Persovdnaáššehaččat dikšot vearroáššiid dás ovddos OmaVero-bálvalusas

Vearrohálddahus rávve persovdnaáššehaččaid dikšut dás ovddos iežas vearroáššiid OmaVero-bálvalusas. OmaVero boahtá vehážii mielde measta buot Vearrohálddahusa elektrovnnalaš bálvalusaid sadjái. Ođđa áššin persovdnaáššehaččat sáhttet dál dahkat OmaVero -bálvalusas vearrokoartta ja dievasmahttit vearroalmmuhusa dieđuid. Álbmogat ožžot ihttin duorastaga 15.11. poastta Vearrohálddahusas, go almmolaš dieđáhus, mas muitaluvvo persovdnavearuhusa nuppástusain juhkkojuvvo buot ruovttudoaluide.

OmaVero -bálvalusas sáhttá máiddái geahččat vearromáhcahusa ja bázavearu máksindieđuid, máksit vearuid, dikšut fitnodaga vearroáššiid ja almmuhit kontunummira vearromáhcahusaid várás. Oasussearvvit ja eará servošat leat dikšon vearroáššiid OmaVero-bálvalusas jo moatte jagi áigge.

Nuppástusvearrokoarta dahkko dál OmaVero-bálvalusas

Jus bálkáoažžus lea dárbu nuppástuhttit dán jagi vearrokoartta, son dahká dan dál OmaVero-balválusas. Nuppástusvearrokoartta jahkái 2018 sáhttá dahkat bálvalusas 18.juovlamánu rádjai.

Jagis 2019 vearrokoarta ja vearroalmmuhus ođasmuvvet, máksinbeaivvit árranit

Ná álbmoga vearroáššit nuppástuvvet boahtte jagi:

Vearrokoarta

  • Vearrohálddahus sádde vearrokoarttaid jahkái 2019 buohkaide vel poastta fárus. Sáhtát nuppástuhttit vearrokoartta OmaVero-bálvalusas, go du iežat vearrokoarta lea boahtán ruoktot dahje maŋimustá 13.12. rájes.
  • Boahtte jagis ovddosguvlui du vearrokoarttas lea dušše okta boahtorádjá. Buot du bargoaddit geavahit seamma vearrokoartta ja sáhtát doaimmahit vearrokoarttas kopiija iežat bargoaddái.

Vearroalmmuhus

Jagis 2019 sáhtát almmuhit vearroalmmuhussii dieđuid OmaVero-bálvalusas miehtá jagi dan mielde, go šaddet geahpádusat.

Máksinbeaivvit

  • Vearromáhcahusat máksojuvvo máŋgasiidda boahtte jagi jo borgemánu rájes. Maiddái bazávearuid earrebeaivvit árranit.

Suomi.fi-dieđut

  • Jus hálidat luohpat báberpoasttas, man Vearrohálddahus sádde, váldde geavahussii elektrovnnalaš eiseváldeáššiiddikšun Suomi.fi-dieđut.

Persovdnaáššehaččaid vearuhussii laktáseaddji áigetávvalat 2018-2019

Skábmamánnu 2018: OmaVero-bálvalus rahpasa viidáseabbot persovdnaáššehaččaide

Nuppástusvearrokoartta jahkái 2018 sáhttá dahkat OmaVero-bálvalusas.

4.12.2018-16.1.2019: Jagi 2019 vearrokoarttat sáddejuvvo poastta fárus buohkaide ruoktot

Jus vearrokoartta lea dárbu nuppástustuhttit, nuppástusvearrokoartta sáhttá dahkat OmaVero-bálvalusas 13.12. rájes.

1.1.2019 rájes: Bargoaddit almmuhit bálkkáid maid mákset boahtoregistarii (tulorekisteri)

(Tulorekisteri) Boahtoregistarii almmuhuvvon bálkádieđut sirdašuvvet automáhtalaččat OmaVero-bálvalussii, gos bálkáoažžu oaidná iežas bálkádieđuid 7.2.2019 rájes. Ealáhagat ja ovddut almmuhuvvo boahtoregistarii (tulorekisteri) 1.1.2020 rájes.

Sáhtát almmuhit dieđuid geahpádusain vearrojagi 2018 loahpalaš vearuhussii OmaVero-bálvalusa bokte.

Njukča-cuoŋománnu 2019: Jagi 2018 ovdadevdojuvvon vearroalmmuhusat leat oaidninláhkai OmaVero-bálvalusas.

Sáhtát dievasmahttit dárbbu mielde vearroalmmuhusa dieđuid. Ovdadevdojuvvon vearroalmmuhus sáddejuvvo poastta fárus maiddái ruoktot. Jus it hálit oažžut vearroalmmuhusa bábirhámis, váldde geavahussii elektrovnnalaš eiseváldeáššiiddikšun Suomi.fi-dieđut 28.2.2019 rádjai.

Suoidnemánnu-juovlamánnu 2019: Jagi 2018 vearromáhcahusat máksui

Vearrohálddahus máksá vearromáhcahusaid borgemánu ja juovlamánu gaskasaš áigge. Boahtte jagis ovddosguvlui ii leat nappo okta máksubeaivi buohkaide persovdnaáššehaččaide juovlamánus. Bázavearu earrebeaivvit árranit.

Bálvalus sámegillii

Vearrohálddahusa davvisámegielat bálvalannummir 029 497 390 bálvala vuossarggaid dmu 9-11. Áššehaš sáhttá guođđit maiddái oktavuođaváldinbivdaga šleađgapoasttain čujuhussii balvalus<at>vero.fi.

Jus áššehačča áššiiddikšungiella lea anáraš- dahje nuortalašgiella, Vearrohálddahus ordne dulkka, guhte riŋge áššehažžii ruovttoluotta ja soahpa dulkonáiggis. Telefonráđđádallamii oassálastá vearrovirgeolbmo lassin maiddái máinnašuvvon giela dulka.

Mii sáhttit ordnet sámegielat bálvalusa bivdagis maiddái vearrodoaimmahahkii gáiddusdulkoma bokte. Vearrohálddahus máksá dulkongoluid.

Lassedieđut: Almmolaš dieđáhus (pdf)

Lassedieđut:

Almmolaš dieđáhus sámegillii
verosihteeri / vearročálli Sari Guttorm,
Pohjois-Suomen verotoimisto / Davvi-Suoma vearrodoaimmahat
Kittilän toimipiste / Gihttela doaibmabáiki
tlf. 029 513 4317
email: etunimi.sukunimi@vero.fi