Dárkkis vearrokoartat jahkeboahtoráji, vai du loahppajagi boađut eai vearuhuvvo lasseproseantta mielde

Árvvu mielde juoba juohke goalmmát bálkáváldi vearrokoartta vearroproseanta lea dál menddo unni. Vearrokoartta jahkeboahtoráji vuođđun leat ovddit jagiid boađut. Daga dárbbu mielde nuppástusvearrokoartta OmaVero-bálvalusas.

Vearrohálddahus muittuha bálkáváldiid dárkkistit iežas vearroproseantta ja dárbbu mielde velá dahkat loahppajahkái nuppástusvearrokoarta OmaVero-bálvalusas. Jos vearroproseanta lea menddo unni, loahppajagi dietnasat vearuhuvvojit lasseproseantta mielde. Vearroproseanta mearrašuvvá oppa jagi boađuid ja geahpádusaid vuođul.

– Iežas jahkeboahtoráji gánneha dárkkistit erenoamážit dalle, jos iežas bálkáboađuin dahje geahpádusain mat dahkkojit, lea leamaš čielga nuppástus, njunuš vearroáššedovdi Raili Knuutinen Vearrohálddahusas dadjá.

Dát lea vuosttas jahki, go suopmelaččain lea vearrokoarttas oppa jahkái dušše okta boahtorádji.  Bálkábadjeguovdásaš dahjege mánnosaš boahtorájit eai vearrokoarttas nappo šat leat. Danin lea erenoamáš dehalaš, ahte bálkáváldit čuvvot iežaset jahkeboađuideaset ovdáneami ja dahket dárbbu mielde nuppástusvearrokoartta.  

Maiddái sierra siidoboahtovearrokoarta ii šat dán jagi leat, muhto bálkáváldi sáhttá kopijastit seamma vearrokoartta buot bargoaddiidasas. Bargoaddái ii dárbbaš addit bábervearrokoartta, ovdamearkan vearrokoartta govva reahkká.

Vearrokoartta gánneha dahkat elektrovnnalaččat Vearrohálddahusa OmaVero-bálvalusas Vearrokoartta dahkama várás bálkáváldi ferte álo ovddalgihtii čielggadit čuovvovaš dieđuid:

  • jagi álggus čoggon boađuid ja vearuid
  • árvvoštallan oppa jagi boađuin
  • dieđut vejolaš geahpádusain, ovdamearkan mátkegoluin ja ruovttudoallogeahpádusain

Vearrokoartta sáhttá dahkat maiddái telefonbálvalusas dahje vearrodoaimmahagas.

Almmut OmaVero-bálvalusas geahpádusaid dieđuid dán jahkái jo dál

OmaVero-bálvalusas sáhttá jo dál almmuhit dán jahkái boahtti geahpádusaid, mat maiddái váikkuhit vearroprosentii. Ovdamearkan ruovttudoallogeahpádusa dahje mátkegoluid sáhttá almmuhit vearuhussii dalán, go golut leat máksojuvvon.

Daga nuppástusvearrokoartta ovdal skábmamánu  bálvalusboatkaga

Dat bálkáváldit, geaid lea dárbu dahkat nuppástusvearrokoartta, gánneha doibmet jo lagamus áiggis. Vearrohálddahusa bálvalusain lea 1.–8.11. boatka, mii boahtá diehtovuogádaga ođasmahttimis. OmaVero-bálvalus lea eret geavahusas 1.11.­–8.11. dmu 15.30–9 gaskasaš áigge. Vearroáššiid ii maiddái sáhte dikšut vearrodoaimmahagas dahje telefonbálvalusas 4.–6.11. Doaimmahagat ja dábálamos bálvalannummirat leat rábas, muhto dain oažžu dušše dábálaš rávvema.