Vearroalmmuhus (Veroilmoitus)

Oaččot ovdadevdojuvvon vearroalmmuhusa njukča-cuoŋománus. Jus dus ii leat miige lasihanláhkai iige divvunláhkai de almmuhusa ii dárbbaš máhcahit.

Vearroalmmuhusa (vearrojahki 2016) maŋimuš máhcáhusbeaivi lea jogo

  • 3.4. dahje 9.5. dahje 16.5.2017
  • Máhcahusbeaivi lea merkejuvvon almmuhusa ovdasiidui.

Muitte dárkkistit ovdadevdojuvvon vearroalmmuhusa

Dárkkis álo buot dieđuid, mat leat du vearroalmmuhusas. Jus dieđut leat riekta eaige matge dieđut váillo, de du ii dárbbaš dahkat eará. Jus it máhcat ovdadevdojuvvon vearroalmmuhusa, de gehččo, ahte don leat addán iežat vearroalmmuhusa dainna sisdoalun.  

Dievasmahte dahje divo jus lea dárbu

Divššo áššiid neahtás

Dievasmahte dahje divo vearroalmmuhusa neahtás (vero.fi/veroilmoitus). Bálvalus lea rabas vearroalmmuhussii merkejuvvon maŋimuš máhcahusbeaivvi rádjai.

Bálvalus oahpista du dieđuid almmuheamis. Ále máhcat bábir vearroalmmuhusa dahje čuovusskoviid ollenge, jus almmuhat dieđuid neahtás.Neahtabálvalusa geavaheapmái dárbbašat persovnnalaš báŋkodovddaldagaid. Sáhtát almmuhit ja divvut neahtás dušše iežat dieđuid.

Sáhtát almmuhit dieđuid maiddái ovdadevdojuvvon vearroalmmuhusan ja čuovusskoviiguin. čálit čuovusskoviid dárbbu mielde dahje viečča daid vearrodoaimmahagas. Deavdinrávvaga mielddusin eai leat šat čuovusskovit.

Jus addat dieđuid báhpárin, máhcat vearroalmmuhusa ja čuovusskoviid máhcahuskonfaluhtas poastta fárus. Ále goit sádde kuittiid, duhtosiid dahje álgoálgosaš áššegirjjiid.  

Vearroalmmuhusa máhcaheami maŋideapmi

Sáhtát ohcat lassiáiggi iežat vearroalmmuhusa máhcaheapmái, jus dus leat dasa earenoamáš sivat.  Vearrohálddahus sáhttá guhkidit vearroalmmuhusa máhcahusáiggi ovdal du maŋimuš máhcahanbeaivvi.

čálit skovi (Skovvi vearroalmmuhusa addinaáiggi guhkideapmái).