Ná diŋgot nuppástusvearrokoartta jahkái 2021 OmaVero -bálvalusas

Vearrokoartta várás dárbbašat dieđuid boađuin ja geahpádusain:

  • Árvvoštala olles jagi boađuid.
  • Rehkenastte jagi álggu boađuid ja vearuid.
  • Lasit maiddái dieđuid vejolaš geahpádusain.

Ná dagat vearrokoartta dahjege nuppástuhttat bálkká vearroproseantta OmaVero -bálvalusas

  1. Čálit sisa OmaVero -bálvalussii. (Rahpasa ođđa siidui)

    Go čálihat sisa OmaVero-bálvalussii, don fertet identifiseret iežat elektrovnnalaččat. Dárbbašat ovdamearkka dihtii fierbmebáŋkodovddaldagaid dahje mobiilasihkkarastima.

  2. Oza Toiminnot-čuoggá ja vállje Verokortit ja ennakkovero. (Vearrokoarttat ja ovdavearru)

  3. Oainnát fámus leahki vearrokoartta dieđuid. Go válljet Avaa verokortti (Raba vearrokoartta), oaččot oidnosii iežat fámus leahki vearrokoartta. Sáhtát vurket dahje čálihit dan alccet.

  4. Jos hálidat dahkat iežat vearrokortii nuppástusaid, vállje Tilaa uusi verokortti (Diŋgo ođđa vearrokoartta).

  5. Dál oainnát iežat dieđuid. Dárkkis, ahte dieđut leat riekta. Sirdás čuovvovaš muddui, mii lea Esitäytetyt tulot ja vähennykset (Ovdadevdojuvvon boađut ja geahpádusat).

  6. Dárkkis dieđuid boađuin. Oainnát Boahtoregistarii almmuhuvvon dieđuid liŋkkas Tulorekisterin tiedot (Boahtoregistara dieđut).

    Daga dárbbašlaš nuppástusaid. Vállje, almmuhatgo dán rádjái máksojuvvon bálkkáid ja ovdavearrogeassimiid ieš vai geavahatgo boahtoregistarii almmuhuvvon dieđuid. Jus almmuhat dieđuid ieš, merke bálkká, man leat ožžon jagi álggu rájes ja das máksojuvvon ovdavearrogeassima.

    Fuom! Jus háliidat nuppástuhttit dušše vearrokoartta fápmoáiggi (ovd. 1.1. rájes), don fertet nuppástuhttit maiddái boađuid - ovdamearkka dihtii ovttan euron.

  7. Almmut čuovvovaččat ollugo sullii oaččot bálkáboađuid: sáhtát válljet, almmuhatgo árvvoštallama:

    • oppa jagi bálkkás (12 mánu)
    • bálkkás, mii máksojuvvo loahppajagis (ođđa vearrokoarta fápmuiboahtimis jagi lohppii).

    Rehkenastte oktii buot bálkkáid, maid oaččot bálkábarggus nugo bálkkát, bálkkášumit, luopmoruđat ja lunddolaš ovddut. Ále rehkenastte fárrui ovdduid, ealáhagaid, oahpporuđaid dahje olgoriikka bálkáboađuid. Almmut dáid boađuid sierra čuovvovaš muddus.

    Go dieđut leat riekta, sirdás čuovvovaš muddui, mii lea Muut tulot (Eará boađut).

  8. Jos dus leat eará boađut, almmut daid čuovvovaččat.

    Ovdamearkka dihtii: Jos oaččot láigoboađuid, vállje molssaevttu Kyllä (Jo), de beasat almmuhit dieđuid.

    Go dieđut leat riekta, sirdás čuovvovaš muddui, mii lea Muut vähennykset (Eará geahpádusat).

  9. Almmut vejolaš geahpádusaid dán muddus.

    Ovdamearkka dihtii vistti ja bargosaji gaskasaš mátkegoluid beasat almmuhit, go válljet Kyllä(Jo) čuoggás Matkakulut (Mátkegolut.)

    Go dieđut leat riekta, sirdás čuovvovas muddui, mii lea Toimitustapa (Doaimmahanvuohki).

  10. Vállje vearrokoartta fápmuiboahtinbeaivvi ja doaimmahanvuogi.

    Almmut, man beaivvi rájes du ođđa vearrokoarta lea fámus.

    Vállje, hálidatgo bálkáboađu vearrokoartta

    • dušše elektrovnnalaččat OmaVero-bálvalussii
    • OmaVero-bálvalussii ja báhpáriin poastta mielde ruoktot
    • OmaVero-bálvalussii ja njuolgga máksái

    Jus válljet maŋimuš čuoggá, beasat dan maŋŋá deavdit ovdamearkka dihtii bálkámáksi čujuhusdieđuid.

    Sirdás čuovvovaš muddui, mii lea Esikatsele ja lähetä (ovdageahča ja sádde).

  11. Dárkkis vel buot dieđuid. Jus dieđuin leat feaillat, divo daid. Sáhtát divvut feaillaid liŋkkas Muokkaa (Divo).

    Jos hálidat joatkit deavdima maŋŋá, vállje Tallenna keskeneräisenä (Vurke gaskandagabarggu) Vearrohálddahus ii gieđahala dieđuid, ovdal go leat sádden daid.

  12. Go buot vearrokoartta dieđut leat riekta, vállje Lähetä (Sádde).

    Dan maŋŋá oaččot guitema, ahte du almmuhus lea vuostáiváldon.

    Go leat sádden dieđuid, ođđa vearrokoarta doaimmahuvvo dán vuostáváldái, gean leat válljen. Kopiija vearrokoarttas gávnnat OmaVero -bálvalusa poastalođás, gosa beasat OmaVero-bálvalusa ovdasiiddus.

Sáhtát diŋgot vearrokoartta maiddái ná:

  • Riŋge nummirii 029 497 000. Háladeapmi máksá.
  • Fina vearrodoaimmahagas. Geahča vearrodoaimmahagaid oktavuohtadieđuid.