Korona – ovdasajis divššo áššiid fierpmis, telefonas ja boastta mielde

Mii ávžžuhat áššiid dikšut OmaVeros, gos sáhttá dikšut measta buot vearroáššiid. 

OmaVeros sáhttá ovdamearkka dihte dahkat nuppástusvearrokoartta ja deavasmahttit ovdadevdojuvvon vearroalmmuhusa.

Vero.fi:s leat vuđolaš rávvagat vearroáššiid dikšuma várás, ovdamearkan

Telefonbálvalus lea molssaeaktu áššiid dikšumii fierpmis

Vearrohálddahusa telefonbálvalusas sáhttá dikšut máŋggaid vearroáššiid  ja oažžut rávvema. Telefonbálvalusas sáhttá ovdamearkka dihte diŋgot nuppástusvearrokoartta.

Áššegirjjiid sáhttá doaimmahit maid boastta mielde

Sáhtát postet Vearrohálddahusa áššegirjjiid. Juohke skovi alde lea muitaluvvon čujuhus, gosa dat skovvi sáddejuvvo.

Jos dievasmahtát ovdadevdojuvvon vearroalmmuhusat báhpáriin, sáhtát dahkat dan deavdimiin dieđuid báberskoviide ja postemiin daid Vearrohálddahussii. Skoviid sáhtát čálihit vero.fi:s. Sáhtát diŋgot skoviid ja máhcahuskomfeluhta maid min bálvalannummiris 029 497 030.

Ale bija vearroalmmuhusa mielddusin guittiid dahje duhtosiid – mii bivdit  daid jos lea dárbu.

Vearrodoaimmahagaid rabasáiggiin nuppástusat

Vearrodoaimmahahkii ii gánnet boahtit, jos ášši sáhttá dikšut eará kánalaid bokte dahje jos ášši ii leat hohpolaš. Ale boađe vearrodoaimmahahkii, jos leat buozus, leat máhccan olgoriikkain dahje gulat riskajovkui.

Vearrodoaimmahagaid rabasáiggiin leat nuppástusat koronadili geažil.

Rávvagat persovdnaáššehasaide: koronavirusa váikkuhus vearroáššiide

  • Vearrokoarta: dárkkis varrokoartta boahtoráji ja oza dárbbu mielde nuppástusvearrkoartta OmaVeros (vero.fi/omavero).
  • Ovdavearru: jos dus lea fitnodat- dahje eanadoallodoaibma, mas mávssát ovdavearuid, dárkkis ja oza dárbbu mielde nuppástusa. Ovdavearu mearri vuođđuduvvá fitnodaga/ eana- ja meahccedoalu vearuvuloš bohtosa árvvoštallamii. Jos boađut dahje golut eai vástit árvvoštallama, ovdavearu gánneha nuppástuhttit. Sáhtát dárkkistit iežat ovdavearu ja ohcat nuppástusa OmaVeros (vero.fi/omavero).
  • Vearroalmmuhus: Ealáhusdoaimma, eana- ja meahccedoalu vearroalmmuhusaid dahje ovdadevdojuvvon vearroalmmuhusa mearreáiggit eai leat nuppástuvvan koronadili dihte. Sáhtát goit dárbbu mielde ohcat lassiáiggi almmuhusa addimii, jos dus lea erenoamáš sivva, man dihte it sáhte addit almmuhusa mearreáiggi siste. Sáhtát ohcat lassiáiggi OmaVeros.
  • Máksinváttisvuođat: Sáhtát ohcat vearuide máksinordnestallama. Koronadili dihte sáhtát ohcalit geahppuduvvon máksinordnestallamii 25.3. rájes. Máksoordnestallama sáhttá ohcat OmaVeros.

Rávvagat fitnodagaide:  koronavirusa váikkuhus vearroáššiide

  • Ovdavearru: dárkkis ja oza dárbbu mielde nuppástusa. Ovdavearu mearri vuođđuduvvá árvvoštallamii fitnodaga vearuvuloš bohtosii. Jos boađut dahje golut eai vástit árvvoštallama, ovdavearu gánneha nuppástuhttit. Sáhtát dárkkistit iežat ovdavearu ja ohcat nuppástusa OmaVeros (vero.fi/omavero).
  • Vearroalmmuhus: Vearroalmmuhusa mearreáiggit eai leat nuppástuvvan koronadili dihte. Sáhtát goit dárbbu mielde ohcat lassiáiggi almmuhusa addimii, jos dus lea erenoamáš sivva, man dihte it sáhte addit almmuhusa mearreáiggi siste. Sáhtát ohcat lassiáiggi OmaVeros.
  • Álv-almmuhusat: árvvulassivearu almmuhusaide ii sáhte ohcat lassiáiggi. Sáhtát goit bivdit ahte maŋŋonanmáksu guđđo bearakeahttá, jos dus lea erenoamáš sivva, man diihte it leat sáhttán addit almmuhusa mearreáiggi siste.
  • Máksinváttisvuođat: Sáhtát ohcat vearuide máksinordnestallama. Koronadili dihte sáhtát ohcalit geahppuduvvon máksinordnestallamii 25.3. rájes. Máksoordnestallama sáhttá ohcat OmaVeros.