Bálkádiehtoalmmuhus (TULOR 6101) - Deavdinráva 2021

Dábálaš áššit bálkádiehtoalmmuhusa addimis

Almmut bálkkáid boahtoregistarii 1.1.2019 rájes

Bargoaddit ja eará mávssuid máksit galget almmuhit iežaset máksin bálkkáid ja eará mávssuid boahtoregistarii jagi 2019 rájes. Ovttain bálkádiehtoalmmuhusain sáhttá almmuhit dieđuid ovtta boađuoažžui seamma máksinbeaivve máksojuvvon mávssuin. Boahtoregistara almmuhusaid galgá addit elektrovnnalaččat. Jos elektrovnnalaš almmuheapmi ii leat vejolaš, sáhtát erenoamáš sivas addit almmuhusa báberskoviin.

Skovi buot siidduid galgá máhcahit, vaikko buot siidduide eai livččege addin láhkai dieđut. Deavdde juohke boađuoažžus iežas almmuhusa, ja deavdde juohke almmuhussii visot dárbbašlaš dieđuid maid máksi birra, vaikko máksi livččiige juohke almmuhusas seamma.

Jos almmuhus lea devdojuvvon boastut dahje dieđut váilot, almmuhus hilgojuvvo. Hilgojuvvon almmuhusa ii vurkejuvvo boahtoregistarii.

Geavat rivttes jagi skovi

Vállje rivttes jagi skovi máksinbeaivvi mielde. Jos mávssu máksinbeaivi lea jagi 2021 áigge, geavat jagi 2021 skovi. Jos máksinbeaivi lea goit jagi 2020 dahje 2019 bealde dahje divut dákkár almmuhusa, geavat gážaldatvuloš jagi skovi.

Guokte sierralágan bálkádiehtoalmmuhanskovi

Dán deavdinrávvagis leat rávvagat bálkádiehtoalmmuhusa (TULOR 6101) deavdimii ja dieđuid divvumii. Bálkádiehtoalmmuhusa sáhttá geavahit, go sihke mávssu máksis ja boađuoažžus lea suopmelaš persovdnadovddaldat dahje F-nummir. Jos bargoaddi dahje boađuoažžu lea olgoriikkalaš geas ii leat suopmelaš persovdnadovddaldat dahje F-nummir, dahje jos lea gažaldat dihto bálkámáksima erenoamášdiliin (ovdamearkka dihte máksi doaibmá sadjásašmáksin), almmuhus addojuvvo viiddes bálkádiehtoalmmuhusain (TULOR 6104), masa lea iežas deavdinráva.

Bálkádiehtoalmmuhusas (TULOR 6101) ja deavdinrávvagis dieđut juohkásit čuovvovaš ollisvuođaide:

Almmuhusa identifiserendieđut

1. Máksi dieđut

2. Boađuoažžu dieđut (vuođđodieđut ja oadjudandieđut)

3. Boađuoažžui máksojuvvon mávssut

3A Bálkká oktasašsubmi ja geahpedeamivuloš earit

3B Eará almmuhuvvon boahtošlájat

3C Lunddolaš ovddut ja goluid buhtadusat

4. Beaivemearri ja vuolláičálus

Almmuheami mearreáigi

Jos bálkádiehtoalmmuhus addojuvvo báberskoviin, dan galgá addit 8 kaleandarbeaivvi siste bálkká máksinbeaivvis. Lunddolaš persovnnat ja jápminbeasit, mat eai leat merkejuvvon Vearrohálddahusa fásta bargoaddiid registarii, sáhttet goittotge addit almmuhusa maŋimustá bálkká máksinbeaivve čuovvovaš kaleandarmánotbaji 8. beaivve.

Jos maŋimuš almmuhusa addinbeaivi lea lávvardat, sotnabeaivi dahje bassebeaivi, sirdása mearreáigi čuovvovaš árgabeaivái. Jos bálkádiehtoalmmuhusa addá maŋŋit, Vearrohálddahus sáhttá mearridit maŋŋonanmávssu.

Máhcahusčujuhus

Sádde skovi čuovvovaš čujuhussii:

Tulorekisteri
PL 1
00055 TULOREKISTERI

Dárkilut rávvagat

Jos dárbbašat dárkilut dieđuid sierra almmuhandiliid birra, oahpásmuva dáidda rávvagiidda:

Almmuhusa identifiserendieđut

Deavdde skovi juohke siiddu badjeoassái almmuhusa identifiserendieđuid. Identifiserendieđut galget leat ovttaláganat buot skovi siidduin. Identifiserendieđut leat:

  • doaibmabiju tiipa
  • bálkámáksinbadji
  • máksinbeaivi
  • mávssu máksi almmuhusčujuheapmi.

Doaibmabiju tiipa

Merke ruossain leago gažaldagas ođđa almmuhus, buhttedeaddji almmuhus vai almmuhusa fámuhuhttin. Sáhtát válljet dušše ovtta doaibmabiju tiippa. Diehtu lea bákkolaš.

  • Ođđa almmuhus lea gažaldagas dalle, go attát bálkámáksimis almmuhusa vuosttas geardde. Jos almmuhus hilgojuvvo ja gárttat addit dieđuid ođđasis, jearaldagas lea maid ođđa almmuhus.
  • Buhttejeaddji almmuhus addojuvvo, go ovddit almmuhusa galgá divvut. Buhttedeaddji almmuhusas galgá addit buot dieđuid ođđasis, dahje nuppiin sániiguin ođđa ja rievdan dieđuid lassin galgá addit maid ovddit almmuhusas leamašan rivttes dieđuid. Buhttedeaddji almmuhusas galgá addit ovddit almmuhusa almmuhusčujuheami.
  • Almmuhusa fámuhuhttin válljejuvvo, go fámuhuhttojuvvo ovddit addojuvvon almmuhus ollásit. Fámuhuhttima oktavuođas reahkká, ahte almmuha doaibmabiju tiippa lassin mávssu máksi dovddaldaga ja ovddit almmuhusa almmuhusčujuheami, man vuođul fámuhuhttin čuohcá rivttes almmuhussii. Almmuhusa gánneha fámuhuhttit easka dalle, go ođđa almmuhus lea addojuvvon.
    • Vaikko dieđuid divvun boahtoregistaris dahkkojuvvo dábálaččat buhttejeaddji almmuhusain, leat dihto dáhpáhusat, main dieđuid ii sáhte divvut buhttedeaddji almmuhusain. Dan sadjái ovdal addojuvvon almmuhusa galgá fámuhuhttit ja dan maŋŋá galgá addit ođđa almmuhusa rivttes dieđuiguin. Dákkáraš dáhpáhusat leat ovdamearkka dihte:
      • máksinbeaivvi divvun
      • bálkámáksinbaji divvun
      • mávssu máksi ja boađuoažžu áššehasdovddaldagaid divvun
      • mávssu máksi tiippa Gaskaboddasaš bargoaddi divvun
      • ealáhatortnetnummira divvun
      • bárteoadjofitnodatsearvi dovddaldaga dahje oadjonummira divvun
      • oadjudandieđuid divvun: oadjudangeatnegasvuođa máhccevaš rievdadusat.
    • Maŋimus máinnašuvvon oadjudandieđuid divvumat gusket dili, mas boađuoažžu sisaboahtu lea álgoálggus almmuhuvvon sosiálaoadjomávssuid vulošin ja maŋŋá fuomášuvvo, ahte boađuoažžui máksojuvvon sisaboađu oasil ii livččiige lean oadjudangeatnegasvuohta, dahje mas boađuoažžu ii ovddit dieđuid vuostásaččat gulage Suoma sosiáladorvvu heivehanbiirii (dahje nuppe gežiid). Dán dáhpáhusas álgoalmmuhusa galgá fámuhuhttit ja dán maŋŋá galgá addit ođđa almmuhusa, mas leat rivttes oadjudandieđut. Ovddabealde muitaluvvon vuogi mielde galgá doibmet, vai dieđu fidne sirdit maid boastto almmuhusdieđu ožžon sosiálaoadjudeaddjiide riekta.

Bálkámáksinbadji

Almmut bálkámáksinbaji álgo- ja loahppabeaivvi. Almmut álgo- ja loahppabeaivve hámis bbmmjjjj, ovdamearkka dihte 01052021–31052021. Bálkámáksinbadji lea áigodat, mas bálká máksojuvvo. Bargogaskavuođa nogadettiin, nohká maid bálkámáksinbadji. Diehtu lea bákkolaš.

  • Fuomáš, ahte bálkámáksinbajiin ii oaivvilduvvo bálkká dinenbadji. Bálkká dinenbadji sáhttá leat eará go bálkámáksinbadji.

Jos lea gažaldat eará mávssus go bálkkás (omd. bargobuhtadus dahje čoahkkinbálká, mii ii máksojuvvo bargogaskavuođas), bálkámáksinbadjin almmuhuvvo áigegaska, mas máksu máksojuvvo.

Máksinbeaivi

Almmut bálkámáksinbeaivvi hámis bbmmjjjj. Ovdamearkan jos bálká máksojuvvo 15.5.2021, almmut máksinbeaivvi hámis 15052021. Diehtu lea bákkolaš.

Mávssu máksi almmuhančujuhus

  • Mávssu máksi almmuhusčujuheapmi spesifisere máksi addin bálkádiehtoalmmuhusa Almmuhusčujuheapmi galgá leat oktagaslaš buot máksi addin ođđa almmuhusain. Jos hábmet čujuhusa ieš, dat galgá leat earálagan juohkehaš ođđa almmuhusas. Čuoggá sáhttá guođđit maid guorusin, dalle boahtoregisttar hábme máksi almmuhančujuhusa du beales. Dalle almmuhančujuhus sáddejuvvo reiven dan čujuhussii, mii máksái lea merkejuvvon álbmot- dahje fitnodatdiehtovuogádahkii.
  • Almmuhančujuhus lea dehalaš, daningo seamma čujuhusa ferte geavahit dalle, jos almmuhusas leat leamaš feaillat ja dan galgá divvut. Almmá almmuhančujuhusa haga almmuhusa buhtten dahje fámuhuhttin ii boahtoregistaris nagoduvvo čuozihit dan almmuhussii, mii háliiduvvo divvut. Dan dihte mávssu máksi almmuhančujuhus lea bákkolaš diehtu, jos divut ovddit almmuhusa dahje fámuhuhtát dan.
  • Almmuhančujuhus sáhttá leat eanemustá 40 mearkka guhkkosaš. Dat sáhttá sisttisdoallat sihke bustávaid ja nummiriid muhto ii gaskamearkkaid. Dohkálaš mearkkat leat nummirat 0–9, bustávat a–z ja A–Z sihke sierramearkkat”_” ja ”-”. Fuomáš, ahte bustávat å, ä ja ö eai leat dohkálaš mearkkat.
  • Ovdamearkkat mávssu máksi almmuhančujuhusa hábmemis:
    • Bargoaddi lea máksán bálkká golmma sierra bargái seamma máksinbeaivve 30.4.2021. Son sáhttá hábmet almmuhančujuhusaid ovdamearkka dihte lasihemiin beaivemeari maŋŋái johtti nummira:
      • 300420211
      • 300420212
      • 300420213
    • Bargoaddi lea máksán bálkká guovtti sierra bargái (Virtanen ja Nieminen) seamma máksinbeaivve 15.7.2021. Son sáhttá hábmet almmuhančujuhusaid ovdamearkka dihte lasihemiin beaivemeari maŋŋái boađuoažžu nama:
      • 15072021Virtanen
      • 15072021Nieminen

1. Máksi

Máksi dieđut

Almmut bálkká dahje eará mávssu máksi suopmelaš F-nummira dahje persovdnadovddaldaga. Merke suopmelaš pearauvdnadovddaldaga dahje F-nummira almmuhussii dievaslažžan. Ale čále diehtogieddái dovddaldaga lassin eará dieđuid. Diehtu lea bákkolaš.

Ovdamearka:

  • persovdnadovddaldat 101010-101A
  • F-nummir 0123456-2

Čujuhusdieđuid galgá addit, jos mávssu máksi lea gaskaboddasaš bargoaddi dahje jos máksi čujuhus lea olgoriikkas. Almmut juogo lagasčujuhusa dahje boastabovssa. Almmut čujuhusa riikakoda, jos čujuhus lea olgoriikkas dahje máksi lea gaskaboddasaš bargoaddi.  

Ovdamearkkat riikakodain: Suopma= FI, Ruoŧŧa= SE, Norga = NO, Estteeana= EE, Ruošša= RU

Dábálamosit geavahuvvon riikakodat gávdnojit tabeallas dán rávvaga loahpas. Jos riikakoda ii gávdno tabeallas, almmut riikka nama.

Jos mávssu máksi lea gaskaboddasaš bargoaddi, dállodoaluid bargoaddijoavku dahje dállodoallu, almmut dieđu merkemin ruossa gažaldatvuloš čuoggái.

Dállodoallu lea ovttaskas olmmoš dahje jápminbeassi, mii lea bálkáhan ovdamearkan čorgejeaddji iežas persovnnalaš dállodollui.

Dállodoaluid bargoaddijoavku lea máŋgga dállodoalu ceggen ovttadat, mas joavkku dállodoalut leat ovttain bargosoahpamušain bálkáhan bargi, ovdamearkka dihte čorgejeaddji dahje mánáiddikšu. Dállodoallojovkui gullevaš dállodoalut doibmejit oktasašvásttolaččat bálkáhuvvon bargi bargoaddin. Dállodoallojoavkkus okta olmmoš dikšu iežas persovdnadovddaldagain bálkká máksima boađuoažžui ja dieđuid almmuheami boahtoregistarii.

Gaskaboddasaš bargoaddi lea ordnen bargiidis ealáhatdorvvu dagakeahttá ealáhatoadjosoahpamuša. Gaskaboddasaš bargoaddin sáhttá doaibmat, jos bargoaddi bálvalusas eai leat bistevaččat bargit ja bargiide geat lea mearreáigásaš bargogaskavuođas leat guđa mánotbaji áiggis máksojuvvon bálkkát oktiibuot vuollái sierra ásahuvvon euromeari rájá. Jagis 2021 bálkkáid euro meari rádjá lea 8 790 euro.

Jos mávssu máksi lea dállodoallu ja maid gaskaboddasaš bargoaddi meroštallan ollašuvvá, merke ruossa goappatge čuoggáide. Gaskaboddasaš bargoaddi galgá addit maid máksi čujuhusdieđuid ja čujuhusa riikakoda.

Merke almmuhussii maid lassedieđuid addi oktavuohtaolbmo nama ja telefonnummira.

2. Boađuoažžu

Boađuoažžu vuođđodieđut

Almmut bálkká dahje eará mávssu oažžu nama ja persovdnadovddaldaga dahje F-nummira. Jos boađuoažžu lea oasusfitnodatsearvi, kommandihtafitnodatsearvi, rabas fitnodatsearvi dahje eará juridihkalaš olmmoš, almmut ovtto F-nummira.

Merke suopmelaš persovdnadovddaldaga dahje F-nummira almmuhussii dievaslažžan. Diehtu lea bákkolaš.

Ovdamearka:

  • persovdnadovddaldat 101010-101A
  • F-nummir 0123456-2

Almmut čujuhusa ja čujuhusa riikakoda, jos boađuoažžu čujuhus lea eará sajis go Suomas.  

Ámmátluohká koda

Almmut boađuoažžu ámmátluohká, jos boađuoažžu lea bargobárteoadjuduvvon. Ámmáha galgá almmuhit dan mielde, man barggu boađuoažžu bargá. Jos son bargá guovtti dahje eanet sierra ámmátluohkkái gullevaš bargguid, almmuhuvvo ámmátluohkkán váldobarggu ámmátluohkká. Váldobargguin oaivvilduvvo dat bargu, maid olmmoš bargá áiggálaččat eanemusat.

Ámmátluohkká almmuhuvvo Statistihkkaguovddáža bajásdoallan ámmátluohkkájuogu mielde. Boahtoregistaris lea anus iežas Statistihkkaguovddáža ámmátluohkkájuohku -kodat, mii spiehkasta Statistihkkaguovddáža bajásdoallan virggálaš Ámmátluohkkájuohku 2010 -kodain. Boahtoregistara ámmátluohkkájuogu -kodain almmuhuvvojit ámmátluohkát 5-nummir kodain.

Ovdamearkkat dábálamos dállodoaluid geavahan ámmátluohká kodain:

91110 Ruovttuveahkit ja -čorgejeaddjit (ruovttučorgen, gaskaboddasaš mánáiddikšu)

71110 Dállohuksejeaddjit (dáluid ja eará unnavisttiid ceggen, ortnegisdoallan ja divvun)

74110 Huksenelektrihkkárat (sierralágan visttiid dego ássanviesuid šleađgavuogádagaid ja daidda laktáseaddji rusttegiid bidjan sadjái, fuolahus ja divvun)

Máŋggaid surggiid dego huksen- ja divvunsuorggi ámmátluohká kodat mearrašuvvet doaibmasuorggi mielde. Ámmátluohkkákodaid sáhttá dárkkistit čujuhusas stat.fi

Boađuoažžu lea oasseoamasteaddji dahje organisašuvdna

Merke ruossain, jos boađuoažžu lea bargguhisvuođaoadjolágas (1290/2002) oaivvilduvvon oasseoamasteaddji fitnodagas, mii máksá bálkká dahje eará mávssu. Dárkilut dieđuid oažžut dárbbu mielde Barggolašvuođafoanddas (Työllisyysrahastosta).

Merke ruossain maid dili, mas boađuoažžu lea organisašuvdna (rabas fitnodatsearvi, kommandihtafitnodatsearvi, oasusfitnodatsearvi, ossodatgoddi, ovttastus, vuođđudus dahje eará siviilavuoigatvuođalaš vuoigatvuođapersovdna).

Oadjudeapmi

Diehtu bargoealáhatoajus

Merke ruossa dan bargoealáhatoaju buohta, man mielde boađuoažžu lea oadjuduvvon: bargi bargoealáhatoadju fitnodatolbmo ealáhatoadju dahje eanadoallofitnodatolbmo ealáhatoadju.

Sáhtát válljet dušše ovtta golmma molssaeavttus:

  1. Vállje Bargi bargoealáhatoaju, jos boađuoažžu lea oadjuduvvon
    • bargi ealáhatlága (395/2016) mielde
    • almmolaš surggiid ealáhatlága (81/2016) mielde
    • mearraalmmáilága (1290/2006) mielde
    • ortodoksalaš girkus addojuvvon lága (985/2006) mielde
    • Suoma Báŋkkus addojuvvon lágas (214/1998) oaivvilduvvon ealáhatnjuolggadusa vuođul
    • Ålándda eanagoddelágas (ÅFS 54/2007) oaivvilduvvon ealáhatnjuolggadusa vuođul.
  2. Vállje Fitnodatolbmo oaju (YEL), jos boađuoažžu lea oadjuduvvon fitnodatolbmo ealáhatlága (1272/2006) mielde. Fitnodatolmmoš lea olmmoš, guhte bargá dienasbarggu nu ahte ii leat bálvalangaskavuođas ja deavdá gažaldatvuloš dienasbarggu oasil dovdomearkkaid, mat leat láhkaásahusas. Fitnodatolmmoš vástida iežas ealáhatoaju ordnemis. Fitnodatolmmoš oadjuda doaimmas fitnodatolbmo ealáhatlága (1272/2006) mielde. Oadju lea bákkolaš, go fitnodatolmmoš deavdá ealáhatlága biirii gullama gáibádusaid, ja oaju galgá váldit guđa mánotbaji sisti fitnodatdoaimma álgimis.
  3. Vállje Eanadoallofitnodatolbmo ealáhatoaju (MYEL), jos boađuoažžu lea oadjuduvvon eanadoallofitnodatolbmo ealáhatlága (1280/2006) mielde. Eanadoallofitnodatolbmo ealáhatlágas oaivvilduvvon oadju lea eanabargiid, vuovdeeaiggádiid, guollebivdiid ja badjeolbmuid sihke sin bearašlahtuid bargoealáhatoadju. Maid veahkkeruđaoažžut gullet MYEL mieldásaš bargoealáhatdorvvu biirii.

Ii oadjudangeatnegasvuohta čuovvovaš oajuid oasil

Dihto diliin bargoaddis ii leat oadjudangeatnegasvuohta ovdamearkka dihte oadjudeami euromeari vuollerájá geažil, olbmo agi vuođul dahje danne, ahte boađuoažžu doaibmá fitnodatolmmožin.

Sierra oajuin oadjudangeatnegasvuođat leat dát:

  • Bargoealáhatoadju: Bargoaddi geatnegasvuohtan lea oadjudit buot 17–67-jahkásaš bargiid, geaid dietnasat mannet badjel oadjudangeatnegasvuođa vuollerájá (61,37 euro/mb jagis 2021).
  • Buohcooadju: Bargoaddi buohcooadjomáksu máksojuvvo 16–67- jahkásaččaide máksojuvvon bálkkáin.
  • Bargguhisvuođaoadju: Bargguhisvuođaoadjomáksu máksojuvvo 17–64-jahkásaččaide máksojuvvon bálkkáin. Jos bargoaddi máksá jagi áigge bálkkáid vuollái 1 300 euro, dat ii dárbbaš čilget bargguhisvuođaoadjomávssuid. Bargoaddi ferte goittotge álo geassit bálkkás bargi bargguhisvuođaoadjomávssu, jos bargi lea geatnegas máksit oadjomávssu.
  • Bárte- ja ámmátdávdaoadju: Bárte- ja ámmátdávdaoajus eai leat ahkeráját, muhto oadjudangeatnegasvuohta lea, jos bargoaddi máksá bargiidasas bálkkáid unnimustá 1 300 euro kaleandarjagi áigge.

Merke ruossa dan oaju dahje daid oajuid bokte, maid oasil máksis ii leat leamaš geatnegasvuohta oadjudit bálkáoažžu.  Jos oadjudangeatnegasvuohta ii guoskka ovttage oaju, reahkká okta ruossa bajimuš čuoggás ”Bargoealáhat-, buohco-, bargguhisvuođa-, bárte- ja ámmátdávdaoadju” (”Työeläke-, sairaus-, työttömyys-, työtapaturma- ja ammattitautivakuutus”).

Fuomáš, ahte jos almmuhusain addojuvvo diehtu čuoggás ”Ii leat oadjudangeatnegasvuohta čuovvovaš oajuid oasil ” (”Ei ole vakuuttamisvelvollisuutta seuraavien vakuutuksien osalta”), dat guoská buot almmuhuvvon sisaboađuid. Jos oadjudandiehtu rievdá gaskan bálkámáksinbaji, boađuoažžus galgá addit guokte sierra almmuhusa. Máksi galgá dalle addit sierra almmuhusain dieđuid dain boađuin, main lea oadjudangeatnegasvuohta.

Ovdamearka: Bargoaddi máksá boađuoažžui bálkká 250 euro. Bargoaddi kaleandarjagi áigge bargiidasas máksin bálkkát báhcet vuollái bárte- ja ámmátdávdaoadjudeami sihke bargoaddi bargguhisvuođaoadjudeami jahkásaš vuollerájá (1 300 euro). Bargoaddis lea geatnegasvuohta máksit bargoealáhat- ja buohcooadjomávssuid boađuoažžu bálkkás. Máksi lea ordnen boađuoažžu ealáhatdorvvu dagakeahttá oadjosoahpamuša dahjege nuppiin sániiguin son lea gaskaboddasaš bargoaddi.

Bargoaddi almmuha čuovvovaš oadjudeami guoski dieđuid:

  • Diehtu bargoealáhatoajus: Bargi bargoealáhatoadju
  • Ii oadjudangeatnegasvuohta: Bargguhisvuođaoadju
  • Ii oadjudangeatnegasvuohta: Bárte- ja ámmátdávdaoadju
  • Bargoealáhatlágádusa fitnodatsearvedovddaldat: NN
  • Bargoealáhatoadjuduvvon boađuoažžu ealáhatortnetnummir: (ii almmuhuvvo, daningo máksi lea gaskaboddasaš bargoaddi)

Bargoealáhatlágádusa fitnodatsearvedovddaldat ja bargoealáhatoadjuduvvon boađuoažžu ealáhatortnetnummir

Almmut dan bargoealáhatlágádusa fitnodatsearvedovddaldaga, gos leat váldán bargoealáhatoaju. Merke čuoggái dušše nummira, ale čále bargoealáhatlágádusa nama. Bargoealáhatlágádusain dárkkuhuvvo ealáhatoadjofitnodatsearvi, ealáhatkássa dahje ealáhatvuođđudus. Juohke bargoealáhatlágádusas lea oktagaslaš guovtte dahje viđa mearkka fitnodatsearvedovddaldat, mainna dieđut čuozihuvvojit rivttes bargoealáhatlágádussii. Almmut maid boađuoažžu ealáhatortnetnummira.

Bargoaddis ii leat ealáhatoadjudangeatnegasvuohta, jos bargái máksojuvvon bálká mánotbajis lea vuollái bargoealáhatoadjudeami vuollerájá (61,37 euro/mb jagis 2021). Guođe dan dáhpáhusas dáid čuoggáid deavddekeahttá.

Jos boađuoažžu lea MYEL-oadjuduvvon dahje YEL-oadjuduvvon, bargoealáhatlágádusa finodatsearvedovddaldat ja ealáhatortnetnummir ii almmuhuvvo.

Jos leat gaskaboddasaš bargoaddi, vállje vuolábeale tabeallas dan bargoealáhatlágádusa, man bokte áiggut dikšut ealáhatoadjudeami. Almmut dan bargoealáhatlágádusa fitnodatsearvedovddaldaga. Gaskaboddasaš bargoaddi ii dárbbaš almmuhit ealáhatortnetnummira.

Bargoealáhatlágádus
Bargoealáhatlágádusa fitnodatsearvedovddaldat Bargoealáhatlágádus
46 Keskinäinen Eläkevakuutusyhtiö Ilmarinen
54 Keskinäinen Työeläkevakuutusyhtiö Elo
55 Keskinäinen työeläkevakuutusyhtiö Varma
56 Eläkevakuutusosakeyhtiö Veritas

Bargobárteoadjofitnodatsearvvi F-nummir ja oadjonummir

Almmut bargobárteoadjofitnodatsearvvi F-nummira ja bargobárteoaju oadjonummira. Bargoaddi galgá oadjudit iežas bargi barggus šaddi bárttiid várás bargobárteoajuin, jos kaleandarjagi áigge bargiide máksojuvvon bálkkáid oktasaš submi lea unnimustá 1 300 euro. Dieđut leat bákkolaččat, jos bargoaddi lea oadjudan bargiidis eanet go ovttain bargobárte- ja ámmátdávdaoajuin. 

3. Boađuoažžui máksojuvvon mávssut

3A Bálkká oktasašsubmi ja geahpedanvuloš earit

Almmut Bálkká oktasašsubmi (Palkan yhteissumma) -čuoggás boađuoažžui máksojuvvon ruhtabálkká. Bálkká oktasašsubmi -čuoggái merkejuvvojit buot boahtošlájain 101 Bálká oktasašsubmi almmuhanvuloš mávssut (Palkka yhteissumma ilmoitettavat suoritukset). Bálkká oktasašsubmi sisttisdoallá buot 200-ráiddu boahtošlájaid. Oaččut lassedieđuid bálkkáid boahtošlájain čujuhusas siiddus Bálkkáid boahtošlájat (Palkkojen tulolajit). 

Almmut maid bálkkás ja eará mávssuin geahpedanvuloš eriid:

  • bargis dahje eará mávssu oažžus berrojuvvon ovdavearogeassin oktiibuot (maid ovdamearkan bargobuhtadusa ovdavearrogeassin)
  • bargi bargoealáhatoadjomáksu
  • bargi bargguhisvuođaoadjomáksu

Dárkilut dieđuid bargoealáhatoadjomávssu mearrašuvvamis sáhtát dárkkistit dan bargoealáhatlágádusas maid geavahat. Bargguhisvuođaoadjomávssus oaččut lassedieđuid Barggolašvuođafoanddas (Työllisyysrahastosta).

Jos oassi Bálkká oktasašsubmi -čuoggás almmuhuvvon boađuin eai leat sosiálaoadjomávssuid (bargo-, buohcce-, bargguhisvuođa- sihke bargobárte- ja ámmátdávdaoadjomávssuid) vuođđun, almmut das sierra. Merke tabellii guđege oadjomávssu buohta dan oasi boađuin, mii lea oadjomávssuid vuollásaš. Tabealla ii devdojuvvo,

  • jos boađuoažžui máksojuvvon boahtu lea buot oadjomávssuid vuollásaš
  • jos skovi siiddus 2 lea almmuhuvvon, ahte boađus ii leat ollege oadjudangeatnegasvuohta ovdamearkka dihte oadjudeami euromeari vuollerájá geažil, olbmo agi vuođul dahje danne, ahte boađuoažžu doaibmá fitnodatolmmožin.

3B Eará almmuhanvuloš boahtošlájat

Almmut čuoggás 3B eará go čuoggás 3A almmuhuvvon sisaboađuid ja geahpedanvuloš eriid. Dákkár boahtošlájat leat ovdamearkan

  • 336 Bargobuhtadus (doaibmanaddingaskavuođas máksojuvvon buhtadus fitnodatolbmui, fitnodahkii dahje ovdamearkka dihte priváhta beaivedivššárii, gii ii gula ovdabearranregistarii)
  • 353 Vearuvuloš goluid buhtadus (barggu bargái bargguid dikšumis njuolgga šaddan goluin máksinvuloš buhtadus, ovdamearkka dihtii bargoreaidduid ja materiála skáhppomis šaddan golut).

Buot almmuhuvvon boahtošlájaid oktiiluiton ovdavearrogeassimat almmuhuvvojit čuoggás 3A Ovdavearrogeassin oktiibuot (Ennakonpidätys yhteensä).

Vuolde lea logahallon buot sierra almmuhanvuloš boahtošlájat, maid sáhttá almmuhit čuoggás 3B:

Sierra almmuhanvuloš boahtošlájat
Koda Boahtošlája namma
302 Visteloana reantoovdu (Asuntolainan korkoetu)
308 Hálddahusorgána lahttovuođas máksojuvvon bálká(Hallintoelimen jäsenyydestä maksettu palkkio)
309 Bargoveahkaruhtafoanddas loktejuvvon ruhtarádjoossodat ja badjebáza (vearuvuloš 80%) (Henkilöstörahastosta nostettu rahasto-osuus ja ylijäämä (veronalainen 80%))
310 Bargovehkii addojuvvon ruhtaskeaŋka (Henkilöstölle annettu rahalahja)
313 Geavahanbuhtadus dienasboahtu (Käyttökorvaus ansiotuloa)
314 Geavahanbuhtadus oaiveopmodatboahtu (Käyttökorvaus pääomatuloa)
315 Eará bargovehkii oaivvilduvvon vearuvuloš ovdu (Muu henkilöstölle suunnattu veronalainen etu)
316 Eará vearuvuloš dienasboahtu (Muu veronalainen ansiotulo)
320 Oasusbálká (Osakepalkkio)
326 Bálká bargoaddihutkosis (Palkkio työsuhdekeksinnöstä)
332 Máksu mii lea oaiveopmodatboahtu (Pääomatuloa oleva suoritus)
335 Soabahalli gollobuhtadus (Sovittelijan kulukorvaus)
336 Bargobuhtadus (Työkorvaus)
337 Guđege bargoaddi buohcokássa máksin dievasmahttinbeaiveruhta (Työnantajakohtaisen sairauskassan maksama täydennyspäiväraha)
338 Bargoaddi máksin ealáhat (Työnantajan maksama eläke)
339 Juogadas mii vuođđuduvvá bargomearrái dahje badjelbáza (bálká) (Työpanokseen perustuva osinko tai ylijäämä (palkka))
340 Juogadas mii vuođđuduvvá bargomearrái dahje badjelbáza (bargobuhtadus) (Työpanokseen perustuva osinko tai ylijäämä (työkorvaus))
341 Bargoaddmátkeibileahta vearuhis oassi (Työsuhdematkalipun verovapaa osuus)
342 Bargoaddimátkebileahta bálkán gehččojuvvon oassi (Työsuhdematkalipun palkaksi katsottu osuus)
343 Bargoaddioptio (Työsuhdeoptio)
350 Valástallifondii sirdojuvvon bálká (Urheilijarahastoon siirretty palkka)
351 Valástallifoanddas máksojuvvon bálká (Urheilijarahastosta maksettu palkka)
352 Oadjobálká (Vakuutuspalkka)
353 Vearuvuloš goluid buhtadus (Veronalainen kustannusten korvaus)
357 Oktasaččat ávkkálaš servoša máksin kilomehterbuhtadus (Yleishyödyllisen yhteisön maksama kilometrikorvaus)
358 Oktasaččat ávkkálaš servoša máksin beaiveruhta (Yleishyödyllisen yhteisön maksama päiväraha)
359 Vuođuhis ovdu (Perusteeton etu)
361 Bargoaddioptio, man emišuvdnahaddi lea luohpadanmuttus vuolit go márkanhaddi (Työsuhdeoptio, jonka merkintähinta on luovutusajankohtana alhaisempi kuin markkinahinta)
362 Ráddjejuvvon vearrogeatnegassii máksojuvvon geavahanbuhtadu (rojalta) (Rajoitetusti verovelvolliselle maksettu rojalti)
363 Sihkkelovddu vearuhis oassi (Polkupyöräedun verovapaa osuus)
364 Sihkkelovddu bálkán gehččojuvvon oassi (Polkupyöräedun palkaksi katsottu osuus)
407 Eará lunddolaš ovdduin berrojuvvon buhtadus (Muista luontoiseduista peritty korvaus)
415 Bargoaddimátkebileahtas berrojuvvon buhtadus (Työsuhdematkalipusta peritty korvaus)
419 Geahpedeapmi ovdal ovdavearrogeassima (Vähennys ennen ennakonpidätystä)
420 Sihkkelovddus berrojuvvon buhtadus (Polkupyöräedusta peritty korvaus)

3C Lunddolaš ovddut ja goluid buhtadusat

Almmut čuoggás 3C boađuoažžu ožžon lunddolaš ovddut (tulonsaajan saamat luontoisedut) (biilaovdu ja eará vearuvuloš lunddolaš ovddut) sihke goluid buhtadusat (vearuhis kilomehterbuhtadus ja beaiveruđat).

Almmut biilaovddu meari ja kilomehteriid vuodjinbeaivegirjji mielde sihke merke ruossain, leago gažaldagas friija biilaovdu vai biilla geavahanovdu. Merke ruossain maid lunddolaš biilaovddu ahkejoavkku. Biillat gullet golmma vuosttas geavahanjagi áigge ahkejovkui A, golmma čuovvovaš jagi áigge ahkejovkui B ja dán maŋŋá ahkejovkui C. Árvu U dárkkuha olgoriikkain geavahusas leahkki ja doppe ožžojuvvon biilaovddu.

Almmut vearuhis kilomehterbuhtadusa euromeari ja dan vuođđun leahkki kilomehtermeari. Almmut kilomehtermeari čavdelohkun. Ovdamearkan jos kilomehtermearri lea 125,6, almmut 126.

Merke čuoggái Beaiveruđat oktiibuot (Päivärahat yhteensä) vearuhis beaiveruđaid ja borranbuhtadusaid oktasašmeari. Merke ruossain, maid buhtadusaid submi sisttisdoallá (borranbuhtadus, oassebeaiveruhta, ollesbeaiveruhta, olgoriikkabeaiveruhta). Sáhtát válljet ovtta dahje eanet molssaeavttu.

Jos mátkegoluid buhtadusat leat máksojuvvon vuostá Vearrohálddahusa mearrádusas oaivvilduvvon áige- ja kilomehterrájáid, dat eai leat mange oasil vearuheamit. Buhtadusat buohtastahttojit dalle bálkái ja dat almmuhuvvojit bálkán. Buhtadusat eai dalle almmuhuvvo dán čuoggás.

Almmut čuoggás Eará vearuvuloš lunddolaš ovddut oktiibuot (Muut verotettavat luontoisedut yhteensä) eará ovddut, maid bargoaddi lea addán earán go ruhtan. Merke ruossain, jos submi sisttisdoallá visteovddu, telefonovddu, biebmoovddu dahje eará ovdduid. Eará ovddut leat ovdamearkka dihtii biilastállaovdu ja fanasovdu.

Jos boađuoažžui lea addojuvvon biebmoovdu ja das berrojuvvon buhtadus vástida vearuhanárvvu, merke ruossa čuoggái Biebmoovddus berrojuvvon buhtadus vástida vearuhanárvvu (Ravintoedusta peritty korvaus vastaa verotusarvoa) ja almmut biebmoovddu čuoggás Biebmoovdu (Ravintoetu). Jos biebmoovddus berrojuvvon buhtadus ii vástit vearuhanárvvu, almmut bálkkás berrojuvvon oasi boahtošlájain 407 Eará lunddolaš ovdduin berrojuvvon buhtadus (Muista luontoiseduista peritty korvaus) skovi čuoggás 3B ja almmut biebmoovddu čuoggás Eará vearuvuloš lunddolaš ovddut oktiibuot (Muut verotettavat luontoisedut yhteensä).

4. Beaivemearri ja vuolláičálus

Vuolláičále skovi ovdal go sáddet dan. Merke maid beaivemeari ja telefonnummirat.

Riikakodat

Dábálamosit geavahuvvon riikakodat
AE Arábaemiráhtat AM Armenia AR Argentina
AT Nuortariika AU Austrália AZ Azerbaidzan
BA Bosnia ja Hercegovina BB Barbados BE Belgia
BG Bulgaria BM Bermuda BR Brasilia
BY Vilges-Ruošša CA Kanada CH Sveica
CN Kiinná CY Kypros CZ Tseahkka
DE Duiska DK Dánmárku EE Estteeana
EG Egypta ES Spania FI Suopma
FR Frankriika GB Stuorra-Británnia GE Georgia
GG Guernsey GR Greika HK Hongkong
HR Kroatia HU Ungár ID Indonesia
IE Irlánda IL Israel IM Mansuolu
IN India IS Islánda IT Itália
JE Jersey JP Jáhpan KG Kirkisa
KR Korean dásseváldi KY Caymansullot KZ Kazakstan
LK Sri Lanka LT Lietuva LU Luxemburg
LV Latvia MA Marokko MD Moldova
ME Montenegro MK Makedonia MT Malta
MX Meksiko MY Malesia NL Vuolleeatnamat
NO Norga NZ Ođđa-Selánda PH Filippiinnat
PK Pakistan PL Polska RO Romania
RS Serbia RU Ruošša SE Ruoŧŧa
SG Singapore SI Slovenia SK Slovakia
TH Thaieana TJ Tažikistan TM Turkmenistan
TR Durka TZ Tansania UA Ukraina
US Amerihká ovttastuvvan UY Uruguay UZ Uzbekistan
VG Brihttalaš Nieiddašsullot VN Vietnam ZA Lulli-Afrihká
ZM Sambia