmuhanbeaivin bargoaddi sierraalmmuhusa addinbeaivvi hámis bbmmjjjj. Ovdamearkka dihte 3.5.2021 sáddejuvvon almmuhusa almmuhanbeaivi merkejuvvo hámis 03052021. Diehtu lea bákkolaš.

Čuozáhatbadji ja -jahki

Merke kaleandarmánu ja jagi, man bargoaddi sierraalmmuhusa dieđut gusket. Merke mánotbaji nummira 1–12 ja jagi njeljiin nummiriin. Dieđut leat bákkolaččat.

Mávssu máksi almmuhančujuhus

  • Mávssu máksi almmuhančujuhus spesifisere máksi addin bargoaddi sierraalmmuhusaid. Almmuhančujuheapmi galgá leat oktagaslaš buot máksi addin ođđa almmuhusain. Jos hábmet čujuhusa ieš, dat galgá leat earálagan juohkehaš ođđa almmuhusas. Čuoggá sáhttá guođđit maid guorusin, dalle boahtoregisttar hábme máksi almmuhančujuhusa du beales. Dalle almmuhančujuhus sáddejuvvo reiven dan čujuhussii, mii máksái lea merkejuvvon álbmot- dahje fitnodatdiehtovuogádahkii.
  • Jos attát ođđa almmuhusa iige máksis leat dovddaldat, ale atte almmuhančujuhusa muhto guođe čuoggá guorusin.
  • Almmuhančujuhus lea dehalaš, daningo seamma čujuhusa ferte geavahit dalle, jos almmuhusas leat leamaš feaillat ja dan galgá divvut. Almmá almmuhančujuhusa haga almmuhusa buhtten dahje fámuhuhttin ii boahtoregistaris nagoduvvo čuozihit dan almmuhussii, mii háliiduvvo divvut. Dan dihte mávssu máksi almmuhančujuhus lea bákkolaš diehtu, jos divut ovddit almmuhusa dahje fámuhuhtát dan.
  • Almmuhančujuhus sáhttá leat eanemustá 40 mearkka guhkkosaš. Dat sáhttá sisttisdoallat sihke bustávaid ja nummiriid muhto ii gaskamearkkaid. Dohkálaš mearkkat leat nummirat 0–9, bustávat a–z ja A–Z sihke sierramearkkat”_” ja ”-”. Fuomáš, ahte bustávat å, ä ja ö eai leat dohkálaš mearkkat.
  • Ovdamearka mávssu máksi almmuhančujuhusa hábmemis:
    • Guovvamánu 2021 bargoaddi sierraalmmuhusa almmuhančujuhussan sáhttá merket ovdamearkka dihte Guovvamánnu 2021.

1. Máksi

Dieđut máksis

Almmut mávssu máksi suopmelaš F-nummira dahje persovdnadovddaldaga. Merke suopmelaš persovdnadovddaldaga dahje F-nummira almmuhussii ollislažžan. Ale čále diehtogieddái dovddaldaga lassin eará dieđuid.

Ovdamearka:

  • persovdnadovddaldat 101010-101A
  • F-nummir 0123456-2

Jos suopmelaš dovddaldagat eai leat, almmut fitnodaga nama dahje olbmo nama ja riegádanáiggi sihke dovddaldaga tiippa. Almmut maid dovddaldaga guovtti bustáva riikakoda.

Ovdamearkkat riikakodain: Suopma= FI, Ruoŧŧa= SE, Norga = NO, Estteeana= EE, Ruošša= RU

Dábálamosit geavahuvvon riikakodat gávdnojit tabeallas dán rávvaga loahpas. Jos riikakoda ii gávdno tabeallas, almmut riikka nama.

Čujuhusdieđuid galgá addit, jos máksi čujuhus lea olgoriikkas. Almmut juogo lagasčujuhusa dahje boastabovssa. Almmut maid riikakoda, jos čujuhus lea olgoriikkas.

Merke vejolaš oktavuođaváldimiid várás oktavuohtaolbmo nama ja telefonnummira.

Máksi ealáhatoadju ja bargobárteoadju

Almmut dieđuid máksi bargoealáhatoajus ja bargobárteoajus dušše dalle, jos almmuhat Ii bálkámáksin -dieđu. Ná bargoealáhatfitnodatsearvvit ja bargobárteoadjofitnodatsearvvit ožžot boahtoregistaris dieđu das, ahte máksi ii leat máksán bálkkáid gažaldatvuloš mánotbajis.

Almmut dan bargoealáhatlágádusa fitnodatsearvedovddaldaga, gos leat váldán bargoealáhatoaju. Merke čuoggái dušše nummira, ale čále bargoealáhatlágádusa nama. Bargoealáhatlágádusain dárkkuhuvvo bargoealáhatoadjofitnodatsearvi, ealáhatkássa, Mearraolbmáealáhatkássa dahje ealáhatvuođđudus. Juohke bargoealáhatlágádusas lea oktagaslaš guovtti- dahje viđa mearkka fitnodatdovddaldat, mainna dieđut čuozihuvvojit rivttes bargoealáhatlágádussii. Almmut maid ealáhatortnetnummira.

Almmut bargobárteoadjofitnodatsearvvi dovddaldaga ja bargobárteoaju oadjonummira. Almmut maid dovddaldaga tiippa. Jos dovddaldat lea olgoriikkalaš, almmut riikakoda.

2. Buohcooadjomáksu ja II Bálkamáksin -diehtu

Almmut čuozáhatmánotbaji áiggis máksojuvvon bargoaddi buohcceoadjomávssu oktasaš meari ja das vejolaččat dahkkojuvvon geahpádusaid. Jos it leat oppanassiige máksán bálkkáid dahje eará mávssuid, merke ruossa Ii bálkámáksin (Ei palkanmaksua) -čuoggái. Jos almmuhat Ii bálkámáksin -dieđu, ale deavdde buohcooadjomávssu dahje geahpádusaid euromeriid.

Ii bálkámáksin -diehtu almmuhuvvo dušše dalle, jos bargoaddi ii leat máksán maidige mávssuid gažaldatvuloš mánotbaji áigge. Jos bargoaddi lea máksán dušše vearuhis goluid buhtadusaid, ovdamearkka dihte vearuhis kilomehterbuhtadusaid, Ii bálkámáksin –diehtu ii addojuvvo. Bargoaddi sierraalmmuhusain almmuhuvvojit dalle buohcooadjomávssu mearrin 0 euro.

3. Beaivemearri ja vuolláičálus

Vuolláičále skovi ovdal go sáddet dan. Merke maiddái beaivemeari ja telefonnummirat.

Riikakodat

Dábálamosit geavahuvvon riikakodat
AE Arábaemiráhtat AM Armenia AR Argentina
AT Nuortariika AU Austrália AZ Azerbaidzan
BA Bosnia ja Hercegovina BB Barbados BE Belgia
BG Bulgaria BM Bermuda BR Brasilia
BY Vilges-Ruošša CA Kanada CH Sveica
CN Kiinná CY Kypros CZ Tseahkka
DE Duiska DK Dánmárku EE Estteeana
EG Egypta ES Spania FI Suopma
FR Frankriika GB Stuorra-Británnia GE Georgia
GG Guernsey GR Greika HK Hongkong
HR Kroatia HU Ungár ID Indonesia
IE Irlánda IL Israel IM Mansuolu
IN India IS Islánda IT Itália
JE Jersey JP Jáhpan KG Kirkisa
KR Korean dásseváldi KY Caymansullot KZ Kazakstan
LK Sri Lanka LT Lietuva LU Luxemburg
LV Latvia MA Marokko MD Moldova
ME Montenegro MK Makedonia MT Malta
MX Meksiko MY Malesia NL Vuolleeatnamat
NO Norga NZ Ođđa-Selánda PH Filippiinnat
PK Pakistan PL Polska RO Romania
RS Serbia RU Ruošša SE Ruoŧŧa
SG Singapore SI Slovenia SK Slovakia
TH Thaieana TJ Tažikistan TM Turkmenistan
TR Durka TZ Tansania UA Ukraina
US Amerihká ovttastuvvan UY Uruguay UZ Uzbekistan
VG Brihttalaš Nieiddašsullot VN Vietnam ZA Lulli-Afrihká
ZM Sambia